Otelə gətirdiyi fahişə ilə pul üstündə mübahisə etdi, bıçaqla qətlə yetirdi
“Ölkə.Az”ın məlumatına görə, saxlanılan Nəriman Əliyev Pirşağı qəsəbəsində yerləşən “Qala” klubda dincələn zaman yüngül həyat tərzi keçirən Aysel Orucova ilə tanış olub. Gənclər bu tanışlıqlarını oteldə dincəlməklə davam etdiriblər. Belə ki, axşam saat 22 radələrində otelə gələn cütlük cinsi əlaqədə olduqdan sonra pul üstündə aralarında mübahisə düşüb. Nəticədə N. Əliyev Ayseli qətlə yetirərək qızın çantasında olan pul və qiymətli əşyaları götürərək aradan çıxıb.
Qeyd edək ki, otelin administratoru qızın qətlə yetirilməsi barədə məlumatı səhər saatlarında alıb.
Hadisəni törədən şəxsə gəldikdə isə, əvvəllər ölümə cəhd maddəsi ilə məhkumluq həyatı yaşayan N. Əliyev gecə saatlarında Ləhic bağlarında mühafizəçi işlədiyi evə gedib. Hüquq-mühafizə orqanlarının isti izlərlə keçirdikləri əməliyyat-axtarış tədbirləri nəticəsində Kürdəmir rayon sakini Nəriman Əliyev saxlanılaraq rayon prokurorluğuna təhvil verilib.
