“Ora gələnlərin əksəriyyəti sıravi əhalidir” — İcra başçısı dağ başında keçirdiyi görüşdən DANIŞDI

“Ora gələnlərin əksəriyyəti sıravi əhalidir”
13:25
12.07.2018
5618
Ölkə
A
Daşkəsən rayon İcra Hakimiyyətinin başçısı, sabiq deputat Əhəd Abıyev ucqar dağ kəndində əhali ilə keçirdiyi görüşün sosial şəbəkələrdə maraqla qarşılanmasından danışıb.

Ə.Abıyev “Ölkə.Az”-a açıqlamasında bildirib ki, həmin yer Çovdar kəndidir və rayon mərkəzindən 27 kilometr uzaqlıqda yerləşir:

“Həmin kənd dəniz səviyyəsindən 18 kilometr yüksəklikdə yerləşir. Prezident Administrasiyasının tapşırığı ilə yerlərdə bu cür görüşlər keçiririk, əhalinin problemlərini yerindəcə həll edirik. Kimin nə problemi varsa, bacardığımız qədər köməklik göstəririk. Camaat da bu cür görüşlərdən çox razılıq edirlər”.

İcra başçısı qeyd edib ki, sözügedən görüşlər formal xarakter daşımır:

“Mənim əhali ilə keçirdiyim bütün görüşlər bu cür səmimi şəraitdə baş tutur. Adətən bu cür görüşlərdə mənimlə bərabər rayonun polis rəisi və prokuroru da iştirak edir. Görüşlərdə iştirak edən insanların əksəriyyəti sıravi əhalidir. Yəni, görüşlər formal xarakter daşımır. Cənab prezident də hər zaman bildirir ki, biz icra başçıları əhali ilə yaxından işləyək, onların içərisində olaq, problemləri ilə yaxından maraqlanaq və sairə. Mən də cənab prezidentin bu tapşırığına uyğun olaraq əlimdən gələni edirəm ki, əhalinin dövlətimizdən narazılığı olmasın. Sağ olsun, Daşkəsən camaatı da ölkə başçısının siyasətini tam dəstəkləyir, daim dövlətimizin yanındadırlar”.

Vasif Həsənli
Ölkə.Az

 

ŞƏRH YAZ
1

“Nar” İsmayıllıda 4G şəbəkəsini qurdu

“Nar” İsmayıllıda 4G şəbəkəsini qurdu
17:45
Bu gün
7
Ölkə
A

Ölkənin ən gənc mobil operatoru olan “Nar” yüksək keyfiyyətli 4G şəbəkəsini bölgələrdə sürətlə artırmağa davam edir. 4G şəbəkəsinin istismara verildiyi növbəti region İsmayıllı oldu. Bununla da İsmayıllıda 2G, 3G, 4G baza stansiyalarının ümumi sayı 68-ə çatdı. Nəticədə İsmayıllı sakinləri keyfiyyətli və yüksək sürətli mobil rabitə xidmətləri ilə təmin edilir. 

Hazırda “Nar” 4G şəbəkəsinin əhatə dairəsini bütün Azərbaycan boyunca sürətlə genişləndirir və ölkədə ən geniş 4G şəbəkələrindən birinə malikdir. Bölgələrə xüsusi diqqətilə seçilən mobil operator, 4G xidmətini təkcə Bakı və Abşeron ərazisində deyil, bölgələrdə, şəhər və rayon mərkəzlərində də təqdim edir. Aparılan şəbəkə işlərinin nəticəsi olaraq 37 bölgə “Nar” 4G şəbəkəsi ilə əhatə olunub. Hazırda ölkə ərazisində 1326 sayda 4G, 2645 sayda isə 3G baza stansiyaları fəaliyyətdədir. Bununla da “Nar” abunəçilərinin böyük bir qismi yüksəksürətli internetə çıxış əldə edib. 4G keyfiyyəti ilə yanaşı “Nar”-ın təklif etdiyi sərfəli qiymətlər abunəçilərin mobil internetdən daha çox istifadəsinə şərait yaradır.

Mobil operatorun şəbəkəsi haqqında ətraflı məlumatı nar.az saytından əldə edə bilərsiniz.

“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. “Nar” şəbəkəsi hazırda ölkə ərazisinin 93%-ni əhatə edir və 7000-dən artıq baza stansiyası ilə 2,1 milyondan çox abunəçiyə yüksəkkeyfiyyətli xidmət göstərir. 2017-ci ildə keçirilmiş mobil rabitə şəbəkələrinin müqayisəli testlərinə əsasən “Nar” şəbəkəsi mobil zəng xidmətlərinin göstərilməsi üzrə ölkədə ən yüksək nəticəyə nail olub. Sınaqları test xidmətləri üzrə müstəqil beynəlxalq şirkət olan “P3 Communications” keçirib və sınaq metodologiyası əhatəli xidmətlər üzrə müştəri təcrübəsinə əsaslanıb.

ŞƏRH YAZ
0

Arvadını yastıqla boğan ərin MƏHKƏMƏSİ

Arvadını yastıqla boğan ərin MƏHKƏMƏSİ
17:13
Bu gün
575
Ölkə
A
Bu gün Bakı Ağır Cinayətlər Məhkəməsində arvadını yastıqla boğaraq öldürməkdə təqsirləndirilən Elvin Qəhrəmanlının məhkəməsi başlayıb.

"Ölkə.Az"ın verdiyi xəbərə görə, hakim İradə Həsənzadənin icraatında olan prosesdə hazırlıq iclası keçirilib.

İclasda təqsirləndirilən şəxsin anket məlumatları dəqiqləşdirilib. 1993-cü il təvəllüdlü E.Qəhrəmanlı öldürdüyü arvadı ilə nikahından 2 övladı olduğunu deyib. Onun uşaqlarından birinin 7‚ digərinin 5 yaşı var. 

Tikinti şirkətlərində fəhlə işlədiyini deyən E.Qəhrəmanlı əvvəllər məhkum olunmayıb. Cinayət işi məhkəmə baxışına qəbul edilib.

Proses sentyabrın 24-də davam etdiriləcək. 

İttihama görə, hadisə 2018-ci il yanvarın 22-də Bakının Qaradağ rayonu, Lökbatan qəsəbəsində baş verib. Cəlilabad rayon sakini E.Qəhrəmanlı həyat yoldaşı Günel Qəhrəmanlını boğaraq öldürüb. Qətlin qisqanclıq zəminində törədildiyi bildirilir. E.Qəhrəmanlı arvadının başqa oğlanla telefonda danışdığını eşidib. Daha sonra isə telefonda onların mesajlaşmalarını oxuyub. Bundan sonra arvadını yastıqla boğaraq qətlə yetirib.

ŞƏRH YAZ
0
BAĞLA