Özünü Səudiyyə şahzadəsi kimi qələmə verdi, nəfsinin qurbanı oldu

Özünü Səudiyyə şahzadəsi kimi qələmə verdi, nəfsinin qurbanı oldu
14:11
11.07.2018
1205
Dünya
A
30 ildir özünü Səudiyyə Ərəbistanı şahzadəsi kimi qələmə verən amerikalı həbs edilib.

“Ölkə.Az” xəbər verir ki, fırıldaqçını donuz ətinə olan sevgisi ələ verib.

47 yaşlı Entoni Kolumbiyada anadan olub. Amma ABŞ-lı bir ailə tərəfindən övladlığa götürüldüyü üçün Amerikada böyüyüb. İlk dəfə bir otel və bir neçə şirkətə 10 min dollar ziyan vurduğu üçün 2008-ci ildə həbs edilib.

İstintaq zamanı Entoninin 1991-ci ildən bu yana saxta şəxsiyyət vəsiqəsilə bəzi əməllər törətdiyi, Mayamidə ikimərtəbəli evi, bir neçə lüks avtomobili olduğu üzə çıxıb. 

Növbəti hadisə isə ötən ilin mart ayında baş verib. Onun adamlarından biri amerikalı sərmayəçi Cefri Safferə zəng edərək Səudiyyə şahzadəsinin onun istirahət mərkəzinə 440 milyon dollar sərmayə qoymaq istədiyini bildirib.

Cefri saxta şahzadəni qonaq çağırıb. Görüş vaxtı Entoni Safferə Dubay bankının 600 milyon dollarlıq saxta təminat məktubunu göstərib. Növbəti görüşlər Kolorado ştatının Aspen şəhərində baş tutub. Bu görüşdə iş adamı nəsə şübhələnməyə başlayıb. Çünki müsəlman ölkədən gələn şahzadənin donuz ətini iştahla yeməsi onu şübhələndirib. O, təhlükəsizlik xidmətindən şahzadə barədə araşdırma aparmalarını istəyib. Beləcə, Entoninin yalanı üzə çıxıb.

Məhkəmə avqust ayında son qərarını verəcək.

Hikmət Həsənov
Ölkə.Az

 

ŞƏRH YAZ
0

Çindən ticarət müharibəsində ABŞ-a cavab zərbə

Çindən ticarət müharibəsində ABŞ-a cavab zərbə
20:30
Bu gün
1078
Dünya
A
Çin sentyabrın 24-dən ABŞ mallarına gömrük rüsumlarını artıracaq.

"Ölkә.Az" TASS-a istinadən xəbər verir ki, bu barədə Çin Dövlət Şurasının tarif komitəsinin yaydığı məlumatda deyilir. 

Ümumi dəyəri 60 milyard dollar olan mallara gömrük rüsumları 5 və 10 faiz artırılacaq.

Qeyd edək ki, ABŞ prezidenti Donald Tramp ölkəsinin Çin mallarına yeni rüsumlar tətbiq etdiyini açıqlayıb. Tramp Çin lideri Si Tzinpinə hörmət etdiyini, lakin ABŞ-ın daha Çinə qarşı köhnə ticarət siyasəti yürüdə bilməyəcəyini bildirib. 

Ölkә.Az

ŞƏRH YAZ
0

“Kedicik”lərin hamısı Adnan Oktarın arvadı imiş

“Kedicik”lərin hamısı Adnan Oktarın arvadı imiş
20:00
Bu gün
1766
Dünya
A
İstanbul prokurorluğu tərəfindən aparılan istintaq çərçivəsində Adnan Oktar qruplaşması haqqında vacib bir məlumat üzə çıxıb.

“Ölkə.Az” xəbər verir ki, Adnan Oktar qruplaşmasının “Bacılar” adlı qrupuna daxil olan qadınların Adnan ilə kəbin kəsdirdiyi məlum olub. 

Məlum olub ki, Adnan Oktar “Bacılar” qrupuna daxil olan qadınlardan istədiyinə “Bundan sonra sən mənim arvadımsan” deyərək kəbin kəsdirib. Sonradan isə qadın “Turnike” adlı fahişə sisteminə cəlb edilib.

Kəbin zamanı qrupdan iki qadın şahidlik edib. Bu qadınlara isə “Qardaşlar” adlı qrupun kişi üzvləri ilə görüşmək qadağan edilib.

Hikmət Həsənov
Ölkə.Az

ŞƏRH YAZ
0
BAĞLA