Özbəkistanın baş naziri avtomobil qəzasına düşdü
Özbəkistanın baş naziri Abdulla Aripov avtomobil qəzasına düşüb.
“Ölkə.Az” xəbər verir ki, qəza bu gün səhər saatlarında Bekabaddan Daşkəndə gedən yolda baş verib. Baş nazir xəstəxanaya yerləşdirilib.
Hüquq-mühafizə orqanlarından verilən məlumata görə, baş nazirin avtomobilinə “Damas” markalı maşın çırpılıb. “Damas”ın sürücüsü idarəetməni itirərək qarşı zolağa çıxıb və qəza baş verib.
Hazırda Aripov xəstəxanadadır və onun vəziyyəti normaldır. Qəza zamanı hər iki sürücü də ağır xəsarət alıb. Bundan başqa baş nazirlə avtomobildə olan şəxs də ağır xəsarət alıb.
Hikmət Həsənov
Ölkə.Az
