Okeanda üzən şəhər layihəsi

“Ölkə.Az” xəbər verir ki, belə bir layihə 2020-ci ildə reallaşacaq. "Seasteading İnstitute” institutu bu ideyanı 2008-ci ildən reallaşdırır. Hazırda layihə Fransa Polineziyası hökuməti ilə razılaşdırılıb. Üzən şəhər bu ölkənin sularında sınaqdan keçiriləcək.

İnstitutun prezidenti Co Kirk deyib: “Əgər sizin üzən şəhəriniz olsaydı,  bu əslində başlanğıc ölkə olardı. Biz müxtəlif insanlar üçün müxtəlif dövlətlər qura bilərik”.

Bildirilir ki, üzən şəhərdə evlər, otellər, ofislər və restoranlar var. Mühəndislər və arxitektorlar artıq işə başlayıblar. İdeyanın əsas məqsədi bəşəriyyəti siyasətçilərdən azad etmək, cəmiyyəti idarə edən qaydalar yazmaqdır. Kvirk iddia edir ki, bu ofşor layihənin tikintisi 167 milyon dollara başa gələcək.

Hikmət Həsənov
Ölkə.Az