Ötən il Naftalana dünyanın 62 ölkəsindən turist gəlib

Ötən il Naftalana dünyanın 62 ölkəsindən turist gəlib
20:00
15.03.2018
2710
Mədəniyyət
A
Bu gün Naftalan şəhərindəki Heydər Əliyev Mərkəzində mədəniyyət və turizm naziri Əbülfəs Qarayevin sədrliyi ilə Azərbaycanda sağlamlıq turizminin inkişaf etdirilməsinə həsr olunmuş iclas keçirilib.

Mədəniyyət və Turizm Nazirliyindən "Ölkə.Az"a verilən məlumata görə, tədbirdə Turizm Şurasının Sağlamlıq turizmi üzrə işçi qrupunun üzvləri, ölkənin sağlamlıq turizmi sektorunun nümayəndələri iştirak ediblər.

İclasda giriş sözü söyləyən Naftalan Şəhər İcra Hakimiyyətinin başçısı Natiq Aslanov şəhərin turizm potensialı haqqında məlumat verərək bildirib ki, sağlamlıq turizmi sahəsində geniş tanınan Naftalan nefti ilə müalicə son illər daha da məşhurlaşmaqdadır. Bu da şəhərə gələn xarici turistlərin sayının ildən-ilə artmasına öz təsirini göstərir. Hazırda Naftalanda üçü 5 ulduzlu olmaqla 10 sanatoriya fəaliyyət göstərir. 2017-ci ildə şəhərə 36 minə yaxın turist gəlib ki, onların da 7 mindən çoxu dünyanın 62 ölkəsinin vətəndaşı olub.

Ə.Qarayev isə digər turizm növləri kimi, sağlamlıq turizminin də böyük potensialının olduğunu bildirərək qeyd edib ki, bu turizm növünün inkişafı etdirilməsinə Strateji Yol Xəritəsində də xüsusi yer ayrılıb. Sənədin müvafiq bəndlərinin icrası üçün Turizm Şurası tərkibində Sağlamlıq turizmi üzrə işçi qrupu (eləcə də Naftalan üzrə neft-tədqiqat qrupu) yaradılıb. Turizm Şurasının qərarına əsasən, Mədəniyyət və Turizm Nazirliyinin, AMEA-nın akademik Yusif Məmmədəliyev adına Neft-Kimya Prosesləri İnstitutunun, akademik A.Qarayev adına Fiziologiya İnstitutunun, Azərbaycan Həmkarlar İttifaqları Konfederasiyasının “Kurort” Səhmdar Cəmiyyətinin, İqtisadiyyat, Ekologiya və Təbii Sərvətlər, Səhiyyə Nazirliklərinin, Sahibkarlığa Kömək Milli Fondunun, Azərbaycanda İxracın və İnvestisiyaların Təşviqi Fondunun, Naftalan Şəhər İcra Hakimiyyətinin, Milli Turizm Təbliğat Bürosunun və Azərbaycan Sağlamlıq və Termal Turizminə Dəstək Assosiasiyasının nümayəndələrindən ibarət işçi qrupunun tərkibi təsdiq olunub.

Nazirin sözlərinə görə, Azərbaycanda sağlamlıq turizminin, xüsusi ilə Naftalan nefti ilə müalicə üsullarının zəngin ənənələri var: "Hazırda ölkəmizdə sağlamlıq turizmi yeni inkişaf dövrünü yaşayır. Naftalanda, Qalaaltıda, Qəbələdə, Naxçıvanda və Lənkəranda yeni infrastruktur yaradılıb".

Ə.Qarayev həmin turizm mərkəzlərində göstərilən xidmətlərin keyfiyyət və kəmiyyətinin artırılmasının vacibliyini qeyd edib. O bildirdi ki, yaxın şəhər və rayonlara ekskursiyaların təşkili, turistlərin asudə vaxtının səmərəli keçirilməsi də xüsusi önəm daşıyır. Bu, turizm müəssisələrinə əlavə gəlir gətirməklə yanaşı, həm də ölkəmizin mədəniyyətinin və tarixi məkanlarının təbliğinə xidmət etmiş olacaq.

Diqqətə çatdırılıb ki, Mədəniyyət və Turizm Nazirliyi 2018-2020-ci illər üçün “Sağlamlıq turizminin inkişafına dair Fəaliyyət planı”nın layihəsi hazırlayıb. Azərbaycan Turizm Şurasının müvafiq qərarına əsasən, ilkin mərhələdə beynəlxalq təcrübənin öyrənilməsi və Azərbaycanın sağlamlıq turizmi imkanlarının iqtisadi səmərəliliyi barədə təhlillərin hazırlanması, daha sonra isə Fəaliyyət planının üzərində iş aparılması nəzərdə tutulur.

Qalaaltı, Naftalan və Duzdağda yenidənqurma işlərindən işlərdən danışan nazir əlavə etdi ki, Naftalan neftinin beynəlxalq sertifikatlaşdırmadan keçməsi prosesinin sürətləndirilməsi istiqamətində müvafiq tədbirlər görülür. Eləcə də Qalaaltı və Duzdağ üzrə müvafiq beynəlxalq sertifikatların əldə olunması istiqamətində işlər həyata keçirilir. Beynəlxalq sertifikatlar ölkənin bu sahədə imkanlarının daha geniş miqyasda tanınmasına və xaricdən turist axınına təkan verəcək.

Bildirilib ki, Avropa Tarixi Termal Şəhərlər Assosiasiyanın (EHTTA) “Termal Şəhərlər” beynəlxalq mədəni marşrutu çərçivəsində Qalaaltı kurortu 2016-cı ildə bu beynəlxalq təşkilata bərabərhüquqlu üzv seçilib. 2018-ci ilin may ayında EHTTA-nın növbəti Baş assambleyası Qalaaltıda keçiriləcək.

AMEA-nın akademik Yusif Məmmədəliyev adına Neft-Kimya Prosesləri İnstitutunun direktoru, akademik Vaqif Abbasov Naftalan neftinin institutda tədqiq olunması, nəticələri və müalicə əhəmiyyəti barədə çıxış edib. Akademik Naftalan neftinin tərkibi, onun müalicəvi əhəmiyyəti haqqında geniş məlumat verib.

Azərbaycan Həmkarlar İttifaqları Konfederasiyasının “Kurort” Səhmdar Cəmiyyətinin prezidenti Abil Ağasiyev Azərbaycanın sağlamlıq turizminin imkanları, o cümlədən Qalaaltı, Naftalan və Duzdağın potensialı barədə geniş məruzə edib.

Azərbaycan Sağlamlıq və Termal Turizminə Dəstək Assosiasiyasının sədri Ruslan Quliyev ölkəmizin bu sahədə imkanlarının təşviq olunması, beynəlxalq aləmdə tanıdılması ilə bağlı görülən işlər haqqında danışıb.

Tədbir daha sonra fikir mübadiləsi ilə davam edib, müxtəlif təkliflər səsləndirilib.

ŞƏRH YAZ
0

“8 uşaq atasız böyümüşük” — Əməkdar artist - VİDEO

“8 uşaq atasız böyümüşük”
14:38
Bu gün
80
Mədəniyyət
A
ARB TV-nin “Səhər-Səhər” verlişinin növbəti qonağı əməkdar artist Zakir Əliyev olub.

“Ölkə.Az” xəbər verir ki, əməkdar artist cavan yaşlarında atasını itirdiyindən söz açıb:

“Atam yox, anam var idi. Atam mən 13 yaşında olanda rəhmətə gedib. Mən böyük qardaşımgildə qalırdım. O, Bakıda olurdu. Atasız 8 uşaq böyümüşük. Allah bizim hamımızı yerbəyer edib. Bizdə sənət adamı olmayıb. Qardaşım 8 nömrəli internat evində tar dərsinə gedib. Amma sonra sənətini davam etdirməyib. ”.

ŞƏRH YAZ
0

Bakıda caz festivalı başladı

Bakıda caz festivalı başladı
22:49
14.10.2018
171
Mədəniyyət
A
“Electra Events Hall”da Beynəlxalq Caz Festivalının açılışı münasibətilə tanınmış Britaniya soul-ifaçısı və bəstəkar Omar Lye-Fukun konserti olub.

"Ölkə.Az" AzərTac-a istinadən xəbər verir ki, müxtəlif müsabiqə və festivalların iştirakçısı olan Omar Lye-Fuku ifası tamaşaçılar tərəfindən maraqla qarşılanıb. İfaçını caz janrının Britaniya neo-soul istiqamətinin “atası” adlandırırlar.

Xatırladaq ki, oktyabrın 28-dək davam edəcək festival Mədəniyyət Nazirliyi və “Caz dünyası” jurnalının təşkilati dəstəyi ilə keçirilir.

Festival çərçivəsində oktyabrın 15-də Beynəlxalq Muğam Mərkəzində hazırda xaricdə yaşayan məşhur bakılılar – populyar pianoçu Leonid Ptaşka və virtuoz gitaraçı Həsən Bağırov çıxış edəcək. “Rotunda Jazz Club (Landmark)” səhnəsində 14 ölkədən gəlmiş qruplar cazın müxtəlif janrlarında öz ustalıqlarını nümayiş etdirəcəklər: Əfqan Rəsul, Elvin Bəşirov, Nurlan Abdullazadə (Azərbaycan), Laura Poldvere (Estoniya), Jan-Kristof Şoletin triosu (Fransa), “Music, music, music” qrupu (İsveç), Uv Steinmetz (Almaniya), Can Cankaya və Kaqan Yıldız (Türkiyə), Martin Saleminin triosu (Belçika), Xelqe Leinin triosu (Norveç), “Kodaly Spicy Jazz” qrupu (Macarıstan), Mişel Pippokuino (Braziliya), Ruben Xainin triosu (Hollandiya), Qreqori Maret – Kristi Daşel qrupu (ABŞ), habelə Norveç caz orkestri açıq məkanda çıxış edəcək. Axşam konsertlərindən sonra adlı-sanlı cazmenlərin və gənc ifaçıların iştirakı ilə cem-seyşnlər təşkil olunacaq.

Ənənəvi olaraq gənc caz ifaçılarının beynəlxalq müsabiqəsi keçiriləcək, rəssam Cəmalə Rəhmanlının “Azərbaycan caz qüllələri” sərgisi, kino tənqidçisi Ülvi Mehdinin “Caz janrının klassikası” təqdimatı olacaq və kinoprokat yenilikləri barədə məlumat veriləcək.

Ölkə.Az

ŞƏRH YAZ
1
BAĞLA