Osmanlı xanədanının sonuncu rəisi dəfn edildi
Osmanlı İmperiyasının 31-ci padşahı Sultan Əbdülməcid Xanın üçüncü nəsil nəvəsi Osman Bəyazid Osmanoğlu Nyu-Yorkda dəfn edilib.
Ölkə.Az xəbər verir ki, Osman Bəyazid Osmanoğlu 93 yaşında vəfat edib.
Bruklinin Eyüp Sultan məscidində qılınan cənazə namazından sonra Osmanın cənazəsi Vaşinqton Memorial Park qəbiristanlığında dəfn edilib. 2009-cu ilin sentyabr ayında İstanbulda Osman Ertuğrul Əfəndi vəfat etmişdi. Bundan sonra Osman Beyazid xanədan rəisi olmuşdu.
Cənazə namazında Osman Ertuğrulun həyat yoldaşı Zeyneb Osman və bəzi ailə fərdləri iştirak edib. Bundan başqa Osmanın işlədiyi kitabxanadakı dostları və türk cəmiyyətinin üzvləri də iştirak edib.
Dostları arasında "Mr.Bey" adlandırılan Osmanoğlu uzun illər Nyu-York kitabxanasında işləyib.
Xanədanın yeni rəisi Suriyanın Şam şəhərində yaşayan Dündar Efendi olacaq.
Hikmət
Ölkə.Az
