Ötən il vergidən yayınma faktı üzrə 614 cinayət işi bağlanıb

Ötən il vergidən yayınma faktı üzrə 614 cinayət işi bağlanıb
19:31
12.03.2018
970
İqtisadiyyat
A
2017-ci ildə Azərbaycanda ümumilikdə 5878 vergi ödəyicisinə, o cümlədən 4351 hüquqi şəxsdə və 1527 fiziki şəxsdə səyyar vergi yoxlaması həyata keçirilib.

"Ölkə.Az"ın məlumatına görə, bu, Nazirlər Kabinetinin 2017-ci ildə fəaliyyəti haqqında hesabatda əksini tapıb.

Hesabatda qeyd olunub ki, səyyar vergi yoxlamaları zamanı 5778 vergi ödəyicisində və ya səyyar vergi yoxlaması ilə əhatə olunanların 98,3%-də vergi qanunvericiliyinin pozulması halları aşkar edilib: "Səyyar vergi yoxlamaları nəticəsində ümumilikdə 864 milyon 910,95 min manat əlavə vəsait hesablanıb ki, bunun da 555 milyon 412,97 min manatını və ya 64,2 faizini əlavə hesablanmış vergi, 309 milyon 497,98 min manatını və ya 35,8 faizini isə vergilərin azaldılmasına və digər hüquq pozuntularına görə tətbiq edilmiş maliyyə sanksiyası (faizlərlə birlikdə) təşkil edib".

Vergi orqanları tərəfindən operativ vergi nəzarətinin həyata keçirilməsi ilə vergidən yayınma halı ehtimal edilən 18352 sayda operativ vergi nəzarəti tədbiri və 2783 sayda xronometraj metodu ilə müşahidənin təyin edilməsi üzrə risklər təsdiq edilib: "Həmin risklər üzrə operativ vergi nəzarəti tədbirləri nəticəsində 14942 akt tərtib edilib ki, onlardan 12965 sayda akt üzrə qanun pozuntusu aşkar edilib, 10377 sayda məsuliyyət qərarı çıxarılmaqla vergi ödəyicilərinə 21 milyon 793,7 min manat məbləğində maliyyə sanksiyası tətbiq olunub".

Sənəddə bildirilib ki, hesabat dövründə vergi ödəməkdən yayınma faktları üzrə Cinayət Məcəlləsinin 213-cü maddəsi ilə 493, qanunsuz sahibkarlıq və vergi ödəməkdən yayınma faktları üzrə 192-ci və 213-cü maddələri ilə 2, qanunsuz sahibkarlıq faktları üzrə 192-ci maddəsi ilə 1, saxta aksiz markalarının dövriyyəsi faktı üzrə 205-1-ci maddəsi ilə 7, aksiz markaları ilə markalanmalı olan məsulları (malları), belə marka olmadan satma, satış məqsədi ilə saxlama, idxal etmə, belə məhsulların (malların) nağd qaydada alğı-satqısı faktları üzrə 213-1-ci maddəsi ilə 19, aksiz markaları ilə markalanmalı olan məhsulları (malları), belə məhsulların (malların) nağd qaydada alğı-satqısı və məhkəmənin aktını icra etməmə faktları üzrə 213-1-ci və 306-cı maddələri ilə 1, əmək müqaviləsi (kontraktı) hüquqi qüvvəyə minmədən işçilərin işlərin (xidmətlərin) yerinə yetirilməsinə cəlb edilməsi faktları üzrə 162-1-ci maddəsi ilə 91, cəmi 614 sayda cinayət işi bağlanıb.

Hesabatda qeyd olub ki, vergi borcunun, hesablanmış faizlərin və tətbiq edilmiş maliyyə sanksiyalarının təmin etmək məqsədi ilə Vergi Məcəlləsinin 23-cü maddəsinə uyğun olaraq 150 iddia ərizəsi ilə inzibati-iqtisadi məhkəmələrə müraciət edilib. 2017-ci il və əvvəlki hesabat dövrləri üzrə verilmiş iddia ərizələrdən 45 məhkəmə qətnaməsi daxil olub ki, bunlardan da 44-ü məhkəmələr tərəfindən təmin edilib.

Sənəddə qeyd olunub ki, Nazirliyin Apelyasiya Şurasının icraatında 2017-ci il ərzində ümumilikdə 55 şikayət olub ki, bunlardan 9-u səyyar vergi yoxlamaları, 22-si kameral vergi yoxlamaları, 13-ü operativ vergi nəzarəti tədbirləri, 11-i isə digər məsələlər (artıq ödənilmiş vergilərin qaytarılması, bank hesablarına qoyulmuş sərəncamların qanunsuz hesab edilməsi və s.) ilə bağlı olub.

ŞƏRH YAZ
0

Azərbaycan nefti ucuzlaşdı

Azərbaycan nefti ucuzlaşdı
10:23
Bu gün
39
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,35 dollar və yaxud 0,44% azalıb.

"Ölkə.Az" xəbər verir ki, "Azeri LT CIF" markalı neftin qiyməti 80,34 dollar/barelə bərabər olub.

Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.

ŞƏRH YAZ
0

Valyuta məzənnələri

Valyuta məzənnələri
09:57
Bu gün
97
İqtisadiyyat
A
Azərbaycan Mərkəzi Bankı 21 sentyabr tarixindən etibarən valyuta məzənnələrini açıqlayıb.

Mərkəzi Bankdan "Ölkə.Az"a verilən məlumata görə, sentyabrın 21-nə olan rəsmi məzənnələr bülleteninə əsasən, ABŞ dollarının rəsmi məzənnəsi 1,7000 manat təşkil edir.

Manata nəzərən avronun məzənnəsi 2,0024 manat təşkil edir.

1 türk lirəsi 0,2727 manat, 1 rus rublu 0,0256 manat, 100 İran rialı 0,0040 manat, 1 gürcü larisi isə 0,6489 manatdır.

ŞƏRH YAZ
0
BAĞLA