Ötən il Azərbaycanda 500-dən çox onkoloji xəstəyə erkən diaqnoz qoyulub

"Ölkə.Az" “Report”a istinadən xəbər verir ki, bunu Milli Onkologiya Mərkəzinin Nüvə Təbabəti Mərkəzinin direktoru Fuad Novruzov deyib.

Onun sözlərinə görə, ötən ildən fəaliyyətə başlayan Nüvə Təbabəti Mərkəzində prostat xərçəngi, neyroendokrin, kardioloji problemi olan xəstələrin müalicəsi yaxşılaşdırılıb və uyğun müalicə tədbirləri görülüb.

F.Novruzov bildirib ki, çox nadir rast gəlinən neyroendokrin törəmələr qeyri-spesifik və qarışıq simptomatikaya malik olduğundan onun diaqnostikası və müalicəsi yanlış nəticələrə səbəb olur: “Nadir rast gəlinən xəstəliklərin erkən diaqnozunun qoyulması və müalicə tədbirlərinin görülməsi üçün birgə qərarların verilməsi, əhalinin maarifləndirilməsi işləri görülür”.

Ölkə.Az