"Onun həyat yoldaşı da milliyətcə ermənidir" — Şakir Allahverdiyev erməniləri təbrik edən diaspor sədri barədə faktları açdı

17:34
12.01.2019
9600
Siyasət
A
Rusiyanın Rostov vilayətində yaşayan azərbaycanlılar icmasının sədri, Ümumrusiya Azərbaycanlıları Konqresinin Rostov üzrə nümayəndəsi Şakir Allahverdiyev özünü Rostovdakı Azərbaycan diasporunun rəhbəri kimi təqdim edən Vaqif Mustafayevin erməni xalqını təbrik etməsinə etiraz edib.

Şakir Allahverdiyev "Ölkə.Az"a açıqlamasında bildirib ki, Vaqif Mustafayevin Azərbaycan diasporasına heç bir bağlılığı yoxdur:

"Mən Vaqif Mustafayevi uzun illərdən bəri yaxşı tanıyıram. Əvvəllər Rusiya polisində çalışıb. Polisdə işlədiyi vaxtlarda Rusiya bazarlarında çalışan azərbaycanlılardan qanunsuz şəkildə pul yığırdı. Pul verməyənləri isə hədələyirdi. Hətta, bir neçə il bundan öncə azərbaycanlılar bizə bu adamdan şikayət etmişdilər. Mən bildirdim ki, Vaqif Mustafayevə pul verməyin. Sonra Vaqif Mustafayev killer tapıb məni öldürtmək istəyirdi. Yaxşı ki, bu planın üstü açıldı və həmin dəstə ifşa olunaraq həbs edildi. Həmin vaxt Vaqif Mustafayev də 9 il iş almışdı. Bu adam polisdən də qovulub. Həbsdən çıxandan sonra isə Vaqif Mustafayev Rostovda "Azərbaycan mədəniyyət mərkəzi" adında bir təşkilat yaradıb. Ancaq bu adam Azərbaycan əleyhinə olan şəxsdir". 

Diaspora sədri deyib ki, Vaqif Mustafayevin həyat yoldaşı milliyətçə ermənidir:

"Vaqifin arvadı da ermənidir. Ona görə də Rostovda Vaqif Mustafayevin azərbaycanlılar arasında hörməti yoxdur. O, daha çox ermənilərə yaxındır".

Xatırladaq ki, Rusiyanın Rostov vilayətində azərbaycanlı diaspora sədri Vaqif Mustafayevin erməniləri "Milad Bayramı" münasibətilə təbrik etməsi azərbaycanlılar tərəfindən ciddi narazıçılıq yaradıb. 

Vasif Həsənli
Ölkə.Az

ŞƏRH YAZ
2

“İranla ABŞ arasında müharibə ehtimalı çox azdır, Vaşinqton hərbi-psixoloji təzyiq edir” — Politoloq

“İranla ABŞ arasında müharibə ehtimalı çox azdır, Vaşinqton hərbi-psixoloji təzyiq edir”
13:51
Bu gün
127
Siyasət
A
Son bir həftədə Oman körfəzində ABŞ-la İran arasındakı münasibətlərin gərginləşməsi yeni bir mərəhləyə qədəm qoyub.

Ötən həftə Oman körfəzində tankerin vurulmasından sonra ABŞ, Böyük Britaniya və bəzi ölkələr bu məsələdə İranı ittiham etdi. ABŞ prezidenti Donald Tramp hətta Yaponiya baş nazirinə zəng vuraraq, onunla İran məsələsini müzakirə etdi. Çünki Yaponiya baş nazirinin bu yaxınlarda İrana səfəri planlaşdırılır.

Vəziyyət gərginləşməkdə davam edir. Hətta Amerika mediasının verdiyi xəbərə görə,  ABŞ İranın nüvə obyektlərinə hərbi zərbələr endirmək planı barədə məlumat  verib.  Bölgədə yeni müharibə ocağının baş verəcəyi ilə bağlı mediada müxtəlif versiyalar səslənməkdədir. 

ABŞ-İran arasında yaranmış gərginlik və bunun Azərbaycana, bölgəmizə təsirləri ilə bağlı politoloq Mübariz Əhmədoğlu ilə aydınlıq gətirməyə çalışdıq.

Mübariz Əhmədoğlu “Ölkə.Az”a açıqlamasında deyib ki, indiki şəraitdə İranla  ABŞ arasında  müharibənin baş verməsi ehtimalı çox azdır. 

“Mən bunu İrana qarşı hərbi-psixoloji təzyiq hesab edirəm. Verilən xəbərlərə görə, hazırda Ağ Evlə Tehran arasında gizli danışıqlar gedir. Arada baş verən hərbi ritorika və gərginlik  danışıqlar prosesində razılşdırılması mümkün olmayan məsələləri belə hərbi-psixoloji təzyiq yolu ilə razılaşdırmaya vadar etməyə xidmət edir.
İkincisi, müharibə ona görə ola bilməz ki, İsraildə yeni hökumət formalaşdırıla bilmədiyindən, bu ölkədə parlament seçkiləri keçirilməsi planlaşdırılır. Beə bir vəziyyətdə ABŞ-ın İrana müharibə elan etməsi İsraili İranın girovuna çevirməsi anlamına gələ bilər. Yəni İran Suriya və Livandakı gücləri vasitəsi ilə hətta İsraildəki seçkiləri poza bilər. İranın buna yetəcək qədər gücü var. Ona görə də mən ABŞ-la İran arasındakı müharibənin başlayacağını az  ehtimal edirəm”,- deyə politoloq bildirib.

İranın nüvə obyektlərinə zərbələrin endirilməsinə gəldikdə M.Əhmədoğlu bunu istisna etməyib: 

“Bu ola bilər. ABŞ İranın nüvə obyektlərinə nöqtəvi zərbələrə endirə bilər. Lakin burada da bəzi problemlər mövcuddur. İranın nüvə obyektləri ölkənin cənubunda ABŞ-ın Körfəzdəki müttəfiq ölkələrinə yaxın sərhədlərdə yerləşir. Nüvə obyektlərinin partladılması nəticəsində Vaşinqtona bölgədə müttəfiq olan ərəbə ölkələri nüvə obyektinin radiasiyasına əziyyət çəkə bilər.Təbii ki, nüvə obyektlərinə endirilən zərbələrədən təkcə ərəb ölkələri deyil, bölgədəki digər ölkələr, o cümlədən Azərbaycan da əziyyət çəkə bilər”.
ABŞ-İran arasında baş verə biləcək müharibənin ümumiyyətlə Azərbaycanın maraqlaırna cavab vermədiyini dilə gətirən politoloq bildirib ki, bu müharibənin başlaması Azərbaycan üçün ən arzuolunmaz hallardan biridir:

“Bölgədə vəziyyətin gərginləşməsi və İran ərazisində yaşayan soydaşlarımızın böyük bir hissəsinin Azərbaycana köç etməsi ilə nəticələnə bilər. Bu da öz növbəsində sosial-iqtisadi vəziyyətin gərginləşməsinə gətirib çıxara bilər”.

Mürtəza
Ölkə.Az

 

ŞƏRH YAZ
0

Avropa Şurasında 47 üzv dövlətin məhkəmə sistemi müzakirə olundu — FOTO

Avropa Şurasında 47 üzv dövlətin məhkəmə sistemi müzakirə olundu
09:25
Bu gün
854
Siyasət
A

Avropa Şurasının rəsmi saytından alınmış məlumata görə, cari ilin iyunun 13-14-də Strasburqda Avropa Şurasının 47 üzv dövlətinin rəsmilərinin iştirakı ilə keçirilmiş geniştərkibli Ədalət Mühakiməsinin Səmərəliliyi üzrə Avropa Komissiyasının (CEPEJ) 32-ci plenar iclasında Elektron ədliyyənin yaradılmasına dair Təlimat Toplusu, Mediasiya ilə bağlı milli qanunvericiliyin hazırlanmasına dair Avropa Təlimatı, Mediatorlarla bağlı tədris proqramlarının tərtibinə dair Rəhbər Qaydalar təsdiq edilmişdir.

Avropa Şurası Ədalət Mühakiməsinin Səmərəliliyi üzrə Avropa Komissiyasının prezidenti Ramin Qurbanovun sədrliyi ilə iclasın bir hissəsi Avropa İnsan Hüquqları Məhkəməsi ilə Ədalət Mühakiməsinin Səmərəliliyi üzrə Avropa Komissiyası arasında əməkdaşlıq məsələləri və həmin komissiyanın məhkəmənin işinin yaxşılaşdırılmasında roluna həsr olundu. Avropa Məhkəməsinin yeni seçilmiş sədri Linos-Aleksandre Sislianosun geniş tərkibli hakim və aparat işçilərindən ibarət nümayəndə heyəti ilə həmin tədbirdə fəal iştirak etdi.



Avropa Şurasının ən mötəbər monitorinq və məşvərətçi qurumlarından olan Ədalət Mühakiməsinin Səmərəliliyi üzrə Avropa Komissiyası (CEPEJ) Avropa İnsan Hüquqları Məhkəməsinin həddindən artıq yüklənməsi ilə bağlı yaradılmışdır (Avropa Məhkəməsinin 2018-ci ildən cari ilə keçən qalıq işlərinin sayı 56.000 civarındadır). Buna görə də həmin Avropa Komissiyasının fəaliyyətinin başlıca məqsədlərindən biri 47 üzv dövlətin milli məhkəmə sisteminin səmərəliliyi və keyfiyyətinin artırılması ilə Avropa Məhkəməsinin iş yükünün azaldılmasıdır.

Avropa İnsan Hüquqları Məhkəməsinin Belçika, Hollandiya, Rusiya, Ermənistan, Kipr, Polşa, Litva, Monteneqro, Albaniya, İtaliyadan olan hakimləri müzakirələrdə iştirak edərək Avropa Şurasının iki qurumu arasında birgə fəaliyətin qurulması istiqamətində tədbirlərin görülməsinin,  habelə Avropa Məhkəməsinin qərarlarında CEPEJ-in rəhbər qaydaları və digər sənədlərinə hakimlər tərəfindən istinad olunmasının zəruriliyini bildirdilər.

İclasda, bir daha, Avropa Şurasının üzv dövlətlərində məhkəmə sistemlərinin səmərəliliyi və keyfiyyətinin artırılması məqsədilə CEPEJ tərəfindən təsdiq olunmuş sənədlərin və rəhbər qaydaların Üzv Dövlətlərdə tətbiqinin vacibliyi qeyd edilmişdir.


 Ölkə.Az

 

ŞƏRH YAZ
0
BAĞLA