Ömürlük məhbuslar da pensiya alma hüququndan istifadə edəcək

Ömürlük məhbuslar da pensiya alma hüququndan istifadə edəcək
15:11
12.02.2019
1951
Siyasət
A
Əmək Məcəlləsinə və Cəzaların İcrası Məcəlləsinə müəyyən müddətə azadlıqdan məhrum etmə və ömürlük azadlıqdan məhrum etmə növündə cəzaya məhkum olunmuş şəxslərin sosial təminatının və əmək pensiyasına çıxmasının yeni qaydaları müəyyənləşib.

"Ölkə.Az" xəbər verir ki, adı çəkilən Məcəllələrə dəyişiklik məsələsi parlamentin bu gün keçiirlən iclasında müzakirə olunaraq qəbul edilib.
Bununla bağlı olaraq Məcəllənin 90-cı maddəsinə aşağıdakı dəyişiklilər nəzərdə tutulub.

“90.1. Müəyyən müddətə azadlıqdan məhrum etmə və ömürlük azadlıqdan məhrum etmə növündə cəzaya məhkum olunmuş şəxslərə əmək pensiyalarının təyin edilməsi şərtləri və qaydası "Əmək pensiyaları haqqında" Azərbaycan Respublikasının Qanunu ilə müəyyən edilir. 
90.2. Müəyyən müddətə azadlıqdan məhrum etmə və ömürlük azadlıqdan məhrum etmə növündə cəzaya məhkum olunmuş şəxslərə sosial müavinətlərin təyin edilməsi şərtləri və qaydası "Sosial müavinətlər haqqında" Azərbaycan Respublikasının Qanunu ilə müəyyən edilir. 

90.3. Müəyyən müddətə azadlıqdan məhrum etmə və ömürlük azadlıqdan məhrum etmə növündə cəzaya məhkum olunmuş işləyən şəxslərin məcburi dövlət sosial sığortasına cəlb edilməsi şərtləri və qaydası, həmçinin qadın məhkumların hamiləliyə və doğuşa görə müavinətlə təmin olunması "Sosial sığorta haqqında" Azərbaycan Respublikasının Qanunu ilə müəyyən edilir. 
90.4. Əmək pensiyalarının və sosial müavinətlərin təyin edilməsi məqsədilə cəzaçəkmə müəssisəsinin müdiriyyəti müəyyən müddətə azadlıqdan məhrum etmə və ömürlük azadlıqdan məhrum etmə növündə cəzaya məhkum olunmuş şəxslər barədə müvafiq icra hakimiyyəti orqanının müəyyən etdiyi məlumatları həmin şəxslərin bu Məcəllənin 71.1-ci maddəsinə uyğun olaraq cəzaçəkmə müəssisəsinə qəbul edildiyi gündən 10 gün müddətində müvafiq icra hakimiyyəti orqanının mərkəzləşdirilmiş elektron informasiya sisteminə ötürür və həmin məlumatların mütəmadi yenilənməsini təmin edir.".
Məcəlləyə dəyişiklik müzakirə olunaraq qəbul olunub.

Mürtəza
Ölkə.Az

ŞƏRH YAZ
0

Elmar Məmmədyarov Con Boltonla Dağlıq Qarabağ münaqişəsini müzakirə edib

Elmar Məmmədyarov Con Boltonla Dağlıq Qarabağ münaqişəsini müzakirə edib
22:03
19.06.2019
3317
Siyasət
A
Azərbaycan Respublikasının Xarici İşlər naziri Elmar Məmmədyarov Vaşinqtona işgüzar səfəri çərçivəsində ABŞ prezidentinin milli təhlükəsizlik məsələləri üzrə müşaviri Con Bolton ilə görüşüb.

Xarici İşlər Nazirliyindən "Ölkə.Az"a verilən məlumata görə, görüşdə tərəflər bir sıra məsələlər üzrə, o cümlədən Ermənistan-Azərbaycan Dağlıq Qarabağ münaqişəsinin həllinin cari mərhələsi və substantiv məsələlər üzrə danışıqların irəli aparılması yolları ətrafında intensiv və uzun fikir mübadiləsi aparıblar.

Həmçinin ABŞ və Azərbaycan arasında mövcud olan ikitərəfli siyasi gündəlikdə duran bir çox məsələlər, eləcə də iqtisadi əlaqələr və həyata keçirilən təşəbbüslər, enerji və nəqliyyat sahəsində rellaşdırılan layhələr, habelə Avropaya qaz təminatının şaxələndirilməsi üzrə əlavə imkanları tərəflər arasında müzakirə edilib.

Görüşdə, eləcə də, geniş Yaxın Şərq bölgəsində mövcud olan vəziyyət, eləcə də qlobal gündəlikdə duran qarşılıqlı maraq doğuran məsələlər üzrə fikir mübadiləsi aparılıb.

Ölkə.Az

ŞƏRH YAZ
0

On ölkənin deputatı Bakıya toplaşır — Parlamentdən açıqlama

On ölkənin deputatı Bakıya toplaşır
19:02
19.06.2019
1435
Siyasət
A
Sabah Bakıda Qara Dəniz İqtisadi Əməkdaşlıq Təşkilatı Parlament Məclisinin (QDİƏT PM) 53-cü Baş Assambleyası öz işinə başlayacaq.

“Ölkə.Az” xəbər verir ki, toplantıda 10-dan artıq ölkənin parlamentariləri iştirak edəcək.

İyunun 20-də  Milli Məclis (MM)  Azərbaycanın rəhbərliyi ilə QDİƏT PM-nin 53-cü Baş Assambleyasının iclası keçiriləcək.

Bir gün davam edəcək torplantıda Qara dəniz hövzəsində yerləşən ölkələrin iqtisadi, humanitar, nəqliyyat və digər sahələrdə əməkdaşlıqlarını daha da genişləndirmək və dərinləşdirmək məsələlərini müzakirə edəcəklər.

Qeyd edək ki, Ermənistan da adı çəkilən qurumun üzvüdür və Bakıda keçiriləcək toplantıda bu ölkənin də parlamentinin təmsilçiləri  iştirak edəcək.

Mürtəza
Ölkə.Az

 

 

ŞƏRH YAZ
0
BAĞLA