"Ona görə də zarafatı yığışdırdım" — Rüfət Axundovla MÜSAHİBƏ

12:30
14.02.2018
14050
Maqazin
A

Müğənni Rüfət Axundov "Ölkə.Az"-ın suallarını cavablandırıb. 


- Bu, 2018-ci ildə mətbuata ilk müsahibəmdir. Bu il Niyam Səlamiylə duetimiz işıq üzü gördü. Təklif Niyamdan gəldi. Mahnı "Birimizi seç" adlanır, klipini isə Nail Naiboğlu çəkib. Tərbiyəvi mövzuda yazılmış "Etmə ruhumu haram" adlı mahnıya da klip çəkdirdim. Bu mahnının da klipini Nail Naiboğlu çəkib. Hər zaman axtarışdayam.

- Sizin ən uğurlu duetiniz Aynur Dadaşovayla olmuşdu. Yenidən xanım sənətçilərlə duet oxumağı düşünürsünüzmü?

- Aynur xanımla bir neçə duetimiz oldu, amma, ən uğurlusu "Ölənəcən gözləyəcəm" idi. Ondan sonra Rəqsanə xanımla, Xatirə İslamla duet oxudum. Yəqin ki, yenə də digər xanım sənətçilərlə duetlərimiz olacaq.

- İndiyədək solo konsertiniz olubmu?

- Azərbaycanımızın bütün bölgələri bizim üçün əzizdir, doğmadır. Gəncədə, Qubada solo konsertim olub. Çoxları məndən solo konsert haqqında soruşur. Ancaq bu, çox məsuliyyətli işdir. Mən də başa düşürəm ki, hesabat xatakterli konsert verməliyəm. Çünki artıq iyirmi ildir ki, səhnədəyəm. Dəqiq nə vaxt olacağına söz vermirəm.

- Azərbaycanda demək olar ki, albom buraxan sənətçi yoxdur. Belə bir durumun yaranması maddi gəlirlərinizə təsir edibmi?

- Sözün düzü, mən heç vaxtında da albomdan dolanmamışam. Sadəcə, studiyalar albomumu buraxıblar, əvəzində mənə müəyyən sayda albom hədiyyə ediblər. Ancaq bilirəm ki, vaxtında albomdan böyük pullar qazanan sənətçilər -  Vüsal Əliyev, Namiq Qaraçuxurlu. Üzeyir Mehdizadə olub və bu gün də var.

-  Sənət adamlarına verdiyim ənənəvi sualı səsləndirmək istəyirəm. Doğrudanmı toylarınız azalıb?

- Adətən yanvar, fevral aylarında toylar zəifləyir. Hətta siz də özünüzə, yaxud yaxınınıza toy etsəniz, əgər tələsik deyilsə, yaz aylarına saxlayarsınız. Bu mənada toyların sayının azalması normaldır. 

- Xüsusən gənclik illərinizdə sənət adamları arasında ən zarafatcıllardan idiniz. Ancaq son illər sanki xatakterinizdə bir ağırlıq var. Bu yaşın gətirdiyi ağırlıqdır, yoxsa başqa səbəbi var?

- Doğru müşahidə etmisiniz. Hər insanın gənclik, dəliqanlı dövrü olur. Yeri gələndə maşını da bərk sürmüşük, dava da etmişik, zarafatlaşmışıq da. Ancaq insan yaşa dolduqca, anlayır ki, o şeylərin vaxtı deyil. Mən iki övlad atasıyam və özün necəsənsə, uşaqları da elə qəbul edəcəklər. Hər birimizə sanballı, sağlam həyat arzulayıram. Yaşlandıqca zarafatlarımızı qırağa qoymalıyıq. Çox şükür ki, sonradan utanacağım zarafatlar etməmişəm.

- Nə zamansa müğənni olduğunuza görə utanmısınızmı?

- Deyir, zər qədrini zərgər bilər. Elə hal olmayıb. 

İntiqam VALEHOĞLU
Ölkə.Az

ŞƏRH YAZ
0

Ahu Tuğba etiraf etdi: “Xidmətçim və rəfiqələrim ərə getdiyim kişilərdən hamilə qalıb”

Ahu Tuğba etiraf etdi: “Xidmətçim və rəfiqələrim ərə getdiyim kişilərdən hamilə qalıb”
18:29
19.05.2018
7708
Maqazin
A
Məşhur aktrisa Ahu Tuğba özəl həyatı ilə bağlı müsahibə verib.

“Ölkə.Az” xəbər verir ki, Ahu bu illər ərzində neçə dəfə ərə getdiyini xatırlamadığını deyib. O, bütün ərləri tərəfindən aldadıldığını etiraf edib.

Ahu atası ilə görüşmədiyini bildirib:
“11 yaşımdan atamı görmürəm. “Adımızı ləkələdin” deyərək mənə arxasını çevirdi. Mən də ondan intiqam almaq üçün aktrisa oldum”.

Aktrisa ərə getdiyi insanların rəfiqələri, hətta xadimələri ilə yatağa girdiyini etiraf edib: “Rəfiqələrimin hamilə qaldığı ərlərim olub”.

Ahu Tuğba eyni zamanda şiddətdən də bəhs edib:
“Zamanında çox şiddət gördüm. Kişinin əli bir dəfə qalxsa, davamı gələcək. Həyatım başdan-ayağa dramdır”.

Hikmət Həsənov
Ölkə.Az

ŞƏRH YAZ
0

Xəstəlik Musa Yaqubu bu hala salıb — FOTO

Xəstəlik Musa Yaqubu bu hala salıb
14:12
19.05.2018
8537
Maqazin
A
Məşhur şair Musa Yaqubun səhhəti ağırlaşıb.

 "Ölkə.Az"ın məlumatına görə, ötən gün xalq şairi Sabir Rüstəmxanlı İsmayıllının Buynuz kəndinə gedərək, həmkarına baş çəkib. Rüstəmxanlının qardaşı şairlərin görüşündən çəkilmiş fotonu paylaşaraq bunları yazıb: 

"Bu gün İsmayıllı rayonunun Buynuz kəndində ailəmizə çox yaxın olan, Azərbaycanın görkəmli şəxsiyyəti, çox hörmətli şairi Musa Yaqubu qardaşlarımla, Sabir Rüstəmxanlı və Mədət Rüstəmxanlı ilə birlikdə ziyarət etdik. Musa əmi biraz nasaz idi. Allah şəfasını versin. Söz verdi ki, növbəti dəfə gələndə sizi ayaq üstə, sağlam qarşılayacağam".

Qeyd edək ki, səksən yaşlı məşhur şair uzun müddətdir bir neçə xəstəlikdən əziyyət çəkir. 

İntiqam VALEHOĞLU
Ölkə.Az

ŞƏRH YAZ
1
BAĞLA