Orta məktəb müəllimi İtaliyada dünya çempionu oldu — FOTO

Orta məktəb müəllimi İtaliyada dünya çempionu oldu
20:00
05.12.2019
1166
İdman
A
Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrinin müəllim və şagirdlərinin müxtəlif beynəlxalq yarışlardakı uğurları davam edir.

"Ölkə.Az" baku.ws-ə istinadən xəbər verir ki, Bakı şəhəri 306 nömrəli tam orta məktəbin idman müəllimi Sübhan Hümbətov İtaliyada Dünya Koreya Döyüş Sənətlərinə daxil olan Hapkido döyüş növü üzrə keçirilən dünya çempionatında 75 kiloqram çəki dərəcəsində I yerə çıxaraq qızıl medala layiq görülüb.

Paytaxtdakı 118 nömrəli tam orta məktəbin XI sinif şagirdi Ayxan Mansırlı Makedoniyada təşkil olunan 11-ci Avropa Karate Şotokan çempionatında 16-17 yaşlı idmançılar arasında 68 kiloqram çəki dərəcəsində II yeri, 17-18 yaşlı idmançılar arasında isə III yeri qazanıb. Bu münasibətlə şagird Dünya Şotokan Federasiyası tərəfindən gümüş və bürünc medallar, həmçinin sertifikatlarla təltif olunub.

Bakı şəhəri 151 nömrəli tam orta məktəbin IV sinif şagirdi Amin Nəsibov güləş üzrə Rusiyada keçirilən beynəlxalq turnirdə 60 kiloqram çəki dərəcəsində II dərəcəli diploma layiq görülüb.

Növbəti uğurun sahibi 191 nömrəli tam orta məktəbin VII sinif şagirdi Yusif İbrahimovdur. O, Özbəkistanda keçirilən beynəlxalq Taekvando–DO İTF idman növü üzrə açıq çempionatda 11-13 yaşlı idmançılar arasında 42 kiloqram çəki dərəcəsində III yerə layiq görülərək medal və diplomla təltif edilib.

ŞƏRH YAZ
0

Rövnəq Abdullayev növbəti dəfə namizədliyini irəli sürdü

Rövnəq Abdullayev növbəti dəfə namizədliyini irəli sürdü
21:45
Bu gün
223
İdman
A
AFFA-nın Nizamnaməsinin 41-ci maddəsinin 3-cü bəndini rəhbər tutaraq, Rövnəq Abdullayev 2020-cı il yanvarın 28-də keçiriləcək növbəti Konfransda AFFA prezidenti vəzifəsinə namizədliyini irəli sürüb.

"Ölkə.Az" xəbər verir ki, bu barədə AFFA-dan məlumat verilib.

Xatırladaq ki, Rövnəq Abdullayev ilk dəfə 2008-ci ildə, ikinci dəfə 2012-ci ildə, üçüncü dəfə isə 2016-cı ildə AFFA-nın prezidenti seçilib.

Ölkə.Az

ŞƏRH YAZ
0

Tərlan Əhmədov məğlubiyyəti şərh edib

Tərlan Əhmədov məğlubiyyəti şərh edib
19:02
Bu gün
403
İdman
A
"Keşlə"nin baş məşqçisi Tərlan Əhmədov Türkiyədə təlim-məşq toplanışı çərçivəsində Almaniyanın 3-cü Bundesliqa təmsilçisi “Zviçkau”ya 1:4 hesabı ilə uduzduqları ilk yoxlama oyununu şərh edib.

"Ölkə.Az" "klubun saytına istinadən xəbər verir ki, o, matçla bağlı deyib:

"İlk hissədə istədiyimiz oyunu görə bilməsək də, fasilədən sonra komanda pis təsir bağışlamadı. Bəzi futbolçularımız bizə yalnız burada qoşuldular və onların fiziki durumunun nə yerdə olduğunu bilmək istəyirdik. Məğlub olmağımıza baxmayaraq, komanda pis təsir bağışlamadı. Demək olar ki, bütün qolları "standart" vəziyyətlərdən sonra buraxdıq. Səhvlərin üzərində işləməliyik və Premyer Liqanın ikinci yarısının ilk qarşılaşmasına tam hazır olmalıyıq”.

ŞƏRH YAZ
0
BAĞLA