"Onda gərək sirk ustalarını sirkdən götürsünlər" — FUAD POLADOVUN XANIMININ FİKRİNƏ REAKSİYA

17:05
11.05.2018
22176
Mədəniyyət
A
Akademik Milli Dram Teatrının keçmiş direktoru, professor İsrafil İsrafilov mərhum xalq artisti Fuad Poladovun həyat yoldaşı Gülüstan Poladovanın səsləndirdiyi fikirlərə münasibət bildirib.

 İsrafilov "Ölkə.Az"ın əməkdaşıyla söhbətində deyib ki, F.Poladovla vida mərasiminin  "Azdrama"dan yox, məhz evində olmasında qeyri-adi heç nə yoxdur:

"Fuad Poladov mənim direktor olduğum zamanda da "Azdrama"nın tamaşalarında rol alıb. Ümumiyyətlə, sadə insan idi. Fuad vəfat edən günün axşamı aktyorlar tamaşa oynayacaqdılar. Düşünün, vida mərasimi orada keçirilsəydi, aktyorlar tamaşanı hansı ovqatla oynayacaqdılar? Fuad sadə, mütəvazi insan idi. Onun belə vəsiyyət etməsi də bununla bağlıdır, incikliklə yox. Tutaq ki, "Azdrama"dan incik düşmüşdü, bəs Rus Dram Teatrından götürülməsini niyə istəməmişdi? Axı orayla incikliyi yox idi. Fuad deyirdi ki, insanın evini tanısalar yaxşıdır. Əslində, bu, keçmişdənqalma ənənədir.  Bu məntiqlə məşhur kinoaktyor kinostudiyadan, sirk ustası sirkdən götürülməlidir. Məsələn, Qara Qarayevi filarmoniyadan, Bülbülü Milli Elmlər Akademiyasından götürüblər. İnsanın evindən götürülməsi daha doğrudur. Sevənləri, dostları onun evini tanımalıdırlar. Çünki Fuad həyatının böyük bir hissəsini evində keçirib, doğmaları, əzizləri evindədir". 

Qeyd edək ki, Fuad Poladovun həyat yoldaşı Gülüstan Poladova musavat.com-a müsahibəsində sənətkarın öz vəsiyyətinə əsasən vida mərasiminin Akademik Milli Dram Teatrında təşkil edilmədiyini bildirib. 

İntiqam VALEHOĞLU
Ölkə.Az

ŞƏRH YAZ
1

Hacıbəylilər nəslinin varisləri Azərbaycan tarixi ilə tanış edildi — FOTOLAR

Hacıbəylilər nəslinin varisləri Azərbaycan tarixi ilə tanış edildi
12:17
09.12.2018
2589
Mədəniyyət
A
Diasporla İş üzrə Dövlət Komitəsinin dəvəti ilə Bakıda səfərdə olan məşhur Hacıbəylilər nəslinin nümayəndələri 8 dekabr tarixində Milli Azərbaycan Tarixi Muzeyində olub.

Komitədən “Ölkə.Az”a daxil olan məlumata görə, muzeyin bələdçisi, Azərbaycan Xalq Cümhuriyyətinin qurucularından olmuş Ceyhun Hacıbəylinin gəlini Paskal Hacıbəyli Buşe və nəvəsi Benjamin Hacıbəylini Azərbaycan tarixini ən qədim dövrdən bu günə qədər əks etdirən ekspozisiya ilə tanış edib.

Qonaqlar Azərbaycanın keçmişini özündə əks etdirən eksponatların tarixi haqqında məlumat əldə edib və neft milyonçusu, mesenat Hacı Zeynalabdin Tağıyevin ev muzeyi ilə də tanış olublar.

Hacıbəylilər daha sonra Qobustan Milli Tarix-Bədii Qoruğunu ziyarət edib. Qonaqlara məlumat verilib ki, ərazidə daş dövründən orta əsrlərə qədərki həyat və məişəti əks etdirən çoxsaylı maddi mədəniyyət nümunələrini əcdadlarımız yaradıblar. Qobustan qayaüstü rəsmləri dünyada bu tipli abidələrdən ən zəngini hesab olunur. Qoruq ərazisində alimlər tərəfindən 6 mindən çox qayaüstü təsvir, 20 mağara və yaşayış yeri, 40 kurqan aşkar edilib və öyrənilib.

Günün sonunda Diasporla İş üzrə Dövlət Komitəsinə gələn Hacıbəylilər Komitə rəhbəri ilə görüşərək səfər təəssüratlarını bölüşüblər və Diaspor TV-nin qonağı olublar.

Dövlət Komitəsinin, Cümhuriyyətin 100 illiyi ilə bağlı həyata keçirdiyi tədbirlər çərçivəsində Azərbaycana gələn Ceyhun Hacıbəylinin varisləri bu gün Parisə yola düşüblər.

Ölkə.Az

ŞƏRH YAZ
0

Nazirdən Fəxrəddin Manafovun teatrdan getmə xəbərinə reaksiya — Araşdırma aparılır + VİDEO

Nazirdən Fəxrəddin Manafovun teatrdan getmə xəbərinə reaksiya
00:30
07.12.2018
4850
Mədəniyyət
A
Ötən gündən xalq artisti Fəxrəddin Manafovun Rus Dram Teatrından ayrılması haqda rəsmi açıqlaması ciddi rezonans doğurub.

“Ölkə.Az” “Real TV”yə istinadən xəbər verir ki, Mədəniyyət Nazirliyi məsələyə dərhal reaksiya verib və artıq araşdırılma aparıldığını bildirib.

 Nazirliyin İnformasiya və ictimaiyyətlə əlaqələr şöbəsinin müdiri İntiqam Hümbətov deyib ki, F.Manafovun Azərbaycan Dövlət Rus Dram Teatrında yaradıcılıq fəaliyyətini dayandırması barədə xəbər onlar üçün çox gözlənilməz olub.
 
Şöbə müdiri əlavə edib ki, Mədəniyyət Nazirliyinin rəhbərliyi F.Manafovun mətbuatda yayılan bəyanatı ilə tanış olduqdan sonra dərhal məsələnin araşdırılması ilə bağlı göstəriş verib.
 
Məsələyə Rus Dram Teatrının direktoru Ədalət Hacıyev də münasibət bildirib və Fəxrəddin Manafovu yüksək dəyərləndirdiyini, onun bütün şərtlərinin yerinə yetiriləcəyini qeyd edib.
 
Mövzu ilə bağlı daha ətraflı süjeti təqdim edirik:

ŞƏRH YAZ
0
BAĞLA