Ölüm xəbəri yayılan aktrisa SAĞ İMİŞ

Ölüm xəbəri yayılan aktrisa SAĞ İMİŞ
12:11
12.08.2017
313
Maqazin
A
Türkiyədə vəfat etdiyi bildirilən aktrisa Mila Əminə sağdır.

Bu barədə "Ölkə.Az"a aktrisanın həmkarı və rəfiqəsi Sevinc Şirinova məlumat verib. Onun sözlərinə görə həmkarı hazırda  Medical Park Qazi Osmanpaşa xəstəxanasında saxlanılır:

"Milanın beyni ölüb, gözləri də aralıb. Sadəcə ürəyi işləyir. Amma ikinci gün Türkiyədə dəfn ediləcək. Kimsəsizlər qəbristanlığında dəfn edilməsiylə bağlı yazılanlar yalandır.  

Çox adam dedi ki, yalan xəbər paylaşmısan və buna görə məni qınadılar. Nə qədər vicdansız olmaq lazımdır ki, belə şeylərlər kimisə piar edəsən. Dediyim kimi, Milanın sadəcə ürəyi işləyir, beyin ölüb. Mənimçün çox ağır itkidir. İki gündür özümə gələ bilmirəm. Hətta möcüzə gözləyirəm ki, o, həyata dönəcək".

Qeyd edək ki, 28 yaşlı Mila Əminənin ölüm xəbəri yayılıb.

İntiqam VALEHOĞLU
Ölkə.Az

ŞƏRH YAZ
0

Mənsum İbrahimov Aygün-Röya QALMAQALINDAN DANIŞDI — "Bütün Azərbaycan bilir ki, Röyanı dəstəkləyirəm"

Mənsum İbrahimov Aygün-Röya QALMAQALINDAN DANIŞDI
12:50
21.02.2018
8547
Maqazin
A
Xalq artisti Mənsum İbrahimov əməkdar artistlər Röya Ayxan və Aygün Bəylər arasında yaşanan qalmaqala münasibət bildirib.

Sənətkar "Ölkə.Az"a açıqlamasında hər iki sənətçini barışığa çağırıb və belə qalmaqalların sənətə yaraşmadığını deyib:

"Belə qalmaqallar sənət aləminə yaraşmaz. Bunlar xalqın gözündə nümunəvi insanlardır, ikisi də gözəl sənətkardır. Bütün Azərbaycan bilir ki, Röyanı çox istəyirəm, hər zaman da onu dəstəkləyirəm. Hər ikisi respublikanın əməkdar artistləridir. Aygünün də xətrini çox istəyirəm, sənətini sevirəm. Bəzən insan emosional olur, mətbuatda da bəzi adamlar bunu şişirdirlər". 

Xalq artisti bildirib ki, iki sənətçinin arasındakı anlaşılmazlığın məhkəmədə həll edilməsinin tərəfdarı deyil:

"İstəməzdim ki, iki sənət adamının məsələsi məhkəmədə həll olunsun. Bu, onların öz aralarında həll olunmalıdır. Hər ikisi sevilir, onların arxasında böyük tamaşaçı ordusu, fanatları var. Təbii ki, onlar barışacaqlar. Bəzən ailədə də söz-söhbət olur. Biz balaca ölkəyik və bir düşmənimiz var-erməni. Ayaqdan dartmaqla heç kim inkişaf edə bilməz. Bir-birimizə dəstək olmalıyıq". 

Qeyd edək ki, Röya Ayxan Aygün Bəyləri ARB kanalında Elgiz Əkbərin aparıcılığıyla yayımlanan "Səhər-səhər" verilişində onun haqqında işlətdiyi ifadələrə görə məhkəməyə verib və 50 min manat təzminat tələb edir.

İntiqam VALEHOĞLU
Ölkə.Az

 

ŞƏRH YAZ
0

Nigar Camalın Heydər Əliyevin qarşısında çıxışı — ARXİV VİDEO

Nigar Camalın Heydər Əliyevin qarşısında çıxışı
11:46
21.02.2018
11767
Maqazin
A
"Eurovision 2011" mahnı müsabiqəsinin qalibi Nigar Camalın 17 il öncə çəkilmiş görüntüləri üzə çıxıb.

 "Ölkə.Az"-ın məlumatına görə, sənətçi 2001-ci ildə "Parni iz Baku"nun konsertindəki səhnəciklərdən birində rol alıb. Ümummilli lider Heydər Əliyevin də iştirak etdiyi konsertdə Nigar Camal müxbir obrazını canlandırıb.

Qeyd edək ki, həmin vaxt Nigar Camalın 21 yaşı vardı.

İntiqam VALEHOĞLU
Ölkə.Az

ŞƏRH YAZ
0
BAĞLA