Oqtay Şirəliyevdən yeni direktor — TƏYİNATI

Oqtay Şirəliyevdən yeni direktor
11:21
21.08.2017
247
Ölkə
A
Elmi-Tədqiqat Travmatologiya və Ortopediya İnstitutuna yeni direktor təyin edilib.

Səhiyyə Nazirliyinin mətbuat xidmətindən "Ölkə.Az"a verilən məlumata görə, nazir Oqtay Şirəliyevin əmri ilə Qasımov İlqar Əbülfəz oğlu direktor vəzifəsinə təyin edilib. 

İ.Qasımov 1965-ci ildə Bakı şəhərində anadan olub. 1988-ci ildə Azərbaycan Respublikası Tibb İnstitutunu bitirmişdir. 1994-cü ildə Moskva şəhərinin Mərkəzi Travmatologiya İnstitutunda Tibb Elmləri Namizədliyini müdafiə edib. 

1996-2000-ci illlərdə Moskva şəhərinin Mərkəzi travmatologiya İnstitutunda doktorantura keçmiş, tibb elmləri doktoru dərəcəsini müdafiə edib. 

2000-2004-cü illərdə Moskva şəhərinin Mərkəzi Travmatologiya İnstitutunun İri oynaqların artroplastikası və endoprotezləşdirilməsi şöbəsində baş elmi işçi vəzifəsində çalışıb. 

2004-2006-ci illərdə Rusiya Tibb Akademiyasının Diplomdan sonkarı təkmilləşdirmə, travmatologiya və ortopediya kafedrasının elmi işçisi olub. 

Sonralar Bakı şəhərinə qayıdaraq ixtisas üzrə çalışıb.

Qeyd edək ki, İnstitutun keçmiş direktoru Vaqif Verdiyev öz ərizəsi ilə vəzifəsindən azad olunub.

ŞƏRH YAZ
0

Azərbaycanda deputat vəfat edib

Azərbaycanda deputat vəfat edib
01:29
Bu gün
2517
Ölkə
A
Naxçıvan Müəllimlər İnstitunun rektoru, pedeqogika üzrə elmlər doktoru, Əməkdar elm xadimi Oruc Həsənli uzun sürən xəstəlikdən sonra vəfat edib.

"Ölkə.Az"ın "Report"a istinadən məlumatına görə, 1950-ci il avqustun 15-də Şərur rayonunun Ələkli kəndində anadan olan Oruc Həsənli ölkəmizdə pedeqoji kadrların hazırlanmasında mühüm xidmətlər göstərib. AMEA-nın müxbir üzvü olan professor O.Həsənli 200-dən artıq elmi əsər, kitab və monoqrafiyanın müəllifi kimi də tanınır.

2010-cu ildən Naxçıvan Müəllimlər İnstitutunun rektoru vəzifəsində çalışan alim həm də Naxçıvan Muxtar Respublikası Ali Məclisinin deputatı, Naxçıvan Muxtar Respublikası Ali Məclisinin sədri yanında Bilik Fondunun Himayəçilik Şurasının üzvü olub.

Oruc Həsənli Azərbaycan Respublikası Prezidentinin 3 oktyabr 2007-ci il tarixli Sərəncamı ilə Azərbaycan Respublikasının "Tərəqqi" medalı ilə təltif olunub.

Allah rəhmət eləsin!

Ölkə.Az

ŞƏRH YAZ
0

Əsgərimiz atdan yıxıldı, dünyasını dəyişdi

Əsgərimiz atdan yıxıldı, dünyasını dəyişdi
23:47
18.06.2018
3739
Ölkə
A
Dövlət Sərhəd Xidmətinin əsgəri Cəlilabad rayonunda bədbəxt hadisə nəticəsində həlak olub.

"Ölkə.Az"ın "Report"a istinadən məlumatına görə, Göytəpə Sərhəd Dəstəsinin əsgəri, 1999-cu il təvəllüdlü Qusar rayon sakini Həmidov Ayaz Zabil oğlu bədbəxt hadisə nəticəsində vəfat edib.

İlkin məlumata görə, əsgər xidməti vəzifəsini yerinə yetirən zaman atdan yıxılıb. Nəticədə o, ölüb.

Əsgərin meyiti Məhkəmə Tibbi-Ekspertiza və Patoloji Anatomiya Birliyinin Cəlilabad Rayon şöbəsində müayinə edilib.

Faktla bağlı müvafiq orqanlar tərəfindən araşdırma aparılır.

Ölkə.Az

ŞƏRH YAZ
0
BAĞLA