"Onun ayağına getmək mənim borcum idi" — Mənsum İbrahimov Canəli Əkbərovdan DANIŞDI

15:43
27.06.2019
18829
Maqazin
A
Xalq artisti Mənsum İbrahimov bir müddətdir küsülü olduğu həmkarı Canəli Əkbərovu xəstəxanada ziyarət etməsindən danışıb.

M.İbrahimov "Ölkə.Az"a açıqlamasında bildirib ki, C.Əkbərovun xəstə olduğunu səfərdə olduğu zaman bilib:

"Avropada səfərdə idim. Saytlardan oxudum ki, Canəli müəllimin səhhətində problem yaranıb. Oğluna zəng vurdum. Canəli müəllimin oğlu Sabirlə, kürəkəniylə uzun illərdir dostuq. O, bizim barmaqla sayılacaq sənətkarlardan biridir.  Səfərdən qayıdan kimi dostlarım Elçin və Elnurla onun ziyarətinə getdik. Ailədə atayla balanın arasında da inciklik olur. Hər zaman demişəm ki, bizim bir düşmənimiz var - erməni. Sənət adamınn kin saxlaması doğru deyil. Belə sənətkarlarımız azdır. Hər zaman özümdən böyüklərə  hörmətlə yanaşmışam.  İndi də kiçikliyimi elədim, dəyərli sənətkarımzın ziyarətinə getdim. Onun ayağına getmək mənim borcum idi. Arzu edirəm ki, tezliklə ayağa dursun. Bu yaxınlarda səksən yaşı tamam olacaq. İnşallah, o tədbirdə də hamılıqla iştirak edəcəyik".

Qeyd edək ki, C.Əkbərov təxminən bir il öncə müsahibəsində bəzi xanəndələri, o cümlədən M.İbrahimovu sərt tənqid etmişdi.

İntiqam VALEHOĞLU
Ölkə.Az

ŞƏRH YAZ
0

Ata, həqiqətən, burada yaşamısan? — Ronaldo oğlunun qarşısında aciz qaldı

Ata, həqiqətən, burada yaşamısan?
18:47
Bu gün
5469
Maqazin
A
"Yuventusun" hücumçusu Kriştianu Ronaldo oğlu Kriştiano Junior ilə birlikdə uşaqlıq dövründə yaşadığı Portuqaliyanın Madeira adasındakı evini ziyarət edib.

 "Ölkə.Az" Rusiya mətbuatının verdiyi məlumata istinadən  xəbər verir ki, Ronaldoata yurdunu ziyarət edərkən duyğusal anlar yaşayıb. "Sportinq"ə keçməzdən öncə yaşadığı evi oğlunu göstərən superulduz övladının sualı qarşısında aciz qalıb:"Ata, həqiqətən, burada yaşamısan?" 

Qeyd edək ki, Ronaldo Madeyrada anadan olub və 12 ilədək orada yaşayıb. 2017-ci ildə yerli hakimiyyət adada beynəlxalq hava limanına futbolçunun adını verib. Rəsmi mərasimdə futbolçunun özü iştirak edib. Ronaldo 2018-ci ildən etibarən "Yuventus" a aiddir, bundan əvvəl "Real", "Mançester Yunayted" və "Sportinq"kimi klublarda çıxış edib. Portuqaliyalı beş dəfə Çempionlar liqası Kubokunun sahibi olub və turnirin tarixində (126 qol) ən yaxşı bombardir olub.   Hücumçu "Qızıl top"un beşqat sahibidir.                                                                                                                                       

Müşfiq Məmmədov
Ölkə.Az

ŞƏRH YAZ
0

Manaf Ağayevdən keçmiş kürəkəninin — İTTİHAMLARINA CAVAB

Manaf Ağayevdən keçmiş kürəkəninin
18:06
Bu gün
5389
Maqazin
A
Müğənni Manaf Ağayev keçmiş kürəkəni Taleh Hüseynovun səsləndirdiyi ittihamlara cavab verib.

Sənətçi "Ölkə.Az"-ın əməkdaşı ilə söhbətində bildirib ki, bu mövzuda geniş danışmaq istəmir:

"Mən dövlətimə və qanunlarımıza arxalanıram. Başqa arxalandığım yer və şəxs yoxdur. Məhkəmə qərar verib, hər şey ortadadır. Başqa söz demək istəmirəm".

Qeyd edək ki, T.Hüseynov və M.Ağayevin qızı Səmayə Ağayeva  bu gün   Bakı Apleyasiya Məhkəməsində üz-üzə gəliblər. Gərgin keçən prosesdə məhkəmə müğənninin qızının xeyirinə qərar çıxarıb.

İş adamı olan Taleh Hüseynov məhkəmədən sonra sosial şəbəkədə canlı yayıma çıxaraq iddialı fikirlər səsləndirib. O, 2015-ci ildə ailə qurduğu Səmayə ilə evliliklərinin cəmi 2 il çəkdiyini bildirib. Hüseynov sənətçi  qızında psixi pozğunluq olduğunu qeyd edən qarşı tərəf, Səmayənin səhhəti ilə bağlı olaraq övladları olmadığı üçün ayrılmaq qərarı verdiyini deyib: 

"Övladımız olmadığı üçün biz ayrılmışıq. Sadəcə şər, böhtan atırlar ki, "Niyə qızımı boşadın, niyə belə elədin?". Hamısı əsassız iddialardır. İndi məni veriblər Apelyasiya Məhkəməsinə. Güya ki, mən elə-belə evlənmişəm, boş yerə. Güya mən bunları aldatmışam. Mənim aldığım qızılları Manaf Ağayevin qızı özü ilə aparmışdı. İndi də deyilər o qızıllar səndədir". 

İki il yarımdır ayrıldıqlarını bildirən Taleh, artıq 2 ildir ki, məhkəmələrdə qaldığını qeyd edib. Manaf Ağayevin keçmiş kürəkəni boşandıqdan sonra cehizlərini olduğu kimi ata evinə "yola salsa" da ondan bunun üçün 150 min manat tələb etdiklərini sözlərinə əlavə edib. 

Vəkili isə Almaniyada işini-gücünü atıb, uzun zamandır məhkəmələrdə vaxt itirdiyi üçün Manaf Ağayevin ailəsinə 250 min manatlıq təzminat "davası" açdıqlarını bildirib:

"Taleh Hüseynovun bu vaxta qədər işlərinin arxasınca gedə bilməməsi və orada olan biznesi ilə məşğul olmamasına görə, itirdiyi vaxta və dəymiş maddi, mənəvi ziyana görə tərəfimizdən 250 min manatlıq bir təzminat davası açılıb və biz bunun arxasınca axıracan gedəcəyik".

Qeyd edək ki, Taleh M.Ağayevin qızının ikinci həyat yoldaşı olub. Səmayə xanım 2010-cu ildə ailə qurmuş və ayrılmışdı. Müğənni keçmiş kürəkəni Orxanın narkotik maddə aludəçisi olduğunu bildirmişdi. 

Ölkə.Az

ŞƏRH YAZ
0
BAĞLA