Ölüm: İnsanın təməl qorxusu nədən qaynaqlanır?

Ölüm: İnsanın təməl qorxusu nədən qaynaqlanır?
16:38
08.09.2019
3605
Maraqlı
A
Qorxu nədən qaynaqlanır? Onun öhdəsindən gəlmək mümkündürmü?

"Ölkə.Az" xəbər verir ki, Oxu.Az-a açıqlama verən psixoloq Elnur Rüstəmov bütün qorxuların kökündə ölümün dayandığını dilə gətirib:

"Qorxu insanın təməl instinktlərindən biridir. İnsanı bəzən fəaliyyətə zövq edir, bəzən isə fəaliyyətdən saxlayır. Burada əsas məqam fərddə qorxunun hansı səviyyədə olduğunu və nəyə kökləndiyini müəyyənləşdirməkdir. Hələ insan ana bətnində olarkən belə ana uşağını itirməkdən qorxur. Uşaq dünyaya gəlib böyüdükcə insanın ölümdən qorxma instinkti də formalaşır.

Ümumiyyətlə, bütün qorxuların kökündə ölüm qorxusu dayanır. Çünki heç bir insan ölmək istəmir. Həmçinin, bir çox psixoloji problemlər də məhz bu qorxuların fonunda yaranır. Təşviş, depressiya və fobiyaların təməlində ölüm qorxusu dayanır. Məsələn, insanların əksəriyyəti qapalı məkana, liftə və təyyarə minə bilmir. Uğurlu müqayisə olmasa da, deyəcəm ki, lift qəbirə oxşayır".

Psixoloq hesab edir ki, bütün qorxulara qarşı tədbirlərin görülməsi qeyri-mümkündür:

"Qorxu hissi çox olan insanların fəaliyyətə sövq edilməsi əsas məsələdir. Məsələn, qəhrəman və ya müxtəlif yaxşı keyfiyyətlərə malik insanlar arasında müşahidələr aparsaq, onlarda ölüm qorxusunun az olduğunu görərik. Cəmiyyət belə insanlara qibtə edir.  

Ümumiyyətlə, hər bir insan öz düşüncəsinə, dünyagörüşünə uyğun olaraq qorxularla mübarizə aparır. Bu da instinktiv olaraq baş verir. Məsələn, insan ac qalanda həyatını itirməmək üçün hansısa formada bunun öhdəsindən gəlir.

Qorxu insanı fəaliyyətdən saxlayırsa, onlara peşəkar dəstək göstərmək lazımdır. Psixoloq qorxunun patoloji səviyyəyə gələn məqamı ilə iş aparır. Yəni fərd özünə və ətrafında olan insanlara ziyan verir.

Qorxunun təməlini tapmaq üçün xüsusi analizlər aparmaq lazımdır. İnsan beynində o qorxunu həll edəndən sonra normal cəmiyyətə, həyata qayıdır. Amma bütün qorxulara qarşı tədbirlərin görülməsi qeyri-mümkündür.

Qorxu hissi olmayan insanların psixoloji problemləri var. Çünki hər bir insanın qorxacağı və çəkinəcəyi bir yer olmalıdır. Bu hissləri daşımayan insan təhlükəlidir. Məsələn, bir çox insanlar yalnız Allahdan qorxduğunu deyirlər. Bu qorxunun da olması önəmlidir. Çünki qorxu bəzən insanlara yol göstərir, bəzən isə yolundan edir".

ŞƏRH YAZ
0

Dünyanın ən böyük "Snickers"i hazırlandı — Rekordlar kitabına düşdü - VİDEO

Dünyanın ən böyük
08:44
Bu gün
545
Maraqlı
A
ABŞ-da dünyanın ən böyük "Snickers"i hazırlanıb.

"Ölkə.Az" axsam.az-a istinadən xəbər verir ki, Texas ştatının Uyeko şəhərində “Mars” şirkətinə məxsus fabrikdə hazırlanan şokoladın uzunluğu 3,5 metr, eni 60 sm-dən, çəkisi isə 2 tondan çoxdur.

Nəhəng şokolad Ginnesin Rekordlar Kitabına düşüb. Küləsinə görə 43 min adi şokolad batonuna bərabərdir.

Müəllifləri ilhamlandıran texasın özü olub. Belə ki, onlar düşünürlər ki, texasda ən adi əşyanın belə ən böyük ölçüsünü tapmaq mümkündür.

Məlumata görə, “Snickers”in xırda-xırda hissələrə bölünərək “Mars” şirkətinin işçilərinə paylanılacaq.

ŞƏRH YAZ
0

Zaqatala sakinindən maraqlı ixtira — VİDEO

Zaqatala sakinindən maraqlı ixtira
00:03
Bu gün
1345
Maraqlı
A
Zaqatala sakini evinin bütün enerji sistemini idarə etmək üçün xüsusi qurğu hazırlayıb.

"Ölkə.Az" oxu.az-a istinadən xəbər verir ki, 44 yaşlı Sahib Şahmalıyevin ərsəyə gətirdiyi kənardan idarə edilən kombi sistemi öz üstünlükləri ilə ağıllı ev sistemindən fərqlənir. 

Belə ki, bu sistem vasitəsi ilə, yalnız kombi və yaxud hansısa qaz cihazını deyil, evdə istifadə edilən bütün enerji sistemini yalnız internet şəbəkəsinə qoşulmuş smartfon telefonları ilə istənilən məsafədən idarə etmək mümkündür. 

S.Şahmalıyev bu sistemin hətta böyük müəssisə, zavod, fabrik və yaxud çoxmənzilli binaların qazanxanalarında da tətbiq etməyin mümkün olduğunu bildirir. Hələlik tətbiq etdiyi yenilikdə hər hansı bir qazanc məqsədi güdməyən mühəndis bu sistemin ona 300-400 manat civarında xərcə başa gəldiyini vurğulayır.

Elmin və texnikanın inkişaf etdiyi dövrdə bu cür sistemlərin geniş şəkildə tətbiqi insanların rahatlığı üçün məqsədə uyğundur.

ŞƏRH YAZ
0
BAĞLA