Oqtay Əsədov Belorus prezidenti ilə görüşdü — FOTOLAR

Oqtay Əsədov Belorus prezidenti ilə görüşdü
16:01
13.10.2017
42
Siyasət
A
Belorus prezidenti Azərbaycan parlamentinin sədri Oqtay Əsədovu qəbul edib.

 "Ölkə.Az" xəbər verir ki, bu barədə Belorus prezidentinin rəsmi internet səhifəsi məlumat yayıb. Görüşdə Lukaşenko deyib: "Azərbaycan və Belorus parlamenti ikitərəfli münasibətlərin inkişafına öz töhfəsini verə bilər".

Dövlət başçısı bildirib ki, "deputat çörəyi"nin nə olduğunu təcrübəsindən yaxşı bilir: "Mən parlamentlərin imkanlarını da bilirəm. Bir çoxları deyə bilər ki, Azərbaycan və Belorus parlamentləri Qərbdəki kimi rol oynamır. Allah qorusun. Parlament hakimiyyətin qanunverici orqanıdır, onun funksiya və öhdəlikləri var. Bu ali qanunverici orqandır. Onlar yazmalı, xalqın dilindən danışmalı, qanun yaratmalıdırlar. Bundan başqa Konstitusiyaya uyğun olaraq digər problemləri həll etməlidirlər".

Belorus prezidenti Azərbaycan respublikasının lideri İlham Əliyevlə xoş münasibətdə olduğunu bir daha vurğulayıb: "Düşünürəm ki, parlamentlər iki ölkə münasibətinə töhfə verə bilər. Məsələn mən, parlamentarilərin və parlamentin dediyinə qulaq asıram. Bilirəm ki, İlham Əliyev bu məsələdə çox demokrat insandır. O, təhsilli və intellegent insandır. Əgər nəsə faydalı bir şey olsa, Azərbaycan prezidenti bunu dinləyir".

Lukaşenko qeyd edib ki, Azərbaycan və Belorus bir çox sahədə əməkdaşlıq edir: "Biz bir-birimizə tam etibr edirik. Biz müştərək şirkətlər qurur və üçüncü ölkələrlə ticarət aparırıq. Biz sizinlə cənuba, şərqə gedirik. İqtisadiyyatda bu siyasətə sadiq qalacağıq.  Bizim ticarətimiz və hərbi-texniki sahədə əməkdaşlığımız inkişaf edir. Biz bunu heç kəsdən gizlətmirik".

Belorus lideri xatırladıb ki, Soçidə MDB ölkələrinin sammitində İlham Əliyevlə müxtəlif formatlarda fikir mübadiləsi aparıb. Prezidentlər kifayət qədər uzun müddət söhbət ediblər və müəyyən məsələləri müzakirə ediblər: "Mən bilirəm ki, azərbaycanlılar sülhsevər xalqdır. Qarabağ probleminə baxmayaraq, siz bu məsələdə sülh mövqeyində dayanmısınız".

Lukaşenko Azərbaycan prezidentinə əməkdaşlığa görə ən xoş sözlərini çatdırmağı xahiş edib.

Hikmət Həsənov
Ölkə.Az

ŞƏRH YAZ
0

DİN-in Əlahiddə Çevik Polis Alayında ulu öndər anıldı

DİN-in Əlahiddə Çevik Polis Alayında ulu öndər anıldı
19:05
09.12.2017
6349
Siyasət
A
DİN-in Əlahiddə Çevik Polis Alayında müstəqil Azərbaycan dövlətinin qurucusu və memarı, görkəmli dövlət xadimi Heydər Əliyevin anım günü ilə əlaqədar tədbir keçirilib.

DİN-in Mətbuat xidmətindən "Ölkə.Az"- a verilən məlumata görə, tədbirin əvvəlində ümummilli lider Heydər Əliyevin xatirəsi bir dəqiqəlik sükutla yad edilib.

Alay komandiri, polis general-mayoru Zaur Abdullayev ulu öndərin müasir Azərbaycan dövlətinin qurulmasında müstəsna xidmətindən söz açaraq bildirib ki, ümummilli lider xalqın ardıcıl çağırışları və iradəsi ilə böyük siyasətə Azərbaycanın yenidən bərpa olunan müstəqilliyinin böyük təhlükə ilə üz-üzə qaldığı dönəmdə qayıtdı: "Dahi rəhbərin siyasi zəkasının və sarsılmaz qətiyyətinin sayəsində ölkəmiz parçalanmaqdan, xaosdan, vətəndaş müharibəsindən qurtuldu. Müasir Azərbaycan dövlətinin memarı olan ulu öndərimiz dövlətimizin iqtisadiyyatını dirçəltdi, ölkənin gələcək yüksəlişini təmin edəcək neft müqavilələrinin bağlanmasına nail oldu. Eyni zamanda Azərbaycanın balanslaşdırılmış xarici siyasətin təməlini qurdu, beynəlxalq nüfuzunun artmasını təmin etdi. Müasir, güclü, tərəqqi edən Azərbaycan dövləti Heydər Əliyevin ömrünün mənası, onun şah əsəridir".

Bakı Dövlət Universitetinin Tarix fakültəsinin professoru Nuru Məmmədov deyib ki, ümummilli lider Heydər Əliyevin mənalı ömrü xalqa xidmət, Vətənə məhəbbət nümunəsidir: "Xalqımızın ulu öndəri Azərbaycan dövlətçiliyinin siyasi-ideoloji əsaslarını və milli inkişaf konsepsiyasını yaradıb. Bu konsepsiya əsasında xalqımız öz həqiqi dövlət müstəqilliyinə qovuşub. Ümummilli liderimizin hələ SSRİ-nin mövcud olduğu dövrdə cəsarətlə və uzaqgörənliklə həyata keçirdiyi bu tədbirlər Azərbaycanın gələcək müstəqilliyinin və xalqımızın firavan həyatının möhkəm təməlini yaradıb. Ötən əsrin 90-cı illərində xalqımızın böyük oğlunun siyasi arenadan uzaqlaşması ilə Azərbaycanın ağır və çətinliklərlə dolu dövrü başlayıb". O qeyd edib ki, 1993-cü il iyunun 15-də ümummilli liderimizin respublikamızda ali hakimiyyətə qayıdışı müstəqil Azərbaycanın dövlətçilik tarixinin şanlı səhifəsini təşkil edir. Bu qayıdışla xalqımız müstəqil dövlətçiliyini itirmək təhlükəsindən xilas olub. Professor diqqətə çatdırıb ki, ölkəmizin tarixinə sabitlik və inkişaf dövrü kimi daxil olan 1993-2003-cü illər ərzində Heydər Əliyev tərəfindən müstəqil dövlətçiliyimizin ideoloji əsasları yaradılıb, Azərbaycançılıq məfkurəsi formalaşdırılıb, bazar iqtisadiyyatı prinsiplərinə əsaslanan yeni iqtisadi münasibətlər bərqərar olub. Azərbaycan Respublikasının yeni Konstitusiyasının qəbul edilməklə hüquqi dövlət quruculuğu yolunda inamlı addımlar atılıb, demokratik və ümumbəşəri dəyərlərə əsaslanan vətəndaş cəmiyyətinin qurulması istiqamətində böyük işlər görülüb.

Qeyd olunub ki, görkəmli dövlət xadiminin müəyyənləşdirdiyi inkişaf xətti hazırda ölkə başçısı İlham Əliyev tərəfindən uğurla davam etdirilir. Azərbaycan öz güclü iqtisadiyyatı və daha da artan beynəlxalq nüfuzu ilə dünya dövlətləri sırasında önəmli yer tutur.

Mərasimin sonunda ulu öndərimizin həyat və siyasi fəaliyyətinə həsr olunmuş sənədli film nümayiş olunub. 

ŞƏRH YAZ
0

Naqif Həmzəyevə yenidən yüksək etimad

Naqif Həmzəyevə yenidən yüksək etimad
18:23
09.12.2017
3499
Siyasət
A
Bu gün Yeni Azərbaycan Partiyası Gəncə şəhər təşkilatının IX konfransı keçirilib.

“Ölkə.Az" xəbər verir ki, konfransda Baş Nazirin müavini və YAP-ın İcra katibi Əli Əhmədov, Gəncə şəhər İcra Hakimiyyətinin başçısı Elmar Vəliyev,  Milli Məclisin deputatlarından Eldar İbrahimov, Musa Quliyev, Xanlar Fətiyev, Pərvin Kərimzadə və Naqif Həmzəyev iştirak ediblər.

Konfransda YAP Gəncə şəhər təşkilatının sədri, deputat Naqif Həmzəyev geniş hesabat məruzəsi ilə çıxış edərək, ötən müddətdə görülmüş işlər barədə məlumat verib. O deyib ki, Təşkilat siyasi və ideoloji cəhətdən daha da mətinləşərək yeni iş təcrübəsi ilə zənginləşib. Təşkilatın üzvlərinin sayını 40 minə çatıb.

Sonra YAP Gəncə şəhər təşkilatının nəzarət-təftiş qrupunun hesabatı dinlənilib.

Məruzə ətrafında çıxış edən konfrans nümayəndələri təşkilatın hesabat dövrü ərzindəki fəaliyyətini qənaətbəxş qiymətləndiriblər.

Çıxışlardan sonra konfransın qətnaməsi qəbul olunub, təşkilati məsələlər müzakirə edilib. Naqif Həmzəyev yenidən YAP Gəncə şəhər təşkilatının sədri seçilib. Konfransda 93 nəfərdən ibarət şəhər təşkilatının şurası, 27 nəfərdən ibarət idarə heyəti və nəzarət təftiş qrupu seçilib.

YAP Gəncə şəhər təşkilatının 40 mininci partiya üzvünə təntənəli şəkildə partiya vəsiqəsi, təşkilatın bir sıra fəal üzvlərinə Fəxri fərman təqdim edilib.

Sonda konfrans iştirakçıları adından Azərbaycan Prezidenti, YAP sədri İlham Əliyevə müraciət qəbul olunub.

ŞƏRH YAZ
0
BAĞLA