Ötən il SOCAR-da orta aylıq əmək haqqı 8% artıb

Ötən il SOCAR-da orta aylıq əmək haqqı 8% artıb
16:01
06.11.2019
775
İqtisadiyyat
A
2018-ci ildə Azərbaycan Dövlət Neft Şirkəti (SOCAR) üzrə cəmi hesablanmış əmək haqqı və digər ödənişlər 682,15 mln. manat təşkil edib.

"Ölkə.Az" report-a istinadla xəbər verir ki, bu barədə şirkətin 2018-ci il üzrə illik hesabatında qeyd edilib.

Hesabat əsasən, bu da 2017-ci il ilə (628,14 mln. manat) müqayisədə 54 mln manat və ya 8,6% çoxdur. 2018-ci ildə işçilərə cəmi hesablanmış əmək haqqı və digər ödənişlərin tərkibində vəzifə (tarif) maaşlarının məbləği 345,15 mln. manat və ya əmək haqqı fondunda xüsusi çəkisi 51% təşkil edib.

2018-ci ildə Şirkət üzrə işçilərin orta aylıq əmək haqqı 1 121,65 manat təşkil edib ki, bu da 2017- ci il ilə (1 037,30 manat) müqayısədə 84,34 manat və ya 8,13% artıb.

ŞƏRH YAZ
0

Bu mallar idxal gömrük rüsumundan azad edilib

Bu mallar idxal gömrük rüsumundan azad edilib
04:05
Bu gün
473
İqtisadiyyat
A
Azərbaycana sənaye yığımı məqsədilə velosipedlər üçün ölkəyə gətirilən mallar və ehtiyat hissələri 15 faiz idxal gömrük rüsumundan azad edilib.

"Ölkə.Az" oxu.az-a istinadən xəbər verir ki, Nazirlər Kabineti bununla bağlı “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edib.

 Qərar dərc edildiyi gündən 30 gün sonra qüvvəyə minir və 1 il müddətində qüvvədə qalacaq.

ŞƏRH YAZ
0

Əhali 11 ayda ərzağa 17,4 milyard xərcləyib

Əhali 11 ayda ərzağa 17,4 milyard xərcləyib
20:00
13.12.2019
445
İqtisadiyyat
A
Yanvar-noyabr aylarında pərakəndə ticarət şəbəkəsində satılmış məhsulların dəyəri əvvəlki ilin eyni dövrünün səviyyəsini müqayisəli qiymətlərlə 3,5 faiz üstələyərək 34,4 milyard manata bərabər olub.

Dövlət Statistika Komitəsindən "Ölkə.Az"a verilən məlumata görə, ticarət dövriyyəsinin 17,4 milyard manatını ərzaq məhsulları, içkilər və tütün məmulatları, 17 milyard manatını qeyri-ərzaq məhsulları təşkil edib və satılmış məhsulların dəyəri ötən ilin yanvar-noyabr aylarına nisbətən real ifadədə müvafiq olaraq 3,1 faiz və 3,9 faiz artıb.

Hesabat dövründə alıcıların son istehlak məqsədilə aldıqları mallara xərclədiyi vəsaitin 45,9 faizi ərzaq məhsullarının, 4,7 faizi içkilər və tütün məmulatlarının, 18,4 faizi toxuculuq məhsulları, geyim və ayaqqabıların, 6,1 faizi elektrik malları və mebellərin, 5,6 faizi avtomobil yanacağının, 1,3 faizi əczaçılıq və tibbi malların, 0,8 faizi kompüterlər, telekommunikasiya avadanlıqları və çap məhsullarının, 17,2 faizi isə digər qeyri-ərzaq məhsullarının alınmasına sərf olunub.

Yanvar-noyabr aylarında istehlak məhsullarının dəyər ifadəsində 21,2 faizi ticarət müəssisələri, 50,5 faizi fərdi sahibkarlar tərəfindən, 28,3 faizi isə bazar və yarmarkalarda satılıb. Keçən ilin eyni dövrü ilə müqayisədə pərakəndə ticarət dövriyyəsi real ifadədə müəssisələr üzrə 29,8 faiz, fərdi sahibkarlar üzrə 2 faiz artıb, bazar və yarmarkalarda isə 8 faiz azalıb.

Hesabat dövründə əhalinin bir nəfərinə düşən orta aylıq pərakəndə ticarət dövriyyəsi 316 manat və ya ötən ilin müvafiq dövrünün göstəricisindən nominal ifadədə 15,6 manat çox olub. Ticarət şəbəkəsində bir ölkə sakini orta hesabla hər ay 159,9 manatlıq ərzaq məhsulları, içkilər və tütün məmulatları, 156,1 manatlıq qeyri-ərzaq məhsulları alıb.

ŞƏRH YAZ
0
BAĞLA