“Oyunlarına getməyə ehtiyac olmayacaq” — Qurbanov

“Oyunlarına getməyə ehtiyac olmayacaq”
23:44
14.09.2018
4471
İdman
A
"Ağır oyun oldu. Bizdə çox şey alınmırdı. Bu da başadüşüləndi. Komanda dünən bir araya gəlmişdi. Buna baxmayaraq, futbolçuları təbrik edirəm. Altı gün sonra Portuqaliyada çətin oyunumuz var. "Sumqayıt"a uğurlar arzulayıram. Nazim Süleymanovun komandası oyundan-oyuna yaxşı oynayır. Düşünürəm ki, qarşıdakı matçlarda daha yaxşı nəticələlər əldə edəcəklər".

"Ölkə.Az"ın "Report"a istinadən məlumatına görə, bunu "Qarabağ”ın baş məşqçisi Qurban Qurbanov Topaz Premyer Liqasının IV turunda evdə "Sumqayıt"ı 1:0 hesabı ilə məğlub etdikləri mətbuat konfransından sonra deyib.

Mütəxəssis daha sonra jurnalistlərin suallarını cavablandırıb:

- Bu gün matçı izləyənlər arasında "Sportinq"in məşqçisi də var idi. Bəs "Qarabağ"dan Portuqaliyaya gedən məşqçi olacaq?

- Bilirdim ki, stadiona rəqibdən nümayəndə var. Bazar günü kubok matçı oynayırlar. Fikirləşirəm ki, oyunlarına getməyə ehtiyac olmayacaq. "Sportinq"in matçlarına baxmışam.

- Nazim Süleymanov hakimlikdən narazı qalıb..

- Həmkarımızın fikrinə normal yanaşıram. Qarşılaşmada bir sıra mübahisəli epiozdlar vardı. Hər hansı fikir bildirə bilmərəm. Hər oyundan sonra müxtəlif fikirlər olur. Fikirləşirəm ki, hələ qarşıda çox oyun var və belə müzakirələr olacaq.

- Araz Abdullayevin debüt matçında çıxışı sizi qane etdimi?

- Arazdan bu gün maksimum oyun gözləyə bilmərəm. Xeyli vaxtdır rəsmi oyun keçirmir. Sonuncu dəfə iyunda millinin heyətində Latviya yığmasına qarşı oynayıb. Abdullayev çox ciddi hazırlaşır və əvvəlki formasını bərpa etməyə böyük istəyi var.

- Bu gün AFFA İcraiyyə Komitəsinin iclasında iştirak etmədiniz. Hakimliklə bağlı çıxarılan qərarla bağlı düşüncələriniz necədir?

- Bəli, məni dəvət etmişdilər. Ancaq oyunumuz olduğuna görə iclasda iştirak edə bilmədim. Hakimlik nə qədər İcraiyyə Komitəsində müzakirə olunsa da, mənə aid sahə deyil. Neçə ildir bu məsələ, komitələrin birləşdirilməsi müzakirə olunur. Belə praktika olub. Mənə aid olmayan sahə olduğuna görə dərindən də maraqlanmamışam. Buna görə fikir bildirə bilmərəm. UEFA bəzən tələb edir ki, belə dəyişiklik olsun. Bu haqda informasiyam var. Dəyişikliyə normal yanaşmalıyıq.

Ölkə.Az

ŞƏRH YAZ
0

“Real”ın qapıçısı İngiltərə klubunda

“Real”ın qapıçısı İngiltərə klubunda
00:37
Bu gün
22
İdman
A
İspaniyanın “Real Madrid” klubunun qapıçısı Kiko Kasilya karyerasını İngiltərə Çempionşp təmsilçisi “Lids Yunayted” komandasında davam etdirəcək.

“Ölkə.Az” xarici KİV-ə istinadən xəbər verir ki, 32 yaşlı qolkiper tibbi müayinədən keçmək üçün İngiltərəyə gedib. Klublar arasında razılığa əsasən,  "Real" bu transferdən pul almayacaq. Ancaq  qapıçının maaşı əvvəlki kimi qalacaq.

Qeyd edək ki, K.Kasilya cari mövsüm heç bir matçda oynamayıb.

Ölkə.Az

ŞƏRH YAZ
0

Paulinyo Çin klubuna transfer olunub

Paulinyo Çin klubuna transfer olunub
22:30
16.01.2019
246
İdman
A
Çinin “Quançjoi Everqrand” futbol klubu braziliyalı yarımmüdafiəçi Paulinyonu transfer edib.

“Ölkə.Az” xəbər verir ki, bu barədə klubun rəsmi məlumat yayıb.

30 yaşlı futbolçu “Barselona”dan 42 milyon avro qarşılığında icarə əsasında çıxış etdiyi Çin təmsilçisinə transfer olunub. “Quançjoi Everqrand” Paulinyo ilə 2023-cü ilədək müqavilə imzalayıb.

Yarımmüdafiəçi ötən mövsüm “Barselona”nın heyətində 49 oyuna 9 qol vurub və 2 məhsuldar ötürmə edib. Futbolçu cari mövsümdə isə Çin klubunda 19 oyuna 13 dəfə rəqib qapısına yol tapıb.

Paulinyo Braziliya millisinin heyətində 2011-2018-ci illərdə 56 oyun keçirib və 13 qolun müəllifi olub.

Ölkə.Az

ŞƏRH YAZ
0
BAĞLA