Orucluqda ağızdan pis qoxu gəlməmək üçün nə etməli? — FAYDALI MƏSLƏHƏTLƏR

Orucluqda ağızdan pis qoxu gəlməmək üçün nə etməli?
16:24
24.05.2018
7906
Maraqlı
A
Ramazan ayında uzun müddət ac qalmaq və gün ərzində maye qəbul etməmək ağızdan pis qoxu gəlməsinə səbəb ola bilər.

“Ölkə.Az” xəbər verir ki, bu qoxunun qarşısını almaq üçün aşağıdakılara əməl etmək lazımdır.

Ağız qoxusuna səbəb çürük diş və diş əti problemi ola bilər. Bu qoxunun ən böyük səbəbi dişlərdə və ağız boşluğunda bakteriya artıqlarının birləşmələrindən yaranır. Ramazanda isə uzun müddət ac qalmaq bu qoxunu artırır. Bundan başqa  həzm sistemi, badamcıqlar, farengit və ciyər problemləri də ağız qoxusuna səbəb ola bilər.

 

Sahurdan sonra ağız sağlamlığına diqqət edin

Oruc tutanda qidalanma prosesi tamamilə dəyişir və insan uzun müddət ac və susuz qalır. Ac qalanda isə ağızda bakteriyalar çoxalır, diş çürükləri artır. Sahurdan sonra dişləri diqqətlə təmizləyin, bu bakteriyaları azaldır.

 

Diş fırçası və ipdən istifadə edin
Yeməkdən həmən sonra dişi fırçalamaq əvəzinə, bir saat sonra dişləri fırçalayın. Bakteriyalar azalır. Eyni zamanda diş ipindən də istifadə etmək bakteriyaların azalmasına səbəb olur.

 


Stress ağız qoxusuna səbəb ola bilər
Qoxunun qarşısını almaq üçün diş əti xəstəlikləri, çürük diş, qoyulmaq dişləri yoxlatdırmaq lazımdır. Bundan başqa stress ağız suyunun azalmasına, bu isə ağız qoxusuna səbəb ola bilər. Stress orqanizmlə yanaşı diş və ağıza da ziyan vurur.

 


 

Ədəvalı yeməklərdən uzaq durun
Ədəvalı yeməklər ağız quruluğuna səbəb olur. Bundan başqa ədəva tər və nəfəs yolu ilə ifraz olunur. Bu isə pis ağız qoxusunu artırır. 

 

Bir bardaq çay əvəzinə bir dilim meyvə

Sahurda istifadə edilən çay və qəhvə, ədəvalı qidalar ağız quruluğunun artmasına səbəb olur. Bunların əvəzinə  təzə sıxılmış meyvə suyu, meyvə-səbzə və taxıllı qidalar istifadə etmək məsləhət görülür. Belə qidalar ağız suyunu sürətləndirir.

 

 

 

Süd məshullarından çox istifadə etməyin

İstifadə edilən qidalar ağız qoxusu ilə əlaqəlidir. Süd məhsulları bir çox halda ağız qoxusuna səbəb olur. Tox saxladığı üçün sahurda qəbul edilən pendir və yumurta ağız qoxusuna səbəb olur. Pomidor kimi tərkibində su miqdarı çox olan tərəvəzlər ağız qoxusunun azalmasına səbəb olur.

Başqa məsləhətlər

1.Ağız quruluğu ağız qoxusunun artmasına səbəb olur. Gün ərzində ağzınızı su ilə yaxalayın;

2.Ağız təmizliyinə diqqət göstərin. Dişləri və dili təmiz saxlayın;

3.Sarımsaq və soğan kimi qoxunu artıran qidaları çiy qəbul etməyin;

4.Enerji içkilərindən uzaq durun;

5.Loxmaları mümkün qədər çox çeynəyin;

6.Ət və ət məhsullarından çox istifadə etməyin.

Hikmət Həsənov
Ölkə.Az

ŞƏRH YAZ
0

26 yaşı var, amma 17 kiloqramdır — Minlərlə insan onu sağaltmaq üçün bir araya gəldi

26 yaşı var, amma 17 kiloqramdır
01:28
Bu gün
2591
Maraqlı
A
Kristina Karyagina adlı rus qadın anoreksiya xəstəliyindən əziyyət çəkir.

“Ölkə.Az” xəbər verir ki, xəstəlik səbəbindən qadın 26 yaşı olmasına baxmayaraq 17 kiloqramdır. Yeməkdən imtina etdiyi üçün təhlükəli dərəcədə arıq olan Karyaginaya müalicə olunmazsa 1 il ərzində ölə biləcəyi deyilib. Həkimlər onun çəkisinin 4 yaşlı uşaqla eyni, bunun səbəbinin isə normal yemək yeməkdən imtina etməsi olduğunu açıqlayıblar. 

Alma və banan parçalarından başqa heç nə yeməyən qadın məşhur TV ulduzu və sosial media fenomeni olan, eyni zamanda keçmiş anoreksiya xəstəsi olan Miss Kokhnonun onun barəsindıə paylaşım etməsiylə məşhurlaşıb. İnstagramda 520 min izləyiciyə sahib olan Maria Kokhno çox gec olmadan Karyaginanın müalicəyə başlaması üçün kampaniyaya start verib.

Müalicə üçün getdiyi həkim qadına “Qorxu filmində meyit rolu oynaya bilərsən” deyib, lakin ona durumunu gülərək qarşılamasını və özünə güvənərsə, bunun öhdəsindən gələ biləcəyini bildirib. 
Müalicəsi başladılan Karyagina ikinci günündə banan və almadan başqa bir şey yeyə bilib. Hazırda gənc qadının müalicəsinin irəliləməsi və vəziyyətinin daha da düzəlməsi gözlənilir.

Ölkə.Az

ŞƏRH YAZ
0

Qeyri-adi, heyrətamiz hadisələr baş verəcək

Qeyri-adi, heyrətamiz hadisələr baş verəcək
01:13
Bu gün
1962
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - Günün birinci yarısı aldığınız xoşagəlməz xəbər sizi çaşdıracaq və səhv qərar qəbul etməyinizə səbəb olacaq. Ağlınızı başınıza yığın, soyuqqanlı olun, yoxsa bu şəraitdən çıxmaq çətin olacaq.

Cari məsələlərin həlli üçün münasib gündür. Darıxmağa vaxtınız yoxdur, çünki problemlər müntəzəm olaraq peyda olacaq. Qeyri-standart situasiyalarda isə inandığınız bir şəxsin məsləhətlərindən istifadə edin. Bir çox Qoçlar üçün belə şəxs ya sevgililəri, ya da yaxın qohumları ola bilər.

Buğa - Günün emosional fonu gərgindir, siz əsəbi və narahatsınız. Ətrafınızdakılarla ümumi dil tapmaq çətindir, ailə üzvləri və yaxınlarınızla fikir ayrılığı yaranır. İnsanlar sizə nə qədər çox maraq göstərirlərsə, bir o qədər çox əsəbləşirsiniz. Sərbəstlik və azadlıq istəyi çoxalır və bu hisslər bir çox Buğaları düşünülməmiş addımlar atmağa vadar edir. Köhnə əlaqələrin qırılması ehtimalı var, özünüzə ən yaxın bildiyiniz biriylə də qarşılıqlı anlaşma itə bilər.

Sövdələşmələr, irihəcmli müqavilələrin bağlanması üçün uyğun gündür. Əntiq mallar, zərgərlik əşyaları ala bilərsiniz.

Əkizlər - Bu gün sürpriz qonaqlıqlar günüdür. Olsun ki, heç gözləmədiyiniz adamlar sizə qonaq gəlsinlər, yaxud da siz kimisə yoluxmağa qərar verəsiniz. Rahat, qeyri-formal şəraitdə istənilən problemi, istirahət planlarından tutmuş biznes-layihələrədək bir çox məsələni müzakirə edə bilərsiniz. İdeyalarınız nə qədər cəsarətlidirsə, başqalarının təqdirini qazanmaq şansları da bir o qədər çoxdur.

Başqa insanları da diqqətdən kənarda saxlamaq istəmirsiniz. Bir çox Əkizlərdə başqalarına yardım etmək həvəsi güclənəcək. İctimai və siyasi fəaliyyətə maraq da artacaq.

Xərçəng - İstənilən iş bu gün faydalı olacaq. İntellektual potensialınız yüksəkdir. Bu, ən mürəkkəb məsələləri həll etməkdə sizə kömək edəcək. Siz şəksiz lidersiniz, bunu bu gün görüşəcəyiniz bütün şəxslər sezərək qiymətləndirəcəklər. Özünüzə həmfikir ordusu toplayaraq hansısa yaradıcı layihənin gerçəkləşdirilməsinə başlaya bilərsiniz.

Şəxsi həyatında dəyişiklik etmək istəyən Xərçənglərin bu gün xoşuna gələcək. Arzuların həyata keçməsi üçün xüsusi bir şey etmək lazım deyil - uğur özü qarşınıza gəlir. Bir çox Xərçənglər bu gün düşünülməmiş, amma yerində və düzgün qərar verəcəklər.

Şir - Qeyri-adi, heyrətamiz hadisələr baş verəcək. Həyat tamamilə başqa bir axarla davam edir və bundan qorxmaq lazım deyil. Öz intuisiyanıza güvənin, məhz o, sizə dəyişikliklərə necə uyğunlaşmağı diktə edəcək. Bir dəqiqə də olsun, özünüzə inamınızı itirməyin. O, nəinki sizə uğur gətirəcək, həmçinin qarşı cinsin nümayəndəsinin diqqətini də cəlb edəcək.

Şirlərin əksəriyyəti bu gün yeni eşqə düşəcək. Ehtiraslı və başgicəlləndirən roman yaddaqalan olacaq. Təsadüfi deyil: Şirlər macəra ovuna çıxıblar, ovları da öz ayaqları ilə hüzurlarına gəlir.

Qız - Maliyyə problemləri mümkünür. Düzdür, çox pul itirməyəcəksiniz, amma onlar lazım olan anda əlinizdə olmayacaq. Ola bilər ki, uğursuz alış-veriş edəsiniz.

Həyatınızda gözlənilməz dəyişikliklər baş verir, hadisələrin adi axarı dəyişir, yoxlanılmış üsullar artıq kara gəlmir. Təcili nəsə yeni bir çıxış yolu tapmalısınız, amma siz çaşqınlıq içərisindəsiniz və yaxşı ideyalar bu gün ağlınıza gəlmir. Sizin bütün həyatınızdan xəbəri olan bir şəxslə məsləhətləşməyiniz vacibdir.

Tərəzi - İntellektual işlər, mürəkkəb məsələlərin həlli üçün münasib gündür. Komandada iş çox məhsuldar olacaq, tərəfdaşlarınızın köməyindən istifadə edərək istənilən problemi vaxtında həll edə biləcəksiniz. Keçmiş dostunuzla əlaqələrinizi bərpa edə, yaxud rəğbət bəslədiyiniz biriylə ümumi dil tapa bilərsiniz.

Elektrik alətlər və mürəkkəb mexanizmlərə yaxın durmayın: zədə almaq riskiniz çox yüksəkdir. Səfərə gedə bilərsiniz, amma öncədən onu yaxşıca planlaşdırın. Yalnız uğura arxayın olmayın.

Əqrəb - Təşkilati işləri yoluna qoyun. Təntənəli və əyləncəli tədbirlərin planını hazırlaya bilərsiniz: asudə vaxtı keçirmək üçün orijinal üsullar tapacaqsınız. Eyni zamanda maliyyə vəziyyətiniz də qənaətbəxşdir, müsbət emosiyalar üçün pul sərf etməyə dəyər.

Bəzi məsələləri isə bu gün müzakirə etmək heç lazım deyil: şəxsi əmlaka dair problemləri, əmlak bölgüsünü, vergilərin və ya alimentin ödənilməsini gündəminizdən çıxarın.

Oxatan - Ciddi emosional problemlər yaşayacaqsınız. Özünüzlə bacara bilmirsiniz, yaxın adamlarınız, xüsusən də qadınlar odun üzərinə yağ tökməklə şəraiti daha da gərginləşdirirlər. Onların qeydləri sizə çox acı, yersiz və ədəbsiz görünür. Ümumiyyətlə, heç sizin öz sözlərinizi də nəzakətli adlandırmaq çətindir.

Ev işləri çox vaxt alır. Üstəlik, nə qədər çox adam sizə kömək edirsə, o işi sona çatdırmaq bir o qədər çətin olur. Odur ki, tək işləməyə üstünlük verin, bu, daha səmərəli olacaq. Enerjiniz çoxdur, yorulmaqdan qorxmayın.

Oğlaq - Bu gün yaman mərhəmətlisiniz, kiməsə kömək etmək, xeyriyyəçilik aksiyalarına qatılmaq, sosial problemləri həll etmək həvəsindəsiniz. İctimai və siyasi fəaliyyətə marağınız artır, bu gün bu istiqamətdə öz gücünüzü sınaya bilərsiniz.

Qadınlarla sıx təmaslardan çəkinin. Onların qədərindən artıq emosionallığı sizə gərək deyil.

Kişilərlə ünsiyyət daha xoş və daha məhsuldar olacaq. Mürəkkəb məişət texnikası, kompüter, mobil avadanlıqlar almaq istəyirdinizsə, bu gün belə alış-veriş üçün münasib gündür.

Dolça - Bu gün intuisiyanız sizi darda qoymayacaq. Bəzi Dolçalar isə özlərində ekstrasens qabiliyyətləri aşkar edəcək və buna heyrətlənəcəklər. Unutmayın: bu gün baş verən bütün hadisələrə xüsusi diqqət yetirmək lazımdır. İstənilən xırdalıq hadisələrin sonrakı gedişatına güclü təsir edə bilər.

İnsanlarla ünsiyyət zamanı onlarda xoş təəssürat yaradırsınız. Ziyafətlərdə, kütləvi tədbirlərdə iştirak edə bilərsiniz, bunlar əla keçəcək. Hədiyyə və pul gözləyin.

Balıqlar - Faydalı müzakirələr günüdür. Sizə deyilən hər kəlməni yadda saxlamağa çalışın: bu gün sizə vecsiz, adi görünən məlumat, əslində, çox vacibdir. Şou-biznes və yaradıcılıqla məşğul olan Balıqlar üçün gün xüsusilə uğurludur.

Bu gün alış-verişə çıxın. Al-əlvan, qeyri-adi əşyalara diqqət yetirin, onların hər biri sizin üçün talismana çevrilə bilər. Maliyyə vəziyyətiniz sabitdir.

Ölkə.Az

ŞƏRH YAZ
0
BAĞLA