Özbəkistan prezidenti Aqşin Yeniseyin məşhur şeirini oxudu və redaksiyaya zəng etdi

"Ölkə.Az" xəbər verir ki, bu barədə A.Yenisey özü sosial şəbəkədə yazıb:

"Bu şəkilləri Özbək yazar Mirzohid Muzaffar göndərib. Demək, yanvarın 8-də mənim "Yeni il tənhalığı" şerimi "Toşkent Hakikati" qəzetində Mirzohid bəyin tərcüməsində çap ediblər. Və səhəri gün Özbəkistan prezidenti Şavkat Mirziyayevin köməkçisi redaksiyaya zəng edərək, bu şerə görə qəzet əməkdaşlarına prezidentin xoş sözlərini çatdırıb. İndiki zamanda bir prezidentin şeir oxuması, bəyənməsi, üstəgəl, qəzet əməkdaşlarına xoş sözlərini çatdırması mənə də maraqlı gəldiyi üçün istədim ki, bu xəbəri sizinlə də paylaşım və Mirzohid Muzaffar bəyə, onun vasitəsilə qardaş ölkənin prezidentinə salamlarımı çatdırım. Və gedim Ortaq Türk Dili lüğəti haqqında fikirləşməyə...".
Qeyd edək ki, A.Yenisey bir neçə ildir Türkiyədə yaşayır.

Ölkə.Az