KORONAVİRUSA YOLUXANLARIN SAYI - CANLI STATİSTİKA

Olimpiada təxirə salınmasa, Azərbaycan idmançıları Tokioya gedəcəkmi? — AÇIQLAMA

Olimpiada təxirə salınmasa, Azərbaycan idmançıları Tokioya gedəcəkmi?
15:16
24.03.2020
911
İdman
A
“Azərbaycan Milli Olimpiya Komitəsi (MOK) Beynəlxalq Olimpiya Komitəsinin (BOK) qərarını gözləyəcək”.

Bu barədə Oxu.Az-a MOK-un vitse-prezidenti Çingiz Hüseynzadə deyib.

Norveç, Sloveniya, Serbiya, Xorvatiya, ABŞ, Fransa, Kanada, İspaniya, Braziliya və Avstraliyanın milli olimpiya komitələri Tokio Olimpiadasının təxirə salınmasını zəruri sayıb. Bu dövlətlər koronavirus pandemiyasına görə, yarışı təxirə salmağa çağırıb. Kanada artıq idmançılarını Tokioya göndərməyəcəyini açıqlayıb. Bəs Azərbaycanın bununla bağlı mövqeyi necədir?

Ç.Hüseynzadə azərbaycanlı atletlərin Olimpiadada iştirak etməməsi məsələsinin gündəmdə olmadığını bildirib: 

“Əgər BOK Tokio-2020 Olimpiya Oyunlarını təxirə salacaqsa, bizim hansısa qərar qəbul etməyimizə ehtiyac qalmayacaq. Əgər BOK Oyunları vaxtında keçirmək haqqında qərar verərsə, MOK azərbaycanlı idmançıların iştirakı məsələsini gündəmə gətirəcək. Bu məsələni təkcə MOK həll etmir. Bununla bağlı MOK, Milli Paralimpiya Komitəsi və ilk növbədə Azərbaycan hökumətinin birgə qərarı olmalıdır”.

Onun sözlərinə görə, Kanadanın Olimpiya Oyunlarında iştirak etməmək haqqında qərarı da yalnız yerli MOK-un qərarı deyil, həmçinin həmin ölkənin Milli Paralimpiya Komitəsinin, federasiyaların və Kanada hökumətinin qərarıdır: “Onlar bu addımı Olimpiya Oyunlarına hazırlıq işlərini çatdırmayacaqları ilə izah edirlər”.

Qeyd olunub ki, Tokio-2020 Yay Olimpiya Oyunları nəzərdə tutulduğu vaxtda keçiriləcəyi təqdirdə azərbaycanlı idmançıların iştirak etməməsi məsələsi yalnız MOK-un bizim atletlərin hazırlıq və məşq prosesinin pozulması və itirilmiş imkanların bərpa edilməsinin qeyri-mümkün olması zamanı nəzərdən keçirilə bilər.

“Lakin mən Azərbaycan idmançılarına güvənirəm. İnanıram ki, onlar vaxtında hazırlaşa və kifayət qədər Olimpiya lisenziyası qazana biləcəklər. Əgər BOK yarışların əvvəl nəzərdə tutulmuş vaxtda keçirilməsinə dair qərar qəbul edərsə, Azərbaycan Olimpiya Oyunlarında iştirak etmək istəyir”, – deyə MOK-un vitse-prezidenti Çingiz Hüseynzadə vurğulayıb.

Qeyd edək ki, bu gün BOK-un prezidenti Tomas Bax təşkilatçı ölkə olan Yaponiyanın baş naziri Sindzo Abe, Tokionun qubernatoru Yuriko Koike və yerli Təşkilat Komitəsinin sədri Yosiro Mori ilə Olimpiadanın təxirə salınması ilə bağlı məsələləri videokonfransda müzakirə edəcək.

ŞƏRH YAZ
0

“Möhkəm ol, Azərbaycan əsgəri” — Naci Şensoy- FOTO

“Möhkəm ol, Azərbaycan əsgəri”
11:55
14.07.2020
890
İdman
A
Bir zamanlar Tovuzun "Turan" klubunun baş məşqçisi olmuş Naci Şensoy Azərbaycan əsgərinə dəstəklədiyini yazıb.

“Ölkə.Az” xəbər verir ki, o, bu barədə sosial şəbəkə hesabında paylaşım edib:

"Möhkəm olun, igid tovuzlular və qəhrəman Azərbaycan əsgəri. Siz heç vaxt yalnız olmayacaqsınız. Tovuzlu igid şəhidimizin ruhu şad olsun ".

Qeyd edək ki, iyulun 12-də Ermənistan silahlı qüvvələrinin bölmələri Azərbaycan - Ermənistan dövlət sərhədinin Tovuz istiqamətində atəşkəs rejimini pozaraq mövqelərimizi ağır artilleriya atəşinə tutublar. Hücuma cəhd göstərən erməni dəstələri Azərbaycan Ordusunun şücaətli əsgərləri tətəfindən dəf edilərək, düşmən geri otuzdurulub.

Ölkə.Az

ŞƏRH YAZ
0

Lionel Messi daha bir tarixi rekorda imza atıb

Lionel Messi daha bir tarixi rekorda imza atıb
02:57
12.07.2020
1670
İdman
A
"Barselona"nın kapitanı Lionel Messi daha bir tarixi rekorda imza atıb.

"Ölkə.Az" apasport.az-a istinadən xəbər verir ki, argentinalı superulduz La Liqanın 36-cı turunda "Valyadolid"lə səfər qarşılaşmasında bunu bacarıb.

Görüşün 15-ci dəqiqəsində Arturo Vidalın vurduğu qolun məhsuldar ötürməsini verən 33 yaşlı oyunçu cari mövsüm assist sayını 20-yə çatdırıb. Onun aktivində həmçinin 22 qol var. Bununla Messi La Liqa tarixində bir mövsümdə 20 qol və 20 assist həddinə çatan ilk futbolçu olub.

Ölkə.Az

 

ŞƏRH YAZ
0
BAĞLA