KORONAVİRUSA YOLUXANLARIN SAYI - CANLI STATİSTİKA

Ombudsman koronavirus epidemiyası ilə bağlı xalqa müraciət etdi

Ombudsman koronavirus epidemiyası ilə bağlı xalqa müraciət etdi
20:24
24.03.2020
2466
Siyasət
A
Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva yeni növ koronavirus (COVID-19) epidemiyası ilə bağlı xalqa müraciət edib.

Ombudsman Aparatından “Report”a verilən məlumata görə, müraciətdə deyilir:

“Əziz həmvətənlər, atalar, analar, bacılar və qardaşlar!

Məlumdur ki, yeni növ koronavirus (COVID-19) dünya ölkələrində sürətlə yayılmaqdadır. Buna görə də Ümumdünya Səhiyyə Təşkilatı (ÜST) tərəfindən koronavirus infeksiyası qlobal pandemiya elan olunmuşdur.

Bu virusun uzun inkubasiya dövrünün olması, yayılma sürəti və vaksinin hələ də tapılmaması ilə əlaqədar ÜST-nin tövsiyə və tələblərinə uyğun olaraq, ölkəmizdə yüksək səviyyədə təxirəsalınmaz tədbirlər həyata keçirilir və bu məsələ Azərbaycan Respublikasının Prezidenti cənab İlham Əliyevin və Birinci vitse-prezident xanım Mehriban Əliyevanın xüsusi diqqətində və nəzarətindədir.

Təqdirəlayiq haldır ki, ölkə rəhbərliyinin tapşırığına əsasən, koronavirus infeksiyasının Azərbaycan ərazisində yarada biləcəyi təhlükənin qarşısının alınması, profilaktik və mübarizə xarakterli təxirəsalınmaz tədbirlərin operativ həyata keçirilməsi məqsədilə aidiyyəti dövlət orqanlarının və qurumlarının rəhbər şəxslərindən ibarət tərkibdə yaradılmış Nazirlər Kabineti yanında Operativ Qərargah öz fəaliyyətini uğurla davam etdirir və müvafiq addımlar atılır, zəruri qərarlar qəbul edilir.

Artıq Nazirlər Kabineti yanında Operativ Qərargahın Baş Nazir Əli Əsədovun sədrliyi ilə keçirilmiş 23 mart 2020-ci il tarixli iclasında COVID-19 pandemiyası ilə mübarizədə müxtəlif ölkələrin təcrübəsi nəzərə alınaraq, əhalinin sağlamlığının qorunması ali məqsəd kimi qəbul edilərək koronavirus infeksiyasının ölkədə yayılmasının, onun törədə biləcəyi fəsadların qarşısının alınması məqsədilə “Sanitariya-epidemioloji salamatlıq haqqında” Azərbaycan Respublikası Qanununun 25-ci maddəsinə əsasən, ölkəmizdə 24 mart 2020-ci il saat 00:00-dan etibarən 20 aprel saat 00:00-dək xüsusi karantin rejiminin tətbiq edilməsi haqqında qərar qəbul olunmuşdur.

Əziz həmvətənlər!

Azərbaycan Respublikasında müvafiq preventiv və profilaktik tədbirlərin gücləndirilməsi ilə bağlı həyata keçirilən bütün bu tədbirlər ölkəmizdə COVID-19 infeksiyasına yoluxma hallarının qarşısının alınması və əhalinin, o cümlədən həssas qruplardan biri kimi yaşlı insanların, uşaqların, əlilliyi olan şəxslərin sağlamlığının qorunması məqsədinə xidmət edir. Ona görə də hər bir şəxsi, bütövlükdə əhalini Azərbaycan Respublikasının Prezidenti cənab İlham Əliyevin və Birinci vitse-prezident xanım Mehriban Əliyevanın, ÜST-nin, Nazirlər Kabineti yanında Operativ Qərargahın qərarlarına, təklif və tövsiyələrinə qeyd-şərtsiz əməl edərək evdə qalmağa, özünütəcrid şəraitinə riayət etməyə çağırır, yeni növ koronavirus üçün xarakterik simptomları hiss edən şəxslərə aidiyyəti üzrə qaynar xəttlərə (103 və ya 15-42) zəng etməyi tövsiyə edirəm.

İnanıram ki, əhalinin hazırkı vəziyyətdə maksimum məsuliyyətli olması və dövlət tərəfindən həyata keçirilən tədbirlərə hərtərəfli dəstək göstərməsi nəticəsində bu sınaqdan uğurla çıxacağıq.

Əlavə olaraq bildiririk ki, ölkədə yaranmış mövcud epidemioloji vəziyyətlə əlaqədar Ombudsmanın Aparatında və regional mərkəzlərində həyata keçirilən vətəndaşların canlı qəbulunun müvəqqəti olaraq dayandırılmasına baxmayaraq, poçt, onlayn müraciət, e-mail, faks, facebook, habelə qaynar xətlər (0503709896 və 012916) vasitəsi ilə bizə müraciət edə bilərsiniz”.

ŞƏRH YAZ
0

“Koronavirusa yoluxmayanların tibb müəssisələrinə müraciət etməsi nəzərə alınıb” — Səhiyyə Nazirliyinin rəsmisi

“Koronavirusa yoluxmayanların tibb müəssisələrinə müraciət etməsi nəzərə alınıb”
21:41
Bu gün
9385
Siyasət
A
“Azərbaycanda koronavirus xəstəliyi olmayan xəstələrin də tibb müəssisələrinə müraciət edə bilməsi diqqətdə saxlanılmalıdır. Buna da ciddi yanaşılır”.

"Ölkə.Az" xəbər verir ki, bu sözləri Səhiyyə Nazirliyinin İctimai Səhiyyə və İslahatlar Mərkəzinin (İSİM) Səhiyyə Siyasəti və Islahatlar Şöbəsinin müdir müavini Nabil Seyidov ATV-nin canlı efirində çıxışı zamanı deyib.

O bildirib ki, ölkə üzrə koronavirus xəstəliyi olmayan insanların tibb müəssisələrinə müraciət edə bilməsi də nəzərə alınıb:

“Ölkədə koronavirusla mübarizəyə çox ciddi yanaşılır. Bu səbəblə Azərbaycanda karantində olan insanların sayı artır. Belə davam edərsə, ölkədə koronavirusa yoluxanların sayında çox az artım müşahidə ediləcək. İnsanlar karantin rejiminə həssaslıqla riayət etməlidir ki, ölkədə tibb müəssisələri, səhiyyə sistemi çox ağır vəziyyətə düşməsin.

Çünki ölkə üzrə bütün tibb müəssisələri, bütün xəstəxanalar koronavirusla mübarizə çərçivəsində səfərbər oluqda digər xəstələr, tibbi xidmətə ehtiyacı olan insanlar hara müraciət edəcəkləri barəsində çətinlik çəkə bilər.

Koronavirus xəstəliyi olmayan digər insanlar da tibbi xidmətlərdən yararlana bilməlidirlər. Bu səbəbdən digər tibbi problemləri olan xəstələrin tibb müəssisələrinə, həkimlərə, orta tibb işçilərinə üz tuta bilməsi də diqqətdə saxlanılmalıdır”.

ŞƏRH YAZ
0

250 manatlıq kompensasiya kimlərə şamil edilməlidir? — KOMİTƏ SƏDRİ CAVAB VERİR

250 manatlıq kompensasiya kimlərə şamil edilməlidir?
21:05
Bu gün
24387
Siyasət
A
Azərbaycan hökuməti yaxın iki gün ərzində koronovirus pandemiyası ilə bağlı vətəndaşların sosial müdafiəsi məqsədi ilə xüsusi vəsait ayıracaq. Hazırda Nazirlər Kabineti yanında Operativ Mərkəz xüsusi qərar hazırlayır. Bəzi məlumatlara görə, Operativ Qərargahın #evdəqal çağırışına riayət edən vətəndaşlara hökumət tərəfindən maddi dəstək kimi vətəndaşlara minimum əməkhaqqı həcmində (250 manat) məbləğində vəsait ayrılacaq.

“Ölkə.Az”a daxil olan məlumata görə, hazırda vətəndaşlara veriləcək məbləğ hələ ki, konkret deyil. Ancaq məsələ üzərində iş gedir. Bu 250 manat da ola bilər 150 manat da... Operativ Qərargah  hazırda  veriləcək məbləğ və onun kimləər, hansı təbəqələrə veriləcəyi mexanizmi üzərində işləyirlər. Yaxın  bir-iki gündə məsələ ilə bağlı Qərargahın bununla bağlı açıqlaması olacaq.

Məsələ ilə bağlı “Ölkə.Az”a açıqlama verən Milli Məclisin Əmək və sosial siaysət komitəsinin sədri Musa Quliyev deyib ki,  hökumət vətəndaşların sosial müdafiəsi ilə bağlı lazımıi addımlar atacaq. “Ancaq bunun mexanizmi, veriləcək məbləğlə Nazirlər Kabineti yanında Operativ Mərkəz məşğuldur. Yəqin ki, yaxın günlərdə məsələyə aydınlıq gətiriləcək”-komitə sədri deyib.

Mürtəza
Ölkə.Az

ŞƏRH YAZ
0
BAĞLA