Ot daşıyan maşın dərəyə aşdı, ölən və yaralanan var — FOTO

Ot daşıyan maşın dərəyə aşdı, ölən və yaralanan var
00:08
13.06.2019
2553
Hadisə
A
Yardımlıda yük avtomobilinin aşması sərnişinin ölümünə səbəb olub.

Yardımlıda yük avtomobilinin aşması sərnişinin ölümünə səbəb olub.

Oxu.Az-ın bölgə müxbirinin xəbərinə görə, hadisə rayonunun Horonu kəndində baş verib. Köryədi kənd sakini, 27 yaşlı Əbişov Ceyhun Cavanşir oğlu “KAMAZ” markalı yük avtomobili ilə ot bağlamaları yığan zaman idarəetməni itirib. Dərəyə düşən avtomobildəki sərnişin - rayonun Arvana kənd sakini, 41 yaşlı Həsənov Namik Mirhəsən oğlu aldığı xəsarətlərdən yerindəcə vəfat edib.

Həmin kəndin digər sakini, 18 yaşlı sərnişin Həsənov Rafiz İbrahim oğlu isə qarnının küt travması, qaraciyər zədələnməsi, sağ dirsək oynağının açıq yerdəyişən sınığı diaqnozu ilə Masallı Rayon Mərkəzi Xəstəxanasının reanimasiya şöbəsinə yerləşdirilib. Yaralının vəziyyəti ağır qiymətləndirilir. 

Faktla bağlı araşdırma aparılır.

ŞƏRH YAZ
0

Bakıda 3 uşaq anasının öldüyü qəzadan dəhşətli GÖRÜNTÜLƏR — ANBAAN VİDEO

Bakıda 3 uşaq anasının öldüyü qəzadan dəhşətli GÖRÜNTÜLƏR
13:30
Bu gün
838
Hadisə
A
Bakının mərkəzində - Zərifə Əliyeva küçəsi ilə Səməd Vurğun küçəsinin kəsişməsində, Muzey Mərkəzi binasının arxasında yol-nəqliyyat hadisəsi baş vermişdi.

"Ölkə.Az" avtosfer.az-a istinadən xəbər verir ki, "Hyundai Tucson” markalı avtomobilin sürücüsü idarəetməni itirib və nəticədə maşın ağaca çırpılıb. 40 yaşlı Könül Abbaslı hadisə yerində ölüb.

Avtomobilin sükanı arxasında K.Abbaslının dayısının həyat yoldaşı olub. Maşında cəmi dörd nəfər olub. Üç nəfər Kliniki Tibbi Mərkəzin reanimasiya şöbəsinə yerləşdirilib.

Qeyd edək ki, ölən qadın üç uşaq anasıdır. 

Ölkə.Az

ŞƏRH YAZ
0

Yardımlıdakı meşə yanğınları barədə — SON MƏLUMAT - VİDEO

Yardımlıdakı meşə yanğınları barədə
11:43
Bu gün
865
Hadisə
A
Yardımlıdakı meşə yanğınlarına FHN-nin helikopteri cəlb olunub.

Ekologiya və Təbii Sərvətlər Nazirliyindən “Ölkə.Az”a bildirilib ki, avqustun 21-də gecə saatlarında Yardımlı rayonunun Ləzir kəndi yaxınlığında çətin keçilən yüksək dağlıq meşə ərazisində baş verən yanğın Ekologiya və Təbii Sərvətlər Nazirliyinin yerli qurumlarının, Fövqəladə Hallar Nazirliyinin yanğından mühafizə xidmətinin əməkdaşlarının və yerli əhalinin səyləri nəticəsində əsasən əl əməyindən istifadə olunmaqla  ətrafa yayılmasının qarşısı alınıb. 

Buna baxmayaraq,  yanğın baş verən ərazi çox mürəkkəb coğrafi relyefə,  hündür. Sərt keçilməz yamac  olduğundan yanğınsöndürən maşınların əraziyə qalxması mümkün olmayıb. Artıq bu gün səhərdən etibarən yanğının söndürülməsi üçün əraziyə FHN-nin aviasiya dəstəsinin helikopteri də cəlb olunub. Hazırda tüstülənən sahələrin tam söndürülməsi istiqamətində işlər davam etdirilir.

Qeyd edək ki, son günlərdə Yardımlının digər ərazilərində də meşə yanğınları olub. Bir neçə gün öncə “Böyük Avaraq” deyilə ərazidə meşə massivində yanğın baş vermişdi. 

Ölkə.Az

ŞƏRH YAZ
0
BAĞLA