On yeddi ildən sonra bar verən Salyan naringisi - Məmmədovlar ailəsi təsərrüfat yaradacaq — FOTO + VİDEO

On yeddi ildən sonra bar verən Salyan naringisi - Məmmədovlar ailəsi təsərrüfat yaradacaq
01:31
03.12.2019
2998
Ölkə
A
Feyxoa, kinkan, naringi. Bu meyvələrin adını çəkəndə ölkəmizin subtropik zonası - cənub bölgəsi yadımıza düşür. Çünki sitrus meyvələri ölkəmizdə məhz bu bölgədə yetişir. Amma indi söhbət açacağımız rayon aran bölgəsində yerləşir. Təəccüblüsü isə odur ki, Salyanda yetişən naringi ağacı düz 17 ildən sonra bar verib.

"Ölkə.Az" AZƏRTAC-a istinadən bildirir ki, rayonun Aslan Hüseynov, 49 ünvanında yaşayan Məmmədovlar ailəsi 17 il əvvəl bazardan naringi alıb. Meyvəni yeyəndən sonra tumunu evin yanındakı həyətə atıblar. Bir ildən sonra həmin yerdə ağac göyərib. Evin sahibi Fatma Məmmədova bu ağacın naringi olduğunu yalnız bir neçə ildən sonra bilib: "Bu ağac 17 ildir buradadır. Ötən il ağac tumurcuqlasa da, yalnız biri tutdu. Amma bu il həmin ağac yenidən bar verib".

Fatma xanımın oğlu Hümbət Məmmədov isə deyir ki, Salyan şəhərində bitən bu ağacın meyvəsi çox dadlıdır. Salyan naringisi həm şirin, həm də suludur. Ətri isə olduqca gözəldir. Salyan naringisindən dadmaq istəyənlər heç də az deyil: "Gəlib bu ağacın meyvəsindən yeyirlər, şirinliyinə baxırlar. Təəccüblü də olsa dadına, tamına söz ola bilməz. Baxmayaraq ki, bu sitrus meyvəsinin bizim rayonumuzda yetişməsi adi hal deyil. Ona görə də xüsusi qulluq edirəm, 17 ildən sonra bar verən bir ağacın yenə tumunu əkib artıracam".

Məmmədovlar ailəsi qeyd edir ki, naringi ağacına heç bir dərman vurulmayıb. Bəlkə də onu belə təbii ətirli və dadlı edən də budur. Ailə gələcəkdə aran rayonu olan Salyanda ilk dəfə olaraq sitrus meyvəsi - naringi təsərrüfatı yaratmaq fikrinə düşüb. Əlbəttə, bu iş alınarsa, ailə yerli sakinləri yaxın illərdə yenə təəccübləndirəcək.

ŞƏRH YAZ
0

Bakıda iki dost qadını döyə-döyə zorlayıb öldürdülər — MƏHKƏMƏ

Bakıda iki dost qadını döyə-döyə zorlayıb öldürdülər
11:07
Bu gün
254
Ölkə
A
Bakıda dəhşətli qətl hadisəsi törətməkdə təqsirli bilinərək məhkum olunan şəxsərdən biri Zeynukov Samir Nərimanoviç Ali Məhkəməyə müraciət edib.

"Ölkə.Az" xəbər verir ki, onun müraciəti ilə bağlı məhkəmə baxış iclası hakim İmran Hacıqayıbovun sədrliyi ilə yanvar ayının 7-də keçiriləcək.

Qeyd edək ki, hadisə Səbail rayon Neftçilər prospektində yerləşən mənzildə baş verib.

Həmin mənzildə Rusiya vətəndaşı Samir Zenyukov tanışı Dmitriy Razumnıy ilə birgə yaşayıb.

Onlar qadın tanışları Yelena Sandrandinovanı yaşadıqları mənzilə gətiriblər. Qadını döyüb və sonra təcavüz ediblər. Qadın bu səbəbdən ölüb.

Dostlar birlikdə qadının meyitini evin eyvanından həyətə atıblar.

Bakı Ağır Cinayətlər Məhkəməsində təqsirləndirilən şəxslərə hökm oxunub.

Məhkəmənin hökmü Dimitriy Razumniy 18 il, Samir Zenyukov isə 19 il müddətinə azadlıqdan məhrum edilib.

Natiq Allahverdiyev
Ölkə.Az

 

ŞƏRH YAZ
0

Goranboy İcra Hakimiyyətində yeni — TƏYİNAT

Goranboy İcra Hakimiyyətində yeni
10:53
Bu gün
502
Ölkə
A
Goranboy Rayon İcra Hakimiyyətində Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi təyin edilib.

"Ölkə.Az" xəbər verir ki, bu vəzifəyə Elçin Xanlar oğlu Cahangirov təyinat alıb.

Goranboy Rayon İcra Hakimiyyətindən Oxu.Az-a təyinatı təsdiqləyiblər.

Xatırladaq ki, E.Cahangirov iyul ayında Goranboy Rayon İcra Hakimiyyətinin birinci müavini vəzifəsindən azad edilmişdi.

ŞƏRH YAZ
0
BAĞLA