Ölkədə bu şəxslərin orta aylıq əməkhaqqı artıb

Ölkədə bu şəxslərin orta aylıq əməkhaqqı artıb
02:33
11.07.2019
3167
İqtisadiyyat
A
2019-cu il iyunun 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 2,9 faiz artaraq 1590,7 min nəfər olub, onlardan 898,0 min nəfəri iqtisadiyyatın dövlət sektorunda, 692,7 min nəfəri isə qeyri-dövlət sektorunda fəaliyyət göstərib.

"Ölkə.Az" bildirir ki, Dövlət Statistika Komitəsindən verilən məlumata görə, muzdla işləyənlərin 21,0 faizi təhsil, 18,4 faizi ticarət, nəqliyyat vasitələrinin təmiri, 13,1 faizi sənaye, 8,4 faizi əhaliyə səhiyyə və sosial xidmətlərin göstərilməsi, 7,2 faizi tikinti, 6,9 faizi dövlət idarəetməsi və müdafiə; sosial təminat, 4,6 faizi nəqliyyat və anbar təsərrüfatı, 3,4 faizi peşə, elmi və texniki fəaliyyət, 3,1 faizi kənd təsərrüfatı, meşə təsərrüfatı və balıqçılıq, 1,6 faizi maliyyə və sığorta fəaliyyəti, 12,3 faizi isə iqtisadiyyatın digər sahələrində məşğul olublar.

2019-cu ilin yanvar-may aylarında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 7,9 faiz artaraq 583,7 manat təşkil edib. İqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, informasiya və rabitə, nəqliyyat və anbar təsərrüfatı, eləcə də tikinti sahələrində orta aylıq nominal əməkhaqqı daha yüksək olub.

Ölkə.Az

ŞƏRH YAZ
0

Gürcüstanın Azərbaycana borcu açıqlandı

Gürcüstanın Azərbaycana borcu açıqlandı
22:40
20.11.2019
329
İqtisadiyyat
A
Cari il noyabrın 1-nə olan məlumata görə, Gürcüstanın Azərbaycana 6,874 milyon ABŞ dolları həcmində dövlət borcu var.

"Ölkə.Az" azərtac-a istinadən xəbər verir ki, bu barədə Gürcüstan Maliyyə Nazirliyinin aylıq hesabatında bildirilir.

Məlumatda deyilir ki, noyabrın 1-i tarixinə Gürcüstanın 5 419 812 milyon ABŞ dolları həcmində xarici dövlət borcu var. Bunun 5 212 904 milyon dolları hökumətin borcudur.

Gürcüstanın ən çox borcu olduğu ölkələr sırasında ilk üçlükdə Almaniya (315,251 milyon dollar), Fransa (234,0911 milyon dollar) və Yaponiya (215,366 milyon dollar) yer alıb.

Ölkə.Az

ŞƏRH YAZ
0

Azərbaycanda neçə min nəfər sosial müavinət alır? — SON RƏQƏMLƏR

Azərbaycanda neçə min nəfər sosial müavinət alır?
22:06
20.11.2019
342
İqtisadiyyat
A
Ölkədə pensiyaçıların sosial müdafiəsini gücləndirmək məqsədilə Prezident İlham Əliyevin 2019-cu il fevralın 7-də imzaladığı Sərəncama əsasən 2018-ci il üzrə orta aylıq nominal əməkhaqqının illik artım sürətinə uyğun olaraq bu il yanvarın 1-dən bütün növ əmək pensiyalarının sığorta hissəsi indeksləşdirilərək artırılıb.

“Ölkə.Az” xəbər verir ki, “Əmək pensiyaları haqqında” Azərbaycan Respublikasının Qanununda edilmiş müvafiq dəyişikliklərə əsasən əmək pensiyasının minimum məbləği 2019-cu il martın 1-dən 160 manat, oktyabrın 1-dən isə 200 manat müəyyən edilib.

Dövlət Statistika Komitəsindən verilən məlumata görə, bu il oktyabrın 1-dən 392,7 min nəfərə sosial müavinətlər təyin olunub. Yaşa görə müavinət alanların sayı 76,2 min nəfər, əlilliyə görə 177,5 min nəfər, ailə başçısını itirməyə görə 44,9 min nəfər, sağlamlıq imkanları məhdud olduğuna görə müavinət alan 18 yaşadək uşaqların sayı isə 66,3 min nəfər olub.

Əmək pensiyası almaq hüququ olmayan 1,5 min nəfərə kommunal, nəqliyyat və digər xidmətlər üçün müavinət verilib.

Ölkə.Az

ŞƏRH YAZ
0
BAĞLA