“Ölkədə ildə 500-dək talasemiyyalı uşaq doğulur”
“Ölkə.Az” xəbər verir ki, bunu deputat Kamilə Əliyeva Milli Məclisin Səhiyyə komitəsinin bu gün keçirilən iclasında çıxşı zamanı deyib.
Onun sözlərinə görə, məsələ ilə bağlı parlamentdə dinləmələrin keçirilməsinə ehtiyac var.
“Təklif edərdim ki, dinləmələr hemoqolonopotiya adı altında keçirilsin. Ölkədə ildə 500-dək talasemiyyalı uşaq dünyaya gəlir.
Digər bir təklifim isə telekanallarda dərman pereparatlarının reklamı ilə bağlıdır. Dərmanlaırn reklamının qadağan olunması ilə bağlı qanun qüvvəyə minsə də, telekanallardakı verilişlərdə özəl klinika həkimləri tərəfindən hələ də dərman pereparatlarının reklamının şahidi oluruq. Bunun qarşısı alınmalıdır”,- deyə deputat bildirib.
Komitənin iclasında müzakirələr zamanı səslənən fikirlərə mövqeyini bildirən komitə sədri Əhliman Əmiraslanov bildirib ki, səslənən problemlərin həlli İcbari tibbi sığortaya qalıb:
“Hesab edirəm ki, İcbari tibbi sığortanın tətbiqi ilə səslənən problemlərin həllinə nail olmaq mümkün olacaq”.
Mürtəza
Ölkə.Az