Övladları məktəb və bağçaya gedən valideynlərə xəbərdarlıq — “Mümkün qədər ehtiyatlı olun”

Övladları məktəb və bağçaya gedən valideynlərə xəbərdarlıq
00:04
23.09.2017
184
Ölkə
A
“Hər il payız-qış mövsümündə Azərbaycanda uşaqlar arasında soyuqdəymə xəstəlikləri yayılır. Bu səbəbdən də valideynlər mümkün qədər ehtiyatlı olmalıdırlar”

Bu barədə Elmi-Tədqiqat Pediatriya İnstitutunun direktoru, respublikanın baş pediatrı Nəsib Quliyev “Ölkə.Az”a açıqlamasında bildirib. Onun sözlərinə görə, tədris ilinin başlanması ilə uşaqlar arasında hava-damcı yolu ilə yoluxan virusların yayılma təhlükəsi də artır.  

“Uşaq kollektivləri fəaliyyətə başlayıb. Məktəb, uşaq baxçaları, körpələr evi fəaliyyət göstərir. Ona görə də, hava-damcı yolu ilə keçən xəstəliklərin yayılma təhlükəsi var. İlk növbədə valideynlər övladlarında hansısa xəstəlik əlaməti görürlərsə, onları məktəbə və baxçaya qoymamalıdırlar. Bu zaman mütləq həkimə müraciət olunmalıdır. Payız fəslində immunitet zəifləyir. Bu zaman uşağın qidalanmasına diqqət yetirilməlidir”, - deyə Nəsib Quliyev bildirib. 

Baş pediatr deyir ki, indi havaların dəyişkən keçməsi uşaqların tərləyib-soyuması ilə nəticələnir:

“Baxırsan ki, havalar isti keçir. Lakin qəfil hava dəyişir və külək əsir. Bu zaman soyuqdəymə baş verir. Tərləmək uşaqların qalın geyimilə bağlıdır. Valideynlər çalışmalıdır ki, uşaqlar havaya uyğun geyinsinlər. İndi uşağa qalın paltar geyindirsələr, o tərləyəcək. Sonra bədəndə soyuma baş verəcək. Bu zaman da soyuqdəymə xəstəliyi yaranacaq. Buna görə də, uşaqlar hava tempraturuna uyğun geyindirilməlidirlər. Valideynlər diqqət etməlidirlər. Əgər uşaq tərləyibsə, bu zaman onun yaş paltarı quru ilə dəyişdirilməlidir”. 

Ziya Səccad
Ölkə.Az

ŞƏRH YAZ
0

Mərkəzi Neftçilər Xəstəxanasına yeni baş həkim təyin olundu — YENİLƏNİB

Mərkəzi Neftçilər Xəstəxanasına yeni baş həkim təyin olundu
16:22
Bu gün
861
Ölkə
A
Mərkəzi Neftçilər Xəstəxanasına yeni baş həkim təyin olunub.

Səhiyyə Nazirliyinin mətbuat xidmətindən  "Ölkə.Az"a bildirib ki, həmin vəzifəyə müvəqqəti olaraq Hüseyn Şahmalıyev təyinat alıb. H.Şahmalıyev xəstəxananın poliklinika şöbəsinin müdiri vəzifəsində çalışıb.

***

Mərkəzi Neftçilər Xəstəxanasının baş həkimi İsmayıl Mirzəliyev işdən çıxarılıb.

"Ölkə.Az"ın məlumatına görə, o, səhiyyə naziri Oqtay Şirəliyevin müvafiq əmri ilə Topçubaşov adına Elmi Cərrahiyyə Mərkəzinin Angiologiya şöbəsinin rəhbəri vəzifəsinə təyin olunub.

İ.Mirzəliyev artıq yeni vəzifəsinin icrasına başlayıb.

Qeyd edək ki, İsmayıl Mirzəliyev bundan əvvəl Quba Rayon Mərkəzi Xəstəxanasında işləyib.

Ölkə.Az

ŞƏRH YAZ
0

Prokuror sabiq MTN generallarına iş istədi — Məhkəmədə

Prokuror sabiq MTN generallarına iş istədi
16:14
Bu gün
511
Ölkə
A
MTN generallarının məhkəməsi davam edir.

 “Ölkə.Az” xəbər verir ki, məhkəmə iclasında prokuror ləğv edilmiş Milli Təhlükəsizlik Nazirliyi (MTN) Monitorinq Mərkəzinin sabiq rəisi, general-mayor Teymur Quliyev, Transmilli İqtisadi Cinayətkarlığa Qarşı Mübarizə Baş İdarəsinin sabiq rəisi, general-mayor Sübahir Qurbanov və digərlərinə cəza istəyib.

O, Sübahir Qurbanovun 16 il cəza verilməsini istəyib.

Dövlət ittihamçısı digər şəxslərə - generallar Teymur Quliyevin 16 il, general Natavan Mirvətovanın 12 il müddətinə azadlıqdan məhrum edilməsini təklif edib.

Eləcə də həmin qurumun digər vəzifəli şəxsləri - Füzuli Əliyevin 15 il , Zaur Məmmədovun14 , Natiq Alıyevin 14, Fərhad Atayevin 7il, Anar Şirəliyevin 7 il , Eşqin Əliyevin 7 il və Elşad Əzizovun 8 il il müddətinə azadlıqdan məhrum edilməsini tələb edib.

Prokuror zamində olan Natavan Mirvətovanın da həbs edilməsini istəyib.

Prokuror təqsirləndirilən generalların rütbədən məhrum edilməsi barədə ölkə prezidentinə təqdimat göndərilməsini istəyib. Həmçinin MTN-nin digər vəzifəli şəxslərinin rütbədən məhrum edilməsini təklif edib.

Prokuror məhkəmədən təqsirləndirilən şəxslərin əmlaklarının müsadirə edilməsi ilə bağlı qanunun tələblərinə uyğun qərar çıxarılmasını istəyib.
O, həmçinin Dövlət Təhlükəsizlik Xidmətinin 1 milyon manatlıq mülki iddiasının təmin edilməsini, zərərçəkmişlərin isə mülki iddiaları ilə bağlı qanuna uyğun qərar qəbul edilməsini tələb edib.

Təqsirləndirilən şəxslərin vəkilləri çıxışa hazırlaşmaq üçün bir ay vaxt istəyib. Məhkəmə isə onlara 1 həftə vaxt verib. Növbəti proses martın 1-də davam edəcək.

ŞƏRH YAZ
0
BAĞLA