Özbəkistan Bakı-Tbilisi-Qars layihəsinə qoşulacaq — Vaxtı açıqlandı

Özbəkistan Bakı-Tbilisi-Qars layihəsinə qoşulacaq
12:15
07.12.2017
1794
İqtisadiyyat
A
2018-ci ilin ilk rübündə Özbəkistan Bakı-Tbilisi-Qars dəmir yollu xətti ilə pilot qaydada tranzit yükdaşımalarına başlaya bilər.

"Ölkə.Az" "APA-Economics"-ə istinadən xəbər verir ki, bu barədə Özbəkistan prezidenti Şövkət Mirziyoyevin imzaladığı fərmanın mətnində deyilir.
 
İmzalanan fərmanla prezident Özbəkistanın 2018-2022-ci illəri əhatə edən nəqliyyat infrastrukturunun təkmilləşdirilməsi və xarici yükdaşıma marşrutlarının diversifikasiyasına dair dövlət proqramını təsdiqləyib. Proqrama Bakı-Tbilisi-Axalkalaki-Qars dəmir yollu xətti ilə pilot qaydada tranzit yükdaşımalarının həyata keçirilməsi bəndi də yer alıb. Qrafikə əsasən, ilk yükdaşımaların həyata keçirilməsinə 2018-ci ilin ilk rübündən etibarən başlanılması nəzərdə tutulub.
 
Proqrama əsasən, Özbəkistan tərəfi Azərbaycan-Gürcüstan-Türkiyə-Avropa İttifaqı vahid nəqliyyat dəhlizinin formalaşdırılmasında da iştirak edəcək.
 
Bakı-Tbilisi-Qars dəmir yolu xəttinin rəsmi açılışı oktyabr ayının 30-da baş tutub.

 

ŞƏRH YAZ
0

"Azərbaycanda əməkhaqqı 5 dəfədən çox artıb" — Nazir

13:22
Bu gün
306
İqtisadiyyat
A
Son 10 il ərzində Azərbaycanda minimal əməkhaqqı 5,2 dəfə artıb.

"Ölkə.Az" xəbər verir ki, bunu Azərbaycan Respublikası Milli Sahibkarlar (İşəgötürənlər) Təşkilatları Konfederasiyasının V qurultayında əmək və əhalinin sosial müdafiəsi naziri Sahil Babayev deyib.

O bildirib ki, hesabat dövründə ölkədə 2 milyondan çox iş yeri açılıb: "Bunlardan 1,6 milyonu daimi iş yeridir, nominal əməkhaqqı isə 6,6 dəfə artıb”.

Nazir onu da xatırladıb ki, səmərəli məşğulluğun təmin olunması üçün 2019-2030-cu illər üzrə Azərbaycanın Məşğulluq Strategiyası təsdiq olunub.

Ölkə.Az

ŞƏRH YAZ
0

Məşhur musiqiçi dəfn edildi

Məşhur musiqiçi dəfn edildi
11:22
Bu gün
978
İqtisadiyyat
A
Xəbər verdiyimiz kimi, məşhur musiqiçi, klarnet ustası Sabirabadlı Zahid dünən ürək tutmasından vəfat edib.

"Ölkə.Az" xəbər verir ki, müsiqiçi artıq dəfn edilib. Hazırda dəfn mərasimi keçirilir.

Allah rəhmət etsin!

Ölkə.Az

ŞƏRH YAZ
0
BAĞLA