"Ölkəmizə gələn turistlər Azərbaycandakı sabitliyin resepti ilə maraqlanırlar" — Deputat

15:21
10.08.2018
7989
Siyasət
A
"Azərbaycana gələn turistlərlə tez-tez söhbətlərim olur. Onlar heyranlıqla mənə sual verirlər ki, siz Azərbaycanda bu cür güclü sabitliyi necə qazanmısınız? Həmin turistlər Azərbaycandakı sabitliyin necə əldə edilməsinin resepti ilə maraqlanırlar".

Bu fikirləri "Ölkə.Az"a açıqlamasında Milli Məclisin deputatı İlham Məmmədov bildirib. 

Ərəb turistlərə qarşı gözdənsalma kampaniyasının aparılması ilə razılaşmadığını söyləyən İlham Məmmədov deyib ki, ərəb turistlərin içərisində kifayət qədər yüksək mədəniyyətə və dünya görüşünə sahib insanlar da var:

"O gün AZAL-ın bir məlumatına rast gəldim. Həmin məlumatda deyilir ki, 6 ay ərzində Azərbaycana 2 milyondan çox sərnişin daxil olub. Həmin 2 milyon insanın hər biri ən azı 500 manat pul xərcləsə görün nə qədər vəsait edər. Azərbaycanda fəaliyyət göstərən otellərin gəlirləri ildən-ilə daha da artır. Bu gün otellərdən 167 milyon vəsait əldə edilib. Bu vəsaitlər ölkəmizə qalır, yeni iş yerləri açılır. Ərəb turistlərin hesabına nə qədər insanımız işləyir, evinə pul aparır. Ərəblər bura ailə üzvləri ilə səfər edirlər. Mən hava limanında da şahid olmuşam ki, neçə-neçə ərəb qadınları Azərbaycana gəlirlər. Onlar gəlib ölkəmizi tanıyırlar, tanıdırlar. Bunun özü də bir xidmət sektorunun inkişaf etdirilməsidir. Ərəblər bura gəlirsə, deməli ölkəmizdə sabitlik, əmin-amanlıq var. Yoxsa ki, ərəbin istədiyi ölkəyə getməyə puılu var. Azərbaycan yaxşı olmasa, ərəbin burada nə işi var? Ərəblər Avropa ölkələrinə də gedir. Ölkəmiz sabitdir ki, bura gəlirlər də. Azərbaycana təkcə ərəblər deyil, xeyli sayda rus və digər ölkələrdən də turistlər gəlir. Mənim rus turistlərlə də ünsiyyətim olur, onlar da Azərbaycana heyranlıqla baxırlar. Bu yaxınlarda Bakıda "Jara" festivalı keçirildi, həmin tədbirə Rusiya prezidentinin və xarici işlər nazirinin köməkçiləri də gəlmişdilər. Onlar Bakıda gəlib dincəlirdilər. Biz həmin tədbirdə insanların musiqi ətrafında həmrəyliyinə şahid olduq".

Deputat qeyd edib ki, Azərbaycanda dövlət tərəfindən turizmin inkişafı üçün ciddi işlər həyata keçirilir:

"Azərbaycanın bütün bölgələrində yollar çəkilir, infrastruktur yaradılır, şəhərlər gözəlləşdirilir. Ona görə də turistlərin Azərbaycana marağı böyükdür. Azərbaycana nə qədər çox turist gəlsə, bu, insanlarımızın rifahı üçün yaxşıdır. Qonşu ölkələr olan Ermənistan və Gürcüstana da baxaq, qalıblar ortada, bilmirlər ki, hansı tərəfə getsinlər. Azərbaycanın isə öz inkişaf yolu mövcuddur. Səmimi deyirəm ki, turistlərlə söhbətim zamanı onlar heyranlıqla mənə sual verirlər ki, axı Azərbaycandakı bu inkişafa necə nail olmusunuz, bu nə quruluşudur, bu inkişafa nail olunmağın resepti nədir? Təbii ki, mən də onlara deyirəm ki, bu inkişafın əldə olunmasının əsas səbəbi Azərbaycanda xalqın və prezidentin birliyidir. Misal üçün, bu yaxınlarda Rusiyadan olan turistlər bizə açıq şəkildə dedilər ki, Azərbaycanda gecə saat 3-də, 4-də rahat gəzə bilirsən. Onlar bildirdilər ki, biz buna heyran qalırıq. Turistlər mənə deyir ki, biz Azərbaycanda hamının prezidentin yanında olduğunu görürük. Doğrudan da bununla fəxr etmək lazımdır".

Vasif Həsənli
Ölkə.Az

ŞƏRH YAZ
0

XİN ATƏT-in Minsk Qrupunun həmsədrlərinə müraciət etdi

XİN ATƏT-in Minsk Qrupunun həmsədrlərinə müraciət etdi
16:06
Bu gün
1333
Siyasət
A
"Azərbaycan və Ermənistan xarici işlər nazirlərinin Nyu-Yorkda BMT Baş Assambleyası çərçivəsində nəzərdə tutulan görüşü ərəfəsində Ermənistan rəhbərliyi tərəfindən Azərbaycanın işğal olunmuş ərazilərinə belə bir təxribatçı səfərin edilməsi və səfər zamanı aqressiv bəyanatların səsləndirilməsi Ermənistan tərəfinin qəsdən vəziyyəti gərginləşdirmək niyyətinin göstəricisidir. ATƏT-in Minsk Qrupunun həmsədrlərini işğalçı Ermənistanı danışıqlar prosesinə xələl yetirən bu kimi təxribatçı addımlardan və bəyanatlardan çəkindirmək istiqamətində addımlar atmağa çağırırıq".

"Ölkə.Az"ın xəbərinə görə, bu barədə Azərbaycan XIN-in Mətbuat xidmətinin açıqlamasında bildirilib.

Qeyd edilib ki, Ermənistan son günlər təmas xəttində, eləcə də Azərbaycan-Ermənistan sərhədində vəziyyətin gərginləşdirilməsi istiqamətində sistematik addımlar atır: "Azərbaycan torpaqlarının işğalı, bu ərazilərdə törədilən çoxsaylı qanun pozuntuları və cəbhə bölgəsində yaranmış gərginliyin bütün məsuliyyəti Ermənistan rəhbərliyinin üzərinə düşür".

ŞƏRH YAZ
0

Novruz Məmmədovdan mobil telefonların qeydiyyatı ilə bağlı — YENİ QƏRAR

Novruz Məmmədovdan mobil telefonların qeydiyyatı ilə bağlı
14:48
Bu gün
6184
Siyasət
A
Azərbaycan Nazirlər Kabineti ölkəyə gətirilən mobil telefonların qeydiyyatı ilə bağlı növbəti dəyişiklik barədə qərar qəbul edib.

"Ölkə.Az" xəbər verir ki, baş nazir Novruz Məmmədovun imzaladığı qərara əsasən, mobil cihazların ölkəyə gətirilməsi ilə bağlı yeni rüsumlar satış və digər sahibkarlıq fəaliyyəti məqsədilə hüquqi və fiziki şəxslər tərəfindən idxal olunan mobil cihazlara aid edilməyəcək.

Sahibkarlıq subyekti olan fiziki və hüquqi şəxslər əvvəlki kimi mobil cihazların idxalına görə yalnız gömrük rüsumu və əlavə dəyər vergisini ödəyəcəklər.

Fiziki şəxslər şəxsi istehlakı üçün ölkəyə gətirilən mobil cihazların qeydiyyata alınmasına görə isə “Dövlət rüsumu haqqında” Qanununa uyğun olaraq, həmin cihazın bazar qiymətindən asılı olaraq, müvafiq rüsum ödəyəcəklər.

ŞƏRH YAZ
1
BAĞLA