Ölümcül xəstəliyin çarəsi — Fındığın bilmədiyimiz 10 FAYDASI

Ölümcül xəstəliyin çarəsi
12:58
08.11.2017
7156
Maraqlı
A
Dünyada hər gün yüzlərlə insan xərçəng xəstəliyindən vəfat edir.

 "Ölkə.Az" xəbər verir ki, fındıq xərçəngin qarşısını alan qida maddəsidir. Bu gün oxuculara fındığın bilinməyən 10 faydasını təqdim edirik.

1.İmmunitet sistemini gücləndirir

Fındıq yağının tərkibində E vitamininin miqdarı çoxdur. E vitamni qırmızı qan hüceyrələrinin parçalanmasının qarşısını alır. Qan dövranı, hərarət, soyuqlama və digər xəstəliklərin yaranma riskini azaldır.

2.Sinir sisteminə faydalıdır

Fındığın tərkibi B6 vitamini ilə zəngindir. B6 vitamini elektrik siqnallarının sürətini və keyfiyyətini artıran, sinir sisteminin düzgün formada işləməsini təmin edən, sinirin qılıfı olan miyelinin yaradılması üçün lazım olan bir vitamindir. Bundan başqa sinir sisteminin sağlam fəaliyyəti üçün lazım olan seratonin, melatonin və epinefrin kimi hormonların ifrazı da B6 vitaminin dəstəyi ilə olur.

3.Beyin sağlamlığını qoruyur

Fındığın tərkibində protonsiyanidin, kersetin və kaemferol kimi fito kimyəvi maddələr var. Proanosiyaninlər "flavonoidlər" adlı qrupa daaxildir. Flavonoidlər beyin sağlamlığını dəstəkləyir. Bundan başqa triptofan və izolosin amin turşuları ilə zəngin olduğu üçün fındıqla qidalanan şəxs özünü əqli və psixi cəhətdən yaxşı hiss edir.

4.Tox saxlayır

Fındığın tərkibindəki protein, lif və yüksək yağ toxluq hissini artırır. Bu isə həddən artıq yeməyin qarşısını alır və yüksək kalori qəbul etməyə qarşı qoruyur. Amma həddən artıq fındıq yemək də artıq çəkiyə səbəb ola bilər. Çünki fındığın enerjisi çoxdur. 25 qram fındıq 150 kalori deməkdir.

5.Şəkər riskini azaldır

Dietoloqlar diabet xəstələrinə müntəzəm olaraq fındıq qəbul etmək lazım olduğunu bildirirlər. Şəkərdən əziyyət çəkənlər gündəliq qida rasionlarına fındıq əlavə etsələr, daha effektiv olar.

6.Xolesterolun miqdarını azaldır


Fındığın tərkibində ürək-damar sisteminə faydalı olan yağlar var. Oleik turşusu xolesterolun səviyyəsini azaltmağa kömək edir. Orqanizmdə müsbət xolesterolun miqdarını artırır. Müntəzəm fındıq qəbul etmək xolesterolun miqdarını 27% azaldır. Fındığın tərkibində olan dəmir, mis, selenium, maqnezium, potasium, fosfor, sink kimi minerallar ürək-damar sistemi üçün faydalıdır.

7.Xərçəngə qarşı orqanizmi qoruyur

Fındıq xərçəng hüceyrələrinin inkişafına səbəb olan faktorları ortadan qaldırır. Eyni zamanda  orqanizmdə pis xassəli hüceyrələri məhv etməyə də yardım edir. Fındığın tərkibindəki beta-sitosterol maddəsi döş və prostat xərçəngi riskini azaldır.

8.Qəbizliyin qarşısını alır


Fındıq bağırsaq üçün çox faydalıdır. Yüksək yağlılıq bağırsaq hərəkətlərini aktivləşdirir. Həzm sisteminin işini asanlaşdırır. Bu səbəbdən gün ərzində bir neçə ədəd çiy fındıq yemək qəbizlilik probleminin qarşısını alır.

9.Əzələləri gücləndirir


Maqnezium orqanizmə daxil olan və çıxan kalsium miqdarının tənzimlənməsində önəmli rol oynayır. Kalsium əzələnin ehtiyac duyulmadığı müddət ərzində istirahət etməsinə kömək edir. Maqnezium əzələ gərginliyini azaldır, bir sıra spazma və ağrıların qarşısını alır.

10.Erkən yaşlanmanın qarşısını alır


Fındığın tərkibində olan antioksidantlar dəriyə ziyan verən sərbəst radikalların qarşısını alır və dərinin daha sağlam görünməsinə kömək edir. Bundan başqa "UVA/UBV" şüalarının səbəb olduğu dəri xərçənginə qarşı da orqanizmi qoruyur. E vitamini ölü hüceyrələri yox edir. Dəri daha parlaq və gənc görünür.

Hikmət Həsənov
Ölkə.Az

ŞƏRH YAZ
0

Azərbaycanda ilk dəfə rəngli pambıq yetişdirilib — VİDEO

Azərbaycanda ilk dəfə rəngli pambıq yetişdirilib
01:17
Bu gün
873
Maraqlı
A
Azərbaycanda ilk dəfə rəngli pambıq yetişdirilib. Tərtərdə sınaq məqsədi ilə əkilən rəngli pambıq bol məhsul verib. Bir neçə gün sonra məhsul yığımı həyata keçiriləcək.

"Ölkə.Az" pambıq Tərtərin Zorgörən kəndində sınaq məqsədilə ilk dəfə əkilib. Tərtər rayon Regional Aqrar Elm və İnnovasiya Mərkəzinin direktoru Məhərrəm Əliyev bildirib ki, bu yeniliyi Çindən olan mütəxəssislər tətbiq ediblər. Yaxın günlərdə məhsul yığımı həyata keçiriləcək. İyunun əvvələrində əkilən pambıq yerli növlərdən xeyli məhsuldardır.

Məhərrəm Əliyev əlavə edib ki, dünyada istehsal edilən pambığın 90 faizi geni dəyişdirilmiş olsa da, Azərbaycanda təbii pambıq istehsal edilir.

Mütəxəssislər rəngli pambığın tam yetişməsini gözləyirlər. Pambıq yığılandan sonra Gəncəyə təmizlənməyə göndəriləcək. Rəngli pambıq növünün növbəti ildə daha çox əkilməsi nəzərdə tutulub.

Ölkə.Az

ŞƏRH YAZ
0

Yaxın ətrafınızdakı insanların istəklərini anlamağa cəhd göstərin — Günün qoroskopu

Yaxın ətrafınızdakı insanların istəklərini anlamağa cəhd göstərin
01:05
Bu gün
778
Maraqlı
A
"Ölkə.Az" milli.az-a istinadən günün ulduz falını təqdim edir:

Qoç - Diqqətli olun. Yaxın ətrafınızdakı insanların istəklərini anlamağa cəhd göstərin. İşgüzar tərəfdaşınız və ya həmkarınızın əhvalı pis ola bilər. Ona görə də soyuqqanlı davranmağınız gərəkdir.
Günün ikinci yarısında münasibətləri gərməyin. Münaqişə səbəbkarı olmayın. Danışıqlar və ya söhbət əsnasında problemli mövzuların təhlilinə başlamayın. Əhəmiyyətli məsələlərdən birinin həllini ertələmək olar. 
Sevdiyiniz insanla ünsiyyətdə diqqətli, səbrli olun. Güzəştə meylli insan təsiri bağışlayın.

Buğa - Tərəfdaşlar və həmkarlarla münasibətləri daha da inkişaf etdirin. Yeni layihənin icrasına başlamaq, ideyanı gerçəkləşdirmək fikriniz varsa, aktiv olun. Süstlüyə qapılmayın. Qarşı tərəfi dinləyin, onun sözünü kəsməyin.
Günün ikinci yarısında ehtiyatsızlıqla söylənən kəlmə indiyədək çətinliklə yaradılan əlaqələri poza bilər. Yaxınlarınızla münasibətlərdə səmimi olun. Yalan danışmayın.
Yeni müttəfiq qazanmaq zamanıdır.

Əkizlər - Yaradıcılıq fəaliyyəti ilə məşğul olanları uğur gözləyir. Tərəfdaş və müttəfiqlərinizin qatıldıqları tədbirdə iştirak edin. Onlardan dəstək alacaq, yeni ideyaları paylaşmaq şansı əldə edəcəksiniz.
Təcili yola çıxmaq zərurətinin yarandığı situasiya formalaşa bilər. Sükan arxasında ehtiyatlı olun. Problemlər riski artır.
Günün ikinci yarısında dostların sözlərinə qulaq asın. Axşam saatlarını evdə keçirmək olar. Romantik görüşü təxirə salın. Vaxtınızı sevdiyiniz insana həsr edin.

Xərçəng - Asan gün deyil. İstənilən məqsədə çatmaq üçün adi günlərlə müqayisədə daha çox çalışmalı olacaqsınız. Yaşam potensialınızın səviyyəsi yüksəkdir. Bütün sədləri dəf etmək üçün enerjiniz yetərincədir.
Günün ikinci yarısında maliyyə fonu uğurlu deyil. Mənasız xərclərə yol verməyin.
Romantik təmaslar üçün yaxşı zamandır. Sevdiyiniz insanla təmaslar sizi sevindirəcək. Dəvət aldığınız tədbirlərə qatılın. Yeni tanışlıqlar olacaq.
Axşam saatlarında normal istirahət edin.

Şir - Sayıq olun. Mühüm sənədlərin hazırlanmasında, hesabatların tərtibatında, həmkarlar və tərəfdaşlarla qarşılıqlı əlaqələrdə maksimal dərəcədə diqqətlə davranın. Texniki gecikmələr, avadanlığın sıradan çıxması istisna deyil.
Səbirli, təmkinli olun.
Günün ikinci yarısında həmsöhbətlərdən biri kobudluğu və tərbiyəsizliyi ilə sizi sinirləndirəcək. Cavabınız adekvat olmalıdır. İfrata varmayın.
Axşam saatlarında sizdən üzr istəyəcəklər.

Qız - Sağlam məntiqlə davranın, emosiyalara qapılmayın. Biznesdə və maliyyə məsələlərində riskli addımlar atmaq zamanı deyil. Nüfuzunuza zərbə vura biləcək insanlardan uzaq durun. Daşınmaz əmlak məsələlərinin həlli üçün əlverişli zamandır.
Günün ikinci yarısı bankda hesab açmaq, kredit almaq üçün münasib deyil. Yaxınlarınızla təmaslarda fikir ayrılıqları volüntarist qərarların qəbuluna səbəb olmamalıdır.
Lakonik danışın. Sürətlə hərəkət edin.

Tərəzi - Stabilliyə nail olmaq istəyiniz sizi prinsiplərinizdən bir addım da geri çəkilməməyə vadar edir. Yaxşı taktikadır. Status-kvonu saxlamaq, situasiyaya nəzarət imkanlarını mühafizə etmək imkanları var. Tərəfdaşlarla fikir ayrılıqları və ixtilaflar istisna deyil.
Günün ikinci yarısında ruhdan düşməyin. Davranışınızda zəruri dəyişikliklər etməkdən boyun qaçırmağınız yaxınlarınızda müəyyən narahatlıq və nigaranlıq yaradacaq. Mövqeyinizi arqumentlərlə müdafiə edin.
Axşam saatlarını sevdiyiniz insanla əylənərək keçirin.

Əqrəb - İşlərinizi qaydaya salın. Hədəfləri və məqsədləri təftiş edin. Yaxınlarınızla münasibətlərdə son vaxtlar gərginləşmələr vardısa, emosiyalarınıza hakim olun.
Düşünülməmiş addımlar atmayın. 
Günün ikinci yarısında həmkarlarla daha sıx təmaslar qurun. Kollektiv fəaliyyətdə fayda var. Böyük işlərə başlamaq üçün kiçik addım kifayətdir. Yetər ki, qərarlı olasınız.
İşdə ehtiyatsız açıqlamanız rəhbərliklə münasibətlərinizi gərə bilər. Yaxınlarınızdan inciməyin. İntiqam almağa da can atmayın.

Oxatan - Səhər saatları laübəli və qarışıqdır. Planlarda dəyişikliklər istisna deyil. Qarşınıza qoyduğunuz məqsədə çatmaq üçün vaxt və resurs qıtlığı hiss olunacaq. Maneələri dəf edin, ruhdan düşməyin. Pessimizmə qapılmayın.
Günün ikinci yarısında həll edə bilməyəcəyiniz çətinliklər yoxdur. Problemlərin çözümünə kreativ yanaşın. Ağır işi yarımçıq qoyaraq istirahət etməyin. Qətiyyətli və iradəli olsanız, uğur sizi gözləyir.
Yaxınlarınızdan dəstək alacaqsınız.

Oğlaq - Hisslərinizə hakim olun, spontan addımlar atmayın. Emosiyalar məntiqi üstələməməlidir. Heç bir halda aqressiv davranmayın, kobudluq etməyin. İşdə rəhbərliklə, tərəfdaşlarla, həmkarlarla rəvan danışın.
Günün ikinci yarısında daha təcrübəli həmkarlarla danışın. Onlardan məsləhət almaqdan çəkinməyin. Yaxşı bələd olmadığınız insanlarla söhbətdə əvvəlcədən bəlirlənmiş çərçivədən kənara çıxmayın.
Sevdiyiniz insanla ünsiyyətdə danışmaqdan daha çox qulaq asmağa üstünlük verin.

Dolça - Hazırda məşğul olduğunuz işi yarımçıq qoyaraq yeni planların gerçəkləşdirilməsinə başlamayın. Rəqibləri üstələmək üçün ətrafınızdakı situasiyanı tam dəyərləndirin.
Günün ikinci yarısında ən çətin şəraitdə belə, təmkinli davransanız, uğur qazanacaqsınız. Qarşınıza qoyduğunuz məqsədə çatmaq üçün daha aktiv davranmağınız gərəkdir. Kiçik problemlərə vaxt sərf edərək diqqətinizi əsas məsələdən yayındırmayın.
Yaxınlarınızla münasibətlərdə kritik olun. Kimsəni ideallaşdırmayın. Əks təqdirdə gözləntiləriniz sizi aldada bilər.

Balıqlar - Adi, rutin gündür. Ekstraordinar heç bir hadisə baş verməyəcək. Yaşanacaq olayların bir çoxunu əvvəlcədən təxminləmək mümkündür. Buna rəğmən maliyyə və maddi məsələlərlə bağlı çətinliklərin yaranması istisna deyil.
Günün ikinci yarısında gərəkli insanlarla əlaqələri işə salsanız, istənilən sahədəki çətinliyi aradan qaldırmaq olar. Şəxsi münasibətlərdə önəmli addım atmazdan əvvəl dəyər verdiyiniz insanın cavab reaksiyasını proqnozlaşdırmağa çalışın.

ŞƏRH YAZ
0
BAĞLA