Orta Şərqdə baş verən hadisələr bizim regiona təsir etməyəcək — Politoloq rəyi

Orta Şərqdə baş verən hadisələr bizim regiona təsir etməyəcək
12:58
11.11.2017
1210
Siyasət
A
Səudiyyə Ərəbistanında başlayan həbslər silsiləsi davam edir.

Krallıqda baş verən hadisələr regiona da təsir etməyə başlayıb. 

Orta Şərqdə baş verən hadisələr və onun bizim regiona təsiri ilə bağlı politloq Adıgözəl Məmmədov Ölkə.Az-a danışıb:

"Səudiyyə Ərəbistanında baş verən hadisələri analiz etdikdə anlamaq olur ki, regionla bağlı çox ciddi layihələr var. Səudiyyə Ərəbistanı Orta Şərqin ən zəngin, ən varlı və bölgənin siyasətinə təsir edəcək bir dövlətidir. Son hadisələr göstərdi ki, Səudiyyə Ərəbistanının regiona təsirlərini əsasən Rusiya, İran və Türkiyə tərəfindən bloklaşdırdı. Körfəzdə baş verən son hadisələrə baxdıqda görərik ki, Səudiyyə Ərəbistanı Qatar hakimiyyətinə təzyiqlər, hədə-qorxular gəlsə də, sona qədər Türkiyə Qatarı meydanda tək buraxmadı. Müəyyən mənada Qatara İranın da dəstəyi oldu. İstər-istəməz Rusiya faktoru da burada mövcud idi.

Suriyada Bəşər Əsəd rejiminə qarşı Səudiyyə Ərəbistanı ilə ABŞ partniyorluq edirdilər. Orada da Səudiyyə Ərəbistanının təsir mexanizmləri bloklaşdırıldı. Səudiyyə Ərəbistanının hakim elitası belə bir qənaətə gəldi ki, ABŞ-la partniyorluq müəyyən suallar yaradır. Faktiki olaraq Orta Şərqdə ABŞ-la partniyorluq edən Səudiyyə Ərəbistanı uduzur. Səudiyyə Ərəbistanında belə bir qrup formalaşdı ki, ABŞ-la partniyorluqdan kənar da tərəfdaş tapmaq lazımdır və bu istiqamətdə addımlar atmağa başladılar. Kənar addımlar nəticəsində Səudiyyə Ərəbistanı ilə Rusiya yaxınlaşması ortaya çıxdı. Bu isə ABŞ-da böyük həyacana səbəb oldu. Faktiki olaraq ABŞ gördü ki, Orta Şərqdə yeganə dayağı olan Səudiyyə Ərəbistanı əldən çıxır. Ona görə də, Krallığa və regiona təsir etməyə başladı. Səudiyyə Ərəbistanındakı son dəyişikliklər Rusiya ilə yaxınlaşmadan sonra baş verdi. Son məlumatlara görə Səudiyyə Ərəbistanı Rusiyadan S-400 raket kompleksi almaq istəyir".

Orta Şərqdə baş verən hadisələrin bizim regiona təsir etməsi məsələsinə gəldikdə isə, politloq qeyd etdi ki, bu hadisələr bizim regiona heç bir təsir edə bilməyəcək:

"Bizim regionda əsas söz sahibi Rusiya, İran və Türkiyədir. Bu dövlətlər arasında da müəyyən məsələlərə yanaşmada ümumi bir yaxınlaşma var. Faktiki olaraq Rusiya, İran və Türkiyə Orta Şərqdə birləşiblər. Ona görə də, Orta Şərqdə baş verən hadisələrin bizim regiona gəlməsi ağıla batan deyil".

Səxavət Məmməd
Ölkə.Az

ŞƏRH YAZ
0

Azərbaycanlı deputatlar Gürcüstandakı prezident seçkilərini müşahidə edəcək

Azərbaycanlı deputatlar Gürcüstandakı prezident seçkilərini müşahidə edəcək
20:29
18.10.2018
823
Siyasət
A
"Mili Məclisin üzvləri oktyabrın 28-də Gürcüstanda keçiriləcək prezident seçkilərini müşahidə edəcəklər".

"Ölkə.Az" “Report"a istinadən xəbər verir ki, bunu jurnalistlərə Milli Məclisin üzvü, Azərbaycan-Gürcüstan parlamentlərarası dostluq qrupunun rəhbəri Əflatun Amaşov deyib.

Onun sözlərinə görə, azərbaycanlı deputatların Gürcüstana müşahidəçi kimi göndərilməsi məsələsi ilə bağlı hazırda məsləhətləşmələr aparılır.

Qeyd edək ki, qonşu ölkədəki prezident seçkilərini Azərbaycanın Mərkəzi Seçki Komissiyasının 4 nəfərdən ibarət nümayəndə heyəti də izləyəcək. 

Ölkə.Az

ŞƏRH YAZ
0

Bu nazirliyin səlahiyyətləri artırıldı — FƏRMAN

Bu nazirliyin səlahiyyətləri artırıldı
18:59
18.10.2018
894
Siyasət
A
Prezident İlham Əliyev “Azərbaycan Respublikası İqtisadiyyat Nazirliyinin fəaliyyətinin təmin edilməsi və “Azərbaycan Respublikası İqtisadi İnkişaf Nazirliyinin fəaliyyətinin təkmilləşdirilməsi ilə bağlı tədbirlər haqqında” Azərbaycan Respublikası Prezidentinin 2006-cı il 28 dekabr tarixli 504 nömrəli fərmanında dəyişikliklər edilməsi barədə” Azərbaycan Respublikası Prezidentinin 2014-cü il 20 fevral tarixli 111 nömrəli fərmanında dəyişiklik edilməsi haqqında fərman imzalayıb.

"Ölkə.Az"ın məlumatına görə, fərmanla Azərbaycan Respublikası Prezidentinin 2014-cü il 20 fevral tarixli 111 nömrəli fərmanı ilə təsdiq edilmiş “Azərbaycan Respublikasının İqtisadiyyat Nazirliyi haqqında Əsasnamə”yə aşağıdakı məzmunda 3.0.63-1-ci yarımbənd əlavə edilir:

“3.0.63-1. Azərbaycan Respublikasının Mənzil Məcəlləsinin tələblərinə idarəedici subyektlərin riayət etmələrinə nəzarəti həyata keçirmək, həmçinin çoxmənzilli binanın idarə edilməsi qaydasına uyğun olaraq sahə mülkiyyətçiləri (sakinlər) ilə müqavilələr bağlanılmasını tələb etmək, müvafiq qanunvericiliyin tələblərinə əməl olunması vəziyyətinin araşdırılması üçün mənzil münasibətlərinin iştirakçılarından məlumatlar almaq, onları təhlil etmək, habelə bu yarımbənddə qeyd edilən məsələlərə dair daxil olmuş müraciətlər üzrə zəruri tədbirlər görmək;”.

Nazirlər Kabineti hüquqi nəticə yaradan hərəkətləri dövlətin adından həyata keçirən, Azərbaycan Respublikası Prezidentinin yaratdığı publik hüquqi şəxsin (statusu Azərbaycan Respublikasının qanunu ilə müəyyən edilən, habelə dövlət orqanlarının strukturuna daxil olmayan tabeliyindəki publik hüquqi şəxslər istisna olmaqla) işlər görülməsindən və xidmət göstərilməsindən əldə etdiyi vəsaitin (o cümlədən tutulan xidmət haqlarının) həmin publik hüquqi şəxsin sərəncamında qalan hissəsindən istifadə qaydasını, Azərbaycan Respublikasının Prezidenti ilə razılaşdırmaqla, üç ay müddətində müəyyən etməlidir.

ŞƏRH YAZ
0
BAĞLA