""Öncəgörənlərin" 3-cü Dünya müharibəsi ilə bağlı fikirləri getdikcə gerçəyə çevrilir" — Hərbi ekspert

15:07
18.04.2017
201
Siyasət
A
Şimali Koreya ilə ABŞ arasında gərginlik hər keçən gün artmaqdadır.

Şimali Koreyanın BMT-dəki daimi nümayəndəsi Kim İn Ryön bildirib ki, ABŞ-ın həyata keçirdiyi siyasət nüvə müharibəsi ilə nəticələnə bilər. Şimali koreyalı diplomat əlavə olaraq bildirib ki, Şimali Koreya ABŞ-ı və qonşu ölkələri nüvə silahı ilə vuracaq.

Maraqlıdır ki, Çin narahat olduğunu bildirsə də, Rusiya məsələdə səssiz qalmağa üstünlük verir.

Şimali Koreya ətrafında baş verən proseslər və müharibə təhlükəsi ilə bağlı hərbi ekspert Üzeyir Cəfərov "Ölkə.Az"-a danışıb:

"Çox maraqlıdır ki, iki qoçun döyüşünə kənardan müşahidələr daha çoxdur. Hamı gözləmə mövqeyi tutur, ancaq əslində vəziyyət o qədər də ürəkaçan deyil. Şimali Koreya bildirir ki, hər həftə raket sınağı keçirəcəyik, ABŞ özünü yığışdırmasa lazım olan addımları atacağıq. ABŞ da çox qeyri-ciddi hərəkətlər edir. Nəyisə proqnozlaşdırmaq çox çətindir. Misal üçün, ABŞ-ın Dövlət Departamenti deyir ki, Ağ Ev Türkiyədə keçirlən referendumla bağlı şərh verməyəcək, ancaq bir neçə saat sonra Donald Tramp Ərdoğana zəng edib təbrik edir. Şimali Koreya ilə bağlı da hər şey ola bilər.

Şimali koreyalı diplomat bildirib ki, istənilən an nüvə müharibəsi başlaya bilər. Onlar çox rahat şəkildə deyirlər ki, bizim başqa yolumuz qalmayacaq. Tramp bir tərəfdən, Şimali Koreya da digər tərəfdən hədə-qorxu gəlir. Şimali Koreyanın cavan liderindən hər addım gözləmək mümkündür.

Çox maraqlıdır ki, BMT-nin baş katibi Antonio Quterreşin də səsi gəlmir. BMT-də isə ancaq Suriyada bir hadisə baş verəndə yığışıb müzakirə edirlər. İndiki halda hesab edirəm ki, Antonio Quterreş BMT-nin baş katibi kimi Koreya məsələsi ilə bağlı təşəbbüs irəli sürməlidir. Antonio Quterreşi BMT-nin baş katibi ona görə qoymayıblar ki, 2-ci, 3-cü dərəcəli məsələləri müzakirə etsin, söhbət nüvə bombasından və iki nüvə dövlətinin artan xətt üzrə gərginliyindən söhbət gedir.

ABŞ Şimali Koreyaya doğru 2 ədəd təyyarə daşıyan gəmi göndərir. ABŞ oraya 2 təyyarə daşıyan gəmi göndəribsə, bu elə belə deyil. Görünən odur ki, "öncəgörənlərin" 3-cü Dünya müharibəsi ilə bağlı fikirləri getdikcə gerçəyə çevrilir".

Səxavət Məmməd
Ölkə.Az

ŞƏRH YAZ
0

Gənclər təşkilatımız Türkiyədə seçkiləri izləyir

Gənclər təşkilatımız Türkiyədə seçkiləri izləyir
19:21
Bu gün
169
Siyasət
A
Türkiyədə keçirilən seçkilərdə müşahidəçilərdən biri Azərbaycan gənclər təşkilatının nümayəndəsidir.

"Ölkə.Az" xəbər verir ki, "Gənc Vətəndaş" İctimai Birliyinin icraçı direktoru Günel Səfərova ATƏT-in qısamüddətli missiyasının tərkibində seçkiləri İzmirdə izləyir. 

Xatırladaq ki, bu gün Türkiyədə növbədənkənar prezident və parlament seçkiləri keçirilir.

Ölkə.Az

ŞƏRH YAZ
0

Rusiya Dövlət Dumasının sədri Azərbaycandadır — YENİLƏNİB

Rusiya Dövlət Dumasının sədri Azərbaycandadır
17:42
Bu gün
963
Siyasət
A
Rusiya Federal Məclisi Dövlət Dumasının sədri Vyaçeslav Volodinin başçılıq etdiyi nümayəndə heyəti iyunun 24-də Azərbaycana rəsmi səfərə gəlib.

"Ölkə.Az" xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Rusiya Federal Məclisi Dövlət Dumasının sədrini Azərbaycan Respublikası Milli Məclisi sədrinin birinci müavini Ziyafət Əsgərov qarşılayıb. 
***
Bu gün Rusiya Dövlət Dumasının sədri Vyaçeslav Volodinin rəhbərlik etdiyi parlament nümayəndə heyəti Azərbaycana rəsmi səfər edəcək.

"Ölkə.Az" TASS-a istinadən xəbər verir ki, bu barədə Dövlət Dumasının mətbuat xidməti məlumat yayıb.

İki gün nəzərdə tutulan səfər çərçivəsində Azərbaycan prezidenti İlham Əliyev və Milli Məclis sədri Oqtay Əsədovla görüş keçiriləcək. Görüşlərdə iki ölkə arasında qarşılıqlı faydalı münasibətlərin inkişaf etdirilməsi, iqtisadi-ticari əməkdaşlıq sahəsindəki məsələlərin həlli, qanunvericiliklərin uyğunlaşdırılması müzakirə olunacaq. Eyni zamanda ikitərəfli parlamentlərarası əlaqələrin inkişafı və beynəlxalq təşkilatlarda birgə fəaliyyət məsələsi diqqət mərkəzində olacaq.

Ölkə.Az

ŞƏRH YAZ
0
BAĞLA