“Onun saxta diplomla vəzifədə olan qadın düşkünü olduğunu dedi” — Redaktorların məhkəmə işi

“Onun saxta diplomla vəzifədə olan qadın düşkünü olduğunu dedi”
15:24
17.04.2018
842
Hadisə
A
Bu gün Bakı Ağır Cinayətlər Məhkəməsində “Bizim dövr” qəzetinin baş redaktoru Surxay Əliyev, onu müavini Hikmət Nəcəfli, Gülbəniz Əliyeva, İlahə Qasımova, Sevinc Məmmədsalayeva və Marif Abbasovun cinayət işi üzrə məhkəmə iclası davam etdirilib.

 “Ölkə.Az”ın xəbərinə görə, hakim Mahmud Ağalarovun sədrliyi ilə keçirilən prosesdə dövlət ittihamçısının istəyi ilə təqsirləndirilən S.Məmmədsalayevanın ifadəsi elan edilib.

Məlum olub ki, o, istintaqa ifadəsində 2002-2006-cı illərdə "Ədalət" qəzetində, 2006-2013-cü illərdə "Haqqın səsi" qəzetində, sonra isə "Bizim Dövr" qəzetində qeyri-rəsmi işlədiyini deyib.

O, bildirib ki, 2014-cü ildə hədə-qorxu gəlməkdə ittiham edilib və 6 il müddətinə azadlıqdan məhrum olunub. Həbs edilməyinin səbəbkarı kimi  S.Əliyev və H.Nəcəflini göstərib:
"Mən boşanandan sonra M.A. (ad, soyad şərti) ilə sevgi münasibətləri yaşamışam. Bir müddət sonra ondan ayrıldım. Surxay məni otağına çağırıb təhqir etdi, M.A. ilə olan intim münasibətlərimi açıqlayıb hamının yanında biabır edəcəyini dedi. Sonra mənə söylədi ki, "gözəl qadınsan, bundan sonra mənim üçün işləyəcəksən. Vəzifəli şəxslər və biznesmenlərlə görüşüb, intim münasibət yaşayacaqsan, onları gizli videoya çəkib, sonra çantaj edərək pul alacağıq”. O, mənə tapşırdı ki, rayonlardan birinin təhsil şöbəsinin müdiri S.A. (ad, soyad şərti) ilə görüşüb, intim əlaqədə olum və bunu videoya çəkim. Onun saxta diplomla vəzifədə olması və qadın düşkünü olduğunu dedi".

S.Məmmədsalayeva qeyd edib ki, daha sonra rayonlardan birinin JEK müdiri olan V.Ə ilə münasibət qurub:
 "O, mənə "Whatsapp"da intim görüntülərini göndərdi. Mən də Surxaya bunu dedim. O V.Ə-ni şantaj edib 10 min manat almışdı. Bunu Surxay deməsə də, M.Ə özü mənə demişdi".

Daha sonra prosesdə təqsirləndirilən şəxslərin vəkilləri zalda jurnalistlərin olduğunu bildirib.

Jurnalistlər zaldan çıxarılıb və hazırda proses qapalı olaraq davam etdirilir.
Qeyd edək ki, Dövlət Təhlükəsizliyi Xidmətinin (DTX) İctimaiyyətlə əlaqələr şöbəsinin yaydığı məlumata görə, DTX əməkdaşlarının keçirdiyi əməliyyat zamanı "Gündəlik Bakı" qəzetinin baş redaktoru Habil Vəliyev, “Bizim dövr” qəzetinin baş redaktoru Surxay Əliyev və onun müavini Hikmət Nəcəfli saxlanılıb. Səbail Rayon Məhkəməsinin qərarı ilə onların barəsində 4 ay müddətinə həbs qətimkan tədbiri seçib.

Məlumata görə, qabaqcadan əlbir olan bir qrup şəxsin gizli qaydada informasiya alınması üçün nəzərdə tutulmuş texniki vasitələrdən istifadə etməklə qadınları digər şəxslərlə görüşdürüb münasibətlərinin gizli videoçəkilişlərini aparması, onları şantaj etməsi, habelə ayrı-ayrı şəxslər barəsində rüsvayedici və böhtan xarakterli məlumatları mütəmadi olaraq mətbu orqanlarında dərc etdirib bu fəaliyyətin dayandırılması müqabilində vətəndaşlardan külli miqdarda pul tələb edilməsi və alınması, bu üsulla müxtəlif idarə və təşkilatlarda çalışan şəxslərdən, sahibkarlardan dövri haqq toplanılması barədə daxil olmuş müraciətlər DTX-da araşdırılarkən Azərbaycan Respublikası ərazisində “reket” nəşrlər yaradıb, bu nəşrlərin jurnalistləri adı altında fəaliyyət göstərən bir qrup şəxs və onlarla şəbəkə halında əlbir olan digər şəxslərdən ibarət cinayətkar dəstənin silsilə cinayət əməlləri ifşa edilib, qanunsuz fəaliyyətlərinin qarşısı alınıb. DTX tərəfindən aparılan araşdırmaların nəticələri üzrə hədə-qorxu ilə tələb etmə, əməliyyat-axtarış fəaliyyətini həyata keçirmək səlahiyyətinə malik olmayan şəxslər tərəfindən gizli qaydada informasiya alınması üçün nəzərdə tutulmuş texniki vasitələrdən istifadə etməklə belə tədbirlərin keçirilməsi faktları üzrə cinayət işi başlanılıb.

G.Əliyeva, İ.Qasımova və M.Abbasovun barəsində həbs qətimkan tədbiri seçilməyib. S.Məmmədsalayeva isə daha əvvəl hədə-qorxu ilə tələb etmədə təqsirləndirilərək 6 il müddətinə azadlıqdan məhrum edilib. O, haızrda 4 saylı cəzaçəkmə müəssisəsində cəzasını çəkir.

Daha sonra "Gündəlik Bakı" qəzetinin baş redaktoru H.Vəliyevin cinayət işi ayrıca icraata ayrılıb və Bakı Ağır Cinayətlər Məhkəməsinin hakimi Fikrət Qəribovun sədrliyi ilə baxılır.

G.Əliyeva "İlk xəbər" saytının, M.Abbasov isə "Kriminal" qəzetinin baş redaktoru olub.

ŞƏRH YAZ
0

Həbsxanada çeçenlər və inquşlar arasında kütləvi dava

Həbsxanada çeçenlər və inquşlar arasında kütləvi dava
14:17
Bu gün
538
Hadisə
A
Kabardin-Balkariya respublikasındakı 3 nömrəli həbsxanada çeçenlər və inquşlar arasında kütləvi dava olub.

“Ölkə.Az” xəbər verir ki, bu barədə Çeçenistanın ictimai palatasının mətbuat xidməti məlumat yayıb.

Çeçenistanlı millət vəkili Adam Delimxanovun rəhbərlik etdiyi nümayəndə heyəti məlumatı dəqiqləşdirmək üçün 3 saylı cəzaçəkmə müəssisəsinə baş çəkib.
Həbsxana rəhbərliyi qeyd edib ki, kütləvi dava milli münaqişə zəmnində baş verməyib.

“Kavkazskiy uzel” qəzeti yazır ki, bir müddət əvvəl sözügedən həbsxanada çeçenlər və inquşlar arasında milli zəmndə münaqişə baş verə biləcəyi barədə xəbərdarlıq etmişdilər. Tərəflər arasında mübahisəli sərhəd məsələsi var.

Hikmət Həsənov
Ölkə.Az

ŞƏRH YAZ
0

Beyləqanda yanğın — Xəsarət alan var

Beyləqanda yanğın
10:42
Bu gün
672
Hadisə
A
Beyləqanda 2 otaqlı ev yanıb.

FHN-dən "Ölkə.Az"a verilən məlumata görə, rayonun Əlinəzərli kəndində ümumi sahəsi 84 m² olan birmərtəbəli 2 otaqlı evin yanar konstruksiyaları yanıb.

Yanğın zamanı 1 nəfər xəsarət alıb. Yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.

Ölkə.Az

ŞƏRH YAZ
0
BAĞLA