Ölüm xəbəri yayılan Cavan Zeynallı DANIŞDI — FOTO

Ölüm xəbəri yayılan Cavan Zeynallı DANIŞDI
08:55
04.09.2019
9221
Mədəniyyət
A
Caz ustadı, Xalq artisti Cavan Zeynallının ölüm xəbəri yayılıb. Bu haqda sosial şəbəkələrdə yer alan səyfələr paylaşımlar ediblər.

"Ölkə.Az" xəbər verir ki, məsələ ilə bağlı Oxu.Az Xalq artisti C. Zeynallı ilə əlaqə yaradıb.

Cazmen haqqında yayılan xoşaqəlməz xəbərin dezinformasiya olduğunu söylədi : "Dünənən gecədən səhərə kimi telefonlarım susmayıb. Hamı mənə zəng vurub, deyir ki, Cavan müəllim hər şey qaydasındadır, səhhətiniz yaxşıdır? Bu ucuz sensasiyadan başqa bir şey deyil. Bu biabrçılıqdır. İllər öncə mənim başıma eyni hadisəni gətirmişdilər. Şəklimi internetdə yayıb yazmışdırlar ki, Cavan rəhmətə gedib. Mən heç bilmirəm bu kimi xəbərləri yayanlar kimlərdir. Belə şey etmək olmaz. Hamı narahatçılıq keçirir".

Ölkə.Az

ŞƏRH YAZ
0

Heydər Əliyev Mərkəzində "Bakı və Moskva onları sevir" fotosərgisi açılıb

Heydər Əliyev Mərkəzində
22:24
24.01.2020
509
Mədəniyyət
A
Yanvarın 24-də Heydər Əliyev Mərkəzində "Bakı və Moskva onları sevir" adlı fotosərgi açılıb.

"Ölkə.Az"ın məlumatına görə, sərgidə Rusiyanın TASS agentliyinin və Azərbaycan Dövlət İnformasiya Agentliyinin (AZƏRTAC) fotomüxbirləri tərəfindən çəkilmiş 60-dan çox foto nümayiş etdirilir.

AZƏRTAC-ın İdarə Heyətinin sədri Aslan Aslanov və TASS informasiya agentliyinin baş direktoru Sergey Mixaylov sərginin açılışında çıxış ediblər. Qeyd olunub ki, sərgini cəsarətlə iki informasiya agentliyinin birgə yaradıcılıq işinin bəhrəsi adlandırmaq olar.

Açılışı bildirən rəmzi lent kəsildikdən sonra iştirakçılar sərgi ilə tanış olublar.

Sərgidə nümayiş olunan fotolarda ölkələrimizin liderləri, tanınmış siyasətçilər, ictimai xadimlər, elm adamları, aktyorlar, musiqiçilər və idmançılar əks olunub. Ekspozisiyada Azərbaycan xalqının ümummilli lideri, Rusiya-Azərbaycan münasibətlərini tamamilə yeni məzmunla zənginləşdirmiş Heydər Əliyevin, öz səyləri ilə ölkələrimiz arasında əlaqələri strateji tərəfdaşlıq səviyyəsinə yüksəldən və gündən-günə möhkəmləndirən Azərbaycan Prezidenti İlham Əliyevin və Rusiya Prezidenti Vladimir Putinin fotoları var.

Bəstəkarlar Qara Qarayev və Fikrət Əmirov, SSRİ Xalq rəssamı Tahir Salahov, SSRİ Xalq artisti Müslüm Maqomayev, Xalq artisti Polad Bülbüloğlu, görkəmli neftçi Fərman Salmanov da bu fotoların qəhrəmanlarıdır.

ŞƏRH YAZ
0

Həmidə Ömərova professor oldu

Həmidə Ömərova professor oldu
16:31
24.01.2020
633
Mədəniyyət
A
Xalq artisti Həmidə Ömərova "professor" elmi adına layiq görülüb.

"Ölkə.Az" axşam.az-a istinadən xəbər verir ki, bu barədə Azərbaycan Dövlət Mədəniyyət və İncəsənət Universitetindən məlumat verilib. Universitetin "Kinoşünaslıq" kafedrasına rəhbərlik edən aktrisanı sənət dostları da sosial şəbəkədə təbrik edib.

Qeyd edək ki, sənətçi Prezidentin fərdi təqaüdçüsüdür. İndiyədək onlarla tamaşa və filmdə rol alan H.Ömərova hazırda “Ata ocağı” serialına çəkilir.

ŞƏRH YAZ
0
BAĞLA