Orqanizm təmizlənməsinin sadə üsulu

Orqanizm təmizlənməsinin sadə üsulu
21:45
02.12.2017
2336
Maraqlı
A
Tübaj öd kisəsinin yuyulması prosesidir, çox səmərəli müalicəvi və profilaktik üsuldur. Tübaj həzmi yaxşılaşdırır, öd kisəsində olan durğunluqla mübarizə aparır, ən əsası isə öd daşlarının əmələ gəlməsinin qarşısını alır.

Ölkə.Az AZƏRTAC-a istinadən bildirir ki, tübaj etməyə qərar verərkən ilk növbədə öd kisəsində daş olmadığına əmin olmaq lazımdır, əks halda hətta çox kiçik, hətta ağrı verməyən "lal" daşlar da tübajın təsiri ilə öz yerini dəyişib öd axarını bağlaya bilər və təcili cərrahi əməliyyata ehtiyac yaranar. Ona görə də prosesdən əvvəl mütləq ultrasəs müayinəsindən keçmək və həkimlə məsləhətləşmək lazımdır. Kəskin xolesistiti, mədə və onikibarmaq bağırsağın xora xəstəliyi də tübaj üçün əks göstəriş sayılır. Həmin xəstəliklər olmayanda tübajdan istifadə etmək daha yaxşı nəticə verir.

Tübay etmək üçün axşamdan 500 ml mineral su açıq qaba tökülərək səhərə qədər saxlanılır ki, tərkibində olan qazlar çıxsın. Mineral su 40-45 dərəcəyə qədər qızdırılır, səhər tezdən acqarına iki-üç qurtum su içilərək 3-5 dəqiqə bel və sağ böyrü üstə uzanılır. Sağ böyrün qabırğaaltı nahiyəsinə dərini yandırmamaq üçün isti su ilə dəsmala bükülmüş isitqaç qoyulur. Sonra ayağa qalxıb və ya oturulu vəziyyətdə yenə də iki-üç qurtum su içilərək uzanılır. Həmin qayda ilə təxminən yarım saat ərzində yarım litr su içilir və yenə uzanılır. Tübaj nəticəsində öd qatılığı azalır, öd kisəsinin hərəkətliliyi artır, hətta ilk tübajdan sonra ağızda acılıq, gəyirmə və sağ qabırğaaltı nahiyədə ağırlıq hissi keçir.

On gündən artıq tübajı təkrar eləmək olmaz. Prosedur ikinci dəfə aparılanda həkimin məsləhəti ilə mineral suya ödqovucu vasitələrdən biri əlavə edilməlidir.

ŞƏRH YAZ
0

İbn-Sinadan xərçəngə qarşı möcüzəvi resept

İbn-Sinadan xərçəngə qarşı möcüzəvi resept
18:40
Bu gün
4153
Maraqlı
A
Dünya tibb tarixinin məşhur alimi İbn-Sinanın bir resepti üzə çıxıb.

“Ölkə.Az” xəbər verir ki, bir çox xəstəliklərin müalicəsində istifadə edilən bu resepti hazırlamaq asandır.

Nə lazımdır:

250 qram əncir qurusu;

1 litr zeytun yağı

Hazırlanması:

Əvvəlcə əncir qurusunu yuyun, süzün və xırda-xırda doğrayın. Əncirləri zeytun yağının içinə tökün və qabın ağzını bağlayın. Qabı 5 gün qaranlıq bir yerdə saxlayın. Sonra isə səhər və axşam iki dəfə istifadə edin.

Bu məhlul astma xəstələrinə çox faydalıdır. Eyni zamanda isə xərçəng xəstəliyinin qarşısını alır.

Hikmət Həsənov
Ölkə.Az

ŞƏRH YAZ
0

Neptun planetinin ən yaxşı fotosu çəkildi

Neptun planetinin ən yaxşı fotosu çəkildi
18:22
Bu gün
1991
Maraqlı
A
“VLT” rəsədxanası Neptun planetinin çox dəqiq fotosunu əldə edib.

“Ölkə.Az” xəbər verir ki, bu fotolar “Hubble” teleskopu ilə əldə edilən fotolardan keyfiyyətinə görə heç də geri qalmır.

Dünyada bir çox hündür dağlarda qurulmuş teleskopların tərkibində toz, mikrob və digər hissəciklər var. Uzun müddət alimlər bu məsələ üzərində baş sındırdıqdan sonra qərara gəldilər ki, lazer vasitəsilə daha dəqiq fotolar əldə etmək mümkün ola bilər.

Bildirilir ki, bu lazerlər atmosferin üst qatındakı müəyyən atomlarla əlaqəyə girərək onları işıqlanmağa və ulduza bənzəməyə məcbur edir. Teleskop vasitəsiə onları müşahidə edərək daha dəqiq nəticələr əldə etmək mümkündür.

Neptun planeti Yerdən 4.3 milyard kilometr məsafədə yerləşir

Hikmət Həsənov
Ölkə.Az

ŞƏRH YAZ
0
BAĞLA