35 ölkənin idmançısı Bakıda — Avropa çempionatı başlayır

35 ölkənin idmançısı Bakıda
09:24
16.05.2019
737
İdman
A
Bu gün Bakıda bədii gimnastika üzrə XXXV Avropa çempionatı start götürəcək.

“Ölkə.Az” Report-a istinadən xəbər verir ki, 4 gün davam edəcək yarışda 35 ölkənin idmançıları mübarizə aparacaqlar. Çempionatda fərdi proqramda böyük gimnastlar, qrup hərəkətləri proqramında isə gənc komandalar çıxış edəcəklər.

Milli Gimnastika Arenasında keçiriləcək yarışın ilk gününə gənclərdən ibarət qrup hərəkətləri komandalarının çıxışları olacaq. Mayın 17-də yalnız böyük gimnastlar xalça üzərində güclərini sınayacaqlar. Çempionatın 3-cü günü artıq komanda hesabında (böyük gimnastlar və gənc komandaların ortaq xalları əsasında) və qrup komandalarının çoxnövçülük yarışlarında qaliblərin adları müəyyənləşəcək. Turnirin son günündə isə ayrı-ayrı alətlər üzrə Avropanın ən yaxşı gimnastlarının adları məlum olacaq.
Avropa çempionatında Azərbaycanı Zöhrə Ağamirova, Veronika Hudis, Mədinə Əsədova, Ləman Alımuradova, Selcan Hacızadə, Milana Əkbərova və Fəridə Səfiyarzadə təmsil edəcək.

Yarışın cədvəli

16 may, cümə axşamı
17:00 – 17:30. Açılış mərasimi
17:30 – 18:50. Gənclər: qrup hərəkətləri proqramı / çoxnövçülük (5 halqa)

17 may, cümə
12:00 – 13:50. Böyüklər: fərdi proqram / təsnifat / Qrup A (halqa və top)
13:50 – 14:30. Fasilə
14:30 – 16:00. Böyüklər: fərdi proqram / təsnifat / Qrup B (halqa və top)
16:00 – 16:10. Fasilə
16:10 – 18:00. Böyüklər: fərdi proqram / təsnifat / Qrup C (halqa və top)

18 may, şənbə
10:00 – 11:30. Böyüklər: fərdi proqram / təsnifat / Qrup B (gürzlər və lent)
11:30 – 11:40. Fasilə
11:40 – 13:30. Böyüklər: fərdi proqram / təsnifat / Qrup C (gürzlər və lent)
13:30 – 14:30. Fasilə
14:30 – 16:20. Böyüklər: fərdi proqram / təsnifat / Qrup A (gürzlər və lent)
16:20 – 16:40. Fasilə
16:40 – 18:00. Gənclər: qrup hərəkətləri proqramı / çoxnövçülük (5 lent)
18:10 – 18:25. Mükafatlandırma mərasimi (komanda hesabı)
18:25 – 18:40. Mükafatlandırma mərasimi (gənclər / qrup hərəkətləri proqramında çoxnövçülük)

19 may, bazar
12:00 – 12:40. Gənclər: qrup hərəkətləri proqramı / FİNAL / 5 halqa
12:45 – 13:25. Gənclər: qrup hərəkətləri proqramı / FİNAL / 5 lent
13:30 – 13:45. Mükafatlandırma mərasimi
13:45 – 14:30. Fasilə
14:30 – 15:50. Böyüklər: fərdi proqram / ayrı-ayrı alətlər üzrə FİNALLAR (halqa və top)
15:50 – 16:00. Fasilə
16:00 – 17:05. Böyüklər: fərdi proqram / ayrı-ayrı alətlər üzrə FİNALLAR (gürzlər və lent)
17:10 – 17:30. Mükafatlandırma mərasimi
17:30 – 17:40. “SmartScoring Shooting Star” mükafatı
17:40 – 18:10. Qala-konsert, bağlanış mərasimi

Ölkə.Az

ŞƏRH YAZ
0

Erməni bacı-qardaş Bakıdakı yarışda çıxış edəcək — VİDEO

Erməni bacı-qardaş Bakıdakı yarışda çıxış edəcək
12:52
Bu gün
1708
İdman
A
Milli Gimnastika Arenası sabah tarixində ilk dəfə olaraq, aerobika gimnastikası üzrə Avropa çempionatına ev sahibliyi edəcək.

"Ölkə.Az" xəbər verir ki, qitənin 22 ölkəsindən ən güclü aerobika ustaları üç gün ərzində öz güclərini sınayacaq. 

22 ölkədən 400-ə yaxın böyük və gənc gimnastlar fərdi qadın və kişi, qarışıq cütlük, üçlük, qrup, həmçinin, aero dans, aero step (yalnız böyüklər) proqramında yarışacaq. Bu yarışda erməni əsilli bacı-qardaşlar da iştirak edəcək.

Söhbət Qarsevan və Duxik Canazyanlardan gedir. Bu iki ailə üzvü Rusiya millisinin üzvləri sayılır. Onların burda iştirakı bir daha onu göstərir ki, idman siyasətdən çox aralıdır. Bu, həm də rəsmi Bakının erməni futbolçu Henrix Mxitaryanın son günlər Bakıya gəlməməsi yönündə süni şəkildə qabardılmış məsələlərə bir tutarlı cavabı kimi də qiymətləndirilə bilər.

Yeri gəlmişkən, ölkəmizi bu çempionatda böyüklər arasında Elçin Məmmədov, Mədinə Mustafayeva, Ayxan Əhmədli, Balaxanım Əhmədova, Vladimir Dolmatov, Emil Quliyev, Xoşqədəm Quliyeva, Nərminə Hüseynova,  İmran İmranov, Nigar İbrahimbəyli,  Akif Kərimli, gənclərin yarışında isə Aysel Aslanzadə, Xədicə Quliyeva, Lalə Quliyeva, Fatimə Qurbanova, Emiliya Mahmudova və Eleonora Yusifova təmsil edəcək.

Artıq bütün komandaların toplaşdığı arenada iki gündür rəsmi məşq toplanışları keçirilir. Sabah saat 12:00-da start götürəcək çempionatda isə ilk olaraq, meydançada gənc gimnastları görəcəyik. Sonrakı gün qitə çempionluğu uğrunda mübarizəyə böyük aerobika gimnastları qatılacaq. Yarışların son günü isə final mərhələlərində Avropa çempionlarının adları açıqlanacaq.

Gimnastika yarışlarının daimi tamaşaçılarını isə bu çempionatda da çox maraqlı və qeyri-adi bir açılış mərasimi gözləyir. Bu dəfə onlar 16:00-dan etibarən “Gimnastika Planeti”nə qonaq olaraq, ecazkar şounun bir hissəsinə çevriləcək.

Ölkə.Az

 

ŞƏRH YAZ
0

Mahir Mədətov bu kluba məxsus imiş — RƏSMİ AÇIQLAMA

Mahir Mədətov bu kluba məxsus imiş
11:17
Bu gün
1958
İdman
A
Futbol üzrə milli komandamızın oyunçusu Mahir Mədətov "Qarabağ"da icarə əsasında çıxış edirmiş.

 Bu barədə "Ölkə.Az"-a klubun mətbuat xidmətinin rəhbəri Nurlan İbrahimov məlumat verib:

"Bəli, Mahir hazırda hərbi xidmətdədir, MOİK-ə məxsusdur. Amma icarə əsasında bizdə çıxış edir. Bir çox futbolçular bu tendensiyadan istifadə edir". 

Qeyd edək ki, Mahirin atası Anar Mədətov ötən gün açıqlamasında oğlunun hərbi xidmətdə olduğunu bildirmişdi.

Ölkə.Az

ŞƏRH YAZ
0
BAĞLA