“Onları ifşa edəcəm” — Hafiz Hacıyevdən Sərdar Cəlaloğlu haqqında sensasion açıqlama

“Onları ifşa edəcəm”
10:33
19.06.2018
36587
Siyasət
A
Müasir Müsavat Partiyasının sədri Hafiz Hacıyev ADP sədri Sərdar Cəlaloğlunun Türkiyə-Azərbaycan konfederasiyası yaradılması təklifinə sərt reaksiya verib.

H.Hacıyev “Ölkə.Az”-a açıqlamasında deyib ki, Azərbaycan müstəqil dövlətdir və bunu daha da gücləndirmək lazımdır: 

“Daha “böyük qardaş” axtarmağa ehtiyac yoxdur. Əgər müstəqilliyi qoruyub saxlaya bilmiriksə, o zaman biz nə üçün yaşayırıq? Burada başqa məsələləri arzu edənlər çox səhv edirlər. Biz Azərbaycanın müstəqilliyi uğrunda qanlar, şəhidlər vermişik. Hazırda ölkədə deyiləm. Bakıya qayıdandan sonra Sərdar Cəlaloğlunun bu cür təklifinə daha geniş fikir bildirəcəm”.

Partiya sədri qeyd edib ki, Sərdar Cəlaloğlu özünü əsl müxalifətçi adlandırmaqla deyil:

“Mən də özümü əsl müxalifət sayıram. Gərək biz müxalifət olaraq xalqla yaxından işləyək. Bizim Qarabağ kimi problemimiz var. Gərək Azərbaycan xalqı qarşısında müəyyən xidmətlərimiz olsun ki, bundan sonra bizə xalq qiymət versin. Əsl qiyməti xalq verir. Bizim nə deməyimizlə deyil. Sərdar Cəlaloğlu sabah deyə bilər ki, ABŞ-ı da mən kəşf etmişəm. Bu o demək deyil ki, o kəşf edib!”.

S.Cəlaloğlunun qardaşı Qurban Məmmədovun Londona sığınması məsələsinə də toxunan H.Hacıyev deyib ki, Qurban Məmmədovun Azərbaycan əleyhinə danışdıranlar ölkəmizi sevməyən qüvvələrdir: 

“Onu bəzi qüvvələr Londona göndərib. Bu cür yollarla Azərbaycana təzyiq edirlər. Ancaq mən onların hamısını ifşa edəcəm”.

Zaur Əziz
Ölkə.Az

ŞƏRH YAZ
0

Vladimir Putin şahzadə Salmanla görüşəcək

Vladimir Putin şahzadə Salmanla görüşəcək
17:05
Bu gün
549
Siyasət
A
Gələn həftə Argentinada “G-20” Zirvəsi keçiriləcək.

“Ölkə.Az” xəbər verir ki, zirvədən əvvəl Rusiyadan yeni açıqlama verilib. Açıqlamaya əsasən, Rusiya prezidenti Vladimir Putin Səudiyyə Ərəbistanı şahzadəsi Salmanla görüşəcək. Bu barədə Kremlin mətbuat katibi Dmitri Peskov məlumat verib.

Peskov qeyd edib ki, tərəflər zirvə görüşü ərəfəsində görüş keçirə bilərlər.

Hikmət Həsənov
Ölkə.Az

ŞƏRH YAZ
0

Bu bələdiyyələrin adları dəyişdirilir — SİYAHI

Bu bələdiyyələrin adları dəyişdirilir
16:53
Bu gün
582
Siyasət
A
Azərbaycanda bir neçə bələdiyyənin adı dəyişdirilir.

"Ölkə.Az"ın Report-a istinadən xəbər verir ki, bununla bağlı “Azərbaycan Respublikasında bələdiyyələrin siyahısı”nda dəyişiklik edilir.

Dəyişikliklə, Ağsu rayonun Gürcüvan bələdiyyəsi Xanbulaq, Goranboy rayonunun Ağamalıoğlu bələdiyyəsi Düzqışlaq, Əzizbəyov bələdiyyəsi Kəhrizli, Xaçmaz rayonunun Alekseyevka bələdiyyəsi Çaykənarı, Müqtədir bələdiyyəsi İstisu, Xızı rayonunun Şuraabad bələdiyyəsi Şorabad, Qusar rayonunun Şirvanovka bələdiyyəsi Şirvanlı, Masallı rayonunun Kalinovka bələdiyyəsi Viləş, Saatlı rayonunun Xanlarkənd bələdiyyəsi Nabatkənd, Qarayevkənd bələdiyyəsi Orta Muğan, Samux rayonunun Qırmızı Samux bələdiyyəsi Qaraağaclı, Şəmkir rayonunun Qasım İsmayılov bələdiyyəsi Ağlavaşlı, Muxtariyyat bələdiyyəsi Qədimqala adlandırılır.

Dəyişiklik layihəsi Milli Məclisdə müzakirəyə çıxarılacaq.

Ölkə.Az

ŞƏRH YAZ
0
BAĞLA