Oqtay Əsədov ATƏT PA-nın sədri ilə görüşdü

Oqtay Əsədov ATƏT PA-nın sədri ilə görüşdü
14:31
11.06.2019
872
Siyasət
A
Azərbaycan Milli Məclisinin (MM) sədri Oqtay Əsədov Bakıda səfərdə olan ATƏT Parlament Assambleyasının (PA) sədri Georgi Tsereteli ilə görüşüb.

MM-dən "Ölkə.Az"a verilən məlumata görə, spiker belə yüksək səviyyəli səfərlərin gələcəkdə də davamlı olacağına ümidvar olduğunu bildirib. 

Qeyd edilib ki, qonaq ATƏT PA ilə əməkdaşlıq çərçivəsində Milli Məclisin təşkilatçılığı ilə Bakıda keçiriləcək “Regional təhlükəsizlik və əməkdaşlıq üzrə parlament konfransında” iştirak edəcək. Tədbirin əsas məqsədi Azərbaycan, Almaniya və Türkiyə deputatlarından ibarət “Bakı Dialoq və Əməkdaşlıq Platforması” yaratmaqdır. Bu platforma çərçivəsində təhlükəsizliyə təhdid yaradan amillərin qarşısının alınması yolları, qarşılıqlı inam və dialoqun gücləndirilməsi, əməkdaşlığın keyfiyyətcə yeni səviyyəyə qaldırılması məsələləri müzakirə olunacaq. 

Spiker Georgi Tsereteliyə ATƏT PA-nın yay sessiyası çərçivəsində qurumun sədri vəzifəsinə keçiriləcək seçkilərdə uğurlar arzulayıb. Bildirilib ki, Azərbaycan 25 ildən artıqdır ki, ATƏT-in üzvüdür və bu qurumla əməkdaşlığın daha da dərinləşməsinə önəm verir. Milli Məclislə ATƏT PA arasında münasibətlərin inkişafında yüksək səviyyəli səfərlər əhəmiyyətli rol oynayır. Sədr təşkilata üzv dövlətlərin üzləşdiyi problemlərin həllində qurumun gələcəkdə daha yaxından iştirak edəcəyinə, qətiyyətli və ədalətli mövqe sərgiləyəcəyinə inamını ifadə edib. 

Görüşdə Milli Məclisin sədri Azərbaycanın Avropanın enerji təhlükəsizliyi arxitekturasına verdiyi töhfələrdən, beynəlxalq nəqliyyat marşrutlarının inkişafında oynadığı roldan danışıb. Qonağın təmsil etdiyi Gürcüstanla əməkdaşlığımızın inkişaf perspektivlərindən söz açıb. 

ATƏT PA-nın sədri Georgi Tsereteli Bakıya səfərindən və növbəti dəfə Milli Məclisdə olmağından məmnunluğunu bildirib. O qeyd edib ki, onun təmsil etdiyi təşkilatla Azərbaycan arasında əməkdaşlığın dərinləşməsində belə qarşılıqlı səfərlər mühüm rol oynayır. ATƏT PA Cənubi Qafqazın bu bölgəsi ilə əlaqələrin daha da dərinləşməsinə böyük maraq göstərir. ATƏT məkanında mövcud problemlərin çözülməsində qarşılıqlı dialoqun aparılması vacib məsələlərdəndir. O, ümidvar olduğunu bildirib ki, gələcəkdə də təmsil etdiyi təşkilat bu sahədə səylərini əsirgəməyəcək. 

Qonaq ATƏT PA-da Gürcüstan nümayəndəsi kimi xalqlarımız arasında əsrlər boyu mövcud olan dostluğun bundan sonra daha da möhkəmlənəcəyinə inamını söyləyib. O, səfər çərçivəsində Bakıda keçiriləcək konfransda iştirakı və tədbirin əhəmiyyəti barədə fikirlərini açıqladı. 

Qəbulda tərəfləri maraqlandıran məsələlər ətrafında müzakirələr aparılıb. Görüşdə Milli Məclisin sədr müavini, ATƏT PA-da nümayəndə heyətimizin rəhbəri Bahar Muradova iştirak edib. 

Ölkə.Az

ŞƏRH YAZ
0

Sabiq müşaviri Trampı — TƏNQİD ETDİ

Sabiq müşaviri Trampı
13:13
Bu gün
450
Siyasət
A
ABŞ prezidenti Donald Trampın milli təhlükəsizlik məsələləri üzrə sabiq müşaviri Con Bolton qapalı toplantıda Trampın xarici siyasətini kəskin tənqid edib.

 “Ölkə.Az” “Politico”ya istinadən xəbər verir ki, Bolton Trampla  xarici siyasət məsələsində fikir ayrılığının olduğunu bildirib. Bolton 11 sentyabr ərəfəsində “Taliban” liderlərini ABŞ prezidentinin Kemp-Deviddəki rezidensiyasına dəvət etməsini heç cür qəbul etmədiyini dilə gətirib. Onun fikrincə, talibançıların həmin ərəfədə dəvət edilməsi 11 sentyabr  qurbanlarına  hörmtəsizlik və həqarət olub.

 Bolton Trampın Şimali Koreya və İranla bağlı yürütdüyü istənilən siyasətinin və atdığı addımlarının uğursuzluğa düçar olduğunu da qeyd edib. Bu ölkələr danışıqları sanksiyalrdan xilas olmaq və iqtisadiyyatlarını qorumaq üçün aparmaq istəyirlər.

Bolton onu da qeyd edib ki,  Trampın İrana qarşı hərbi zərbələr endirmək üçün yaranmış mükəmməl şansı əldən verib. Belə ki, İyun ayında İran Hərbi-Hava Qüvvələri tərəfindən ABŞ-ın pilotsuz  aparatını vurması Ağ Evin  Tehrana qarşı cavab  vermək üçün yaxşı bir şərait yaratmışdı. Sabiq müşavir hesab edir ki, əgər zamanında cavab verilsəydi, Səudiyyə Ərəbistanının  neft obyektlərinə hücum baş verməzdi.

Mürtəza

Ölkə.Az

ŞƏRH YAZ
0

Ramil Usubov Stanislav Zasla Əməkdaşlıq Planı imzaladı — FOTO

Ramil Usubov Stanislav Zasla Əməkdaşlıq Planı imzaladı
12:01
Bu gün
540
Siyasət
A
Sentyabrın 18-də Azərbaycan Respublikasının Təhlükəsizlik Şurasının katibi Ramil Usubovla Belarus Respublikasının Təhlükəsizlik Şurasının Dövlət katibi Stanislav Zas arasında görüş olub.

"Ölkə.Az" xəbər verir ki, görüşdə ölkələrimiz arasındakı əlaqələrin bütün sahələrdə yeni inkişaf mərhələsinə qədəm qoyduğunu bildirən Ramil Usubov hər iki dövlətin başçıları - cənab İlham Əliyevin və cənab Aleksandr Lukaşenkonun siyasi iradələrinə uyğun olaraq ölkələrimiz arasında strateji tərəfdaşlığın, ən müxtəlif sahələr üzrə işbirliyinin və inteqrasiyanın daha da dərinləşdiyini məmnunluqla qeyd edib. O, eyni zamanda, ikitərəfli münasibətlərdə təhlükəsizlik fəaliyyətinin də mühüm əhəmiyyət kəsb etdiyini deyib.

Beynəlxalq terrorçuluq və transmilli mütəşəkkil cinayətkarlığın yeni çağırış və təhdidlərinin artaraq qlobal xarakter aldığını nəzərə çatdıran R.Usubov ekstremizmi, aqressiv separatizmi təbliğ edən radikal elementlərin vaxtında müəyyənləşdirilməsi və qanunsuz fəaliyyətlərinin qarşısının alınması istiqamətində hər iki dövlətin müvafiq orqanları tərəfindən zəruri tədbirlərin bundan sonra da intensiv həyata keçirilməsinin vacibliyini vurğulayıb.

Tədbirin yüksək səviyyədə təşkilinə görə azərbaycanlı həmkarına təşəkkürünü ifadə edən S.Zas Azərbaycanla əməkdaşlığın bütün istiqamətlərdə genişləndirilməsinə Belarus tərəfinin hər zaman böyük önəm verdiyini, hazırkı görüşün təhlükəsizlik sahəsində qarşılıqlı faydalı əməkdaşlıq üçün yeni imkanlar açacağına, sıx peşəkar əlaqələrin yeni məzmunla, müasir forma və metodlarla zənginləşməsinə xidmət edəcəyinə əminliyini bildirib.

Görüşdə tərəfləri maraqlandıran bir sıra digər məsələlər də müzakirə olunub. Görüşün sonunda Azərbaycan Respublikası Təhlükəsizlik Şurası katibinin xidməti ilə Belarus Respublikası Təhlükəsizlik Şurasının Dövlət katibliyi arasında 2020-2021-ci illər üçün əməkdaşlıq Planı imzalanıb.

Belarus Respublikasının Təhlükəsizlik Şurasının Dövlət katibi S.Zasın rəhbərlik etdiyi nümayəndə heyətinin Azərbaycan Respublikasının digər rəsmi şəxsləri ilə də ikitərəfli görüşləri keçirilib.

Ölkə.Az

ŞƏRH YAZ
0
BAĞLA