Özünüzlə tək qalanda düşünün: niyə indiyədək varlı ola bilməyibsiniz? — Günün ulduz falı

Özünüzlə tək qalanda düşünün: niyə indiyədək varlı ola bilməyibsiniz?
00:46
09.06.2018
10003
Maraqlı
A
"Ölkə.Az" "Milli.Az"a istinadən günün qoroskopunu təqdim edir:

Qoç - ətalətli, tənbəl, passiv olmayın. Son gündərin ağır yaşam tempi sizi yorsa da, ruhdan düşməyin. Qəfil olaylar sizi donuq vəziyyətdə haqlamasın.

Tələsik çalışmayın, düşünülməmiş addımla işləri daha da ağırlaşdırmayın.

Son günlər yaşananların sizə nəyə və neçəyə başa gəlməsini hesablamağa, anlamağa səy göstərin.
Günün ikinci yarısı daha uğurludur. Sizi xoş sürpriz gözləyir.

Buğa - səhər saatlarından etibarən fəal olun, çətinliklərdən çəkinməyin. Səfər, gəzinti, danışıqlar və müzakirələr üçün əlverişli gündür.

Bol emosiyalar olacaq. Yaxın ətrafınızdakı insanlar və ailə üzvləri ilə münasibətləri dəyərləndirin, anlaşılmazlıq və fikir ayrılıqlarının yaranmasına münbit şərait yaratmayın.
Yardıma ehtiyac duyan insana mütləq kömək edin.

Axşam saatlarında yorğunluq hiss edə bilərsiniz. Normal istirahət etməyə çalışın.

Əkizlər - səhər saatlarından ünsiyyəti seçərək işi arxa plana salmayın. Aktiv olun, məhsuldar çalışın, görüləcək işləri bitirməyə can atın.

Önəmli hadisələrdən kənarda qalmayın.

Günün ikinci yarısı tempi aşağı salmayın.
Axşam saatlarında istirahət edin, heç bir yerə tələsməyin, xoş təəssüratlar almağa çalışın.

Aldığınız informasiya və məlumatları təhlil edin. Düşünün ki, səhvləri təkrarlamayasınız.
İntuisiyanızdan bədgüman olmayın. İlk əvvəl görüləsi işin nə olduğunu hiss edəcəksiniz.

Xərçəng - qadağalara fikir verməyin və məqsədə çatmaq üçün qətiyyətlə irəliləyin. Aktiv olun, passivlərə aldanmayın. Yaşamınıza və işlərinizə məkrli müdaxiləyə imkan verməyin.

Maraqlandığınız, sizi razı salacaq işi seçin. Yeniliklər bitməyib, qarşıda sizi situasiyanın məhvərinin qəflətən dəyişəcəyi anlar gözləyir.

Dostların məclisindən uzaq durmayın. Təkbaşına qalmaqla bədbinliyə qapıla bilərsiniz. Yeni təəssüratlar və emosional yüngüllüyə ehtiyacınız var.

Uzaqdakı tanışlar və dostlarla əlaqələr, yazışma, fikir mübadiləsi, gələcəklə bağlı planların müzakirəsi üçün əlverişli gündür.

Axşam saatlarında mütailə, kompüterlə iş, gəzinti, əyləncəni seçə bilərsiniz.
Fikriniz dağınıq olsa da, maraqlı ideya sizin olacaq. Həmin ideya ilə bağlı yaxşı düşünün.

Şir - normal, rəvan gündür. Təlaşa, narahatlığa, nigaranlığa heç bir səbəb yoxdur.
Günün ilk yarısında diqqətli davranın, xırda detalları və təfərrüatları diqqətinizdən yayındırmayın.

İşlərin bir qismini başqasına həvalə etsəniz də, əsas ağırlıq sizin çiyninizdədir.

Bunu unutmayın. Yaxınlarınızla ünsiyyət saxlayın, evə zəng vurun. Telefonunuzu əhatə dairəsindən çıxarmayın.

Axşam saatları sürprizlər, hədiyyə, dostların gəlişi sizi sevindirə bilər.
Yaxşı istirahət edin. Sabah sizi yeni problemlər, yeni qayğılar gözləyir.

Qız - bu gün tələsik, qarışıq, hadisələrin bir-birlərini qovduğu zamandır. Ciddi, əsaslı işlə məşğul ola bilməyəcəksiniz.

Yaxın ətrafınızdakı insanlarla münasibətlərin inkişafı, köhnəlmiş ünsiyyət formalarının dəyişməsi üçün əlverişli gündür. Ehkamlaşmış təsəvvürlərdən uzaqlaşın, gərəksiz vərdişləri unudun və yeni şərtlərə uyğun hərəkət edin.

Qənaətli olun, alış-verişdə bədxərclik etməyin. Xarici görkəminizə və geyiminizə fikir verin.

Tərəzi - dünəndən bəri davam edən situasiyaya uyğunlaşmaq əvəzinə, çətinliklərin həll variantalarını arayın. Yeni temp, yeni davranış və yeni, intensiv qərarlar zamanıdır.
Bu günlə dünən arasında böyük fərq var. Ətalətli, süst olmayın.

Özünüzü aldatmayın, yanlışlıqlar və səhvlərə bəraət qazandırmağa çalışmayın.
Özünüzlə tək qalanda düşünün: niyə indiyədək zəngin, varlı ola bilməyibsiniz?

Düşünün: bəlkə həyat tərzi, həyata münasibət, iş yerini dəyişəsiniz? Olmaya bundan sonra da elə yaşamaq fikriniz var?!

Yeni təəssüratlar, yeni şərtlər, yeni hisslərə və yaşam arealına ehtiyac duyduğunuzu düşünsəniz də, emosiyalara qapılmayın.

Dostlar və tanışları maraq dairinizə cəlb edin, onlarla səmimi olun..
İrəliləyin, varlanın, güclənin. Həyat sizindir, başqaları sizin əvəzinizə yaşamayacaq.

Mühüm işləri sonraya saxlamayın. Axşam saatlarında aktiv istirahəti seçin.

Əqrəb - yeniliklər olacaq. Soyuqqanlı güzəştlərə və mənfəət vəd edən perspektiv münasibətlərə hazır olun. Bütün bunlar planlar və layihələrinizin inkişafı üçün zəmin yarada bilər.

İşlə aktiv məşğul olun, boş söhbətlərə vaxt ayırmayın. Əlavə işlərin sayını artıraraq özünüzü həddən ziyadə yormayın.

Oxatan - tələsin, fəal olun. Yeni ideya və planlarınızı artıq həyata keçirməyə başlayın. Şərik, iş yoldaşı və ya tərəfdaşla ideyanı, yaxud da reallaşdırmaq istədiyiniz planı müzakirə edin, perspektivləri təhlil edin.

İnformasiya axını, bolsöhbətlər, köhnə dostlarla görüşlər sizi maraqlı mövzularla yanaşı, təxirə salınmış işlərə qayıdın, çünki yarımçıq işlər problemləri sanki həndəsi silsilə ilə artırır.

Yaxın gələcəkdə önəmli novasiyalar və dəyişikliklər gözləməyə dəyməz. "Yığım" dövrü olduğundan yaşanacaq hadisələr sizi situasiyanın növbəti mərhələsinə aparır.

Oğlaq - səhər saatlarında planın son təfərrüatlarını müəyyənləşdirin, onu gerçəkləşdirməyə başlayın. Bu istiqamətdə yarana biləcək maneə və sədlər sizi yolunuzdan sapdırmasın.

Məntiqli və realist olun, qüvvənizi və imkanlarnızı dəqiq dəyərləndirin. Yeni ideyları düşünmədən rədd etməyin.

Yeni xəbərlər məşğul olduğunuz işə münasibətinizi dəyişə bilər.
Görüş, yeni biliklərin əldə olunması, təcrübənin artırılması üçün yaxşı gündür.

Köhnəlmiş və mənasız stereotiplərdən qurtulmaq, yaşananlara ənənəvi baxışdan əl çəkmək vaxtıdır.

Hissiyatınızın sizə xəbər verdiyi təklifləri təhlil edin.

Dolça - müstəqil çalışmağa, yarımçıq işlərinizi təkbaşına bitirməyə və bütün tapşırıqları tamamlamağa çalışın. İstirahət, əyləncə daha münasib günlərə qalmalıdır.

Çoxdan bəri yığılıb qalan, həllini tələb edən məsələlərin çözümünü bundan sonra da təxirə salaraq az olmayan problemlərin sayını süni şəkildə artırmayın.

Evdəki münasibətləri tənzimləyin, iş yerində tənqidə dözümlü olun.
Günün ikinci yarısında yorğunluq hissi yaranarsa, dayanmayın, irəliləyin.

Yaxın ətrafınızdakı insanlar sizə rəğbətlə yanaşacaqlar. Amma kömək və ya yardım təkliflərini əsla qəbul etməyin.

Balıqlar - bu gün genişmiqyaslı iş və ya planın reallaşdırılması üçün əlverişli zaman deyil. Adət etdiyiniz cari, rutin işlərlə məşğul olun.

Çətinlik hiss etdiyiniz zaman yaxınlarınız və ailə üzvlərinizin dəstəyindən yararlanın. Yaxın ətrafınızdakı insanların məsləhətlərini qulaqardına vurmayın.

Ötən həftə başladığınız işi başa vurun, yarımçıq işləri sıralayıb əlavə problemlərin yaranmasına rəvac verməyin.

Günün ikinci yarısı mühüm görüş və ya danışıq ola bilər. Yaranmış imkandan istifadə edin.

Ölkə.Az

ŞƏRH YAZ
0

Məkrli bədxahların təxribatlarına uymayın — Günün ulduz falı

Məkrli bədxahların təxribatlarına uymayın
00:52
Bu gün
1289
Maraqlı
A
"Ölkə.Az" "Milli.Az"a istinadən günün qoroskopunu təqdim edir:

Qoç - ağır gün olsa da, mübarizə hədəfi seçməyə çalışmayın.

Rəqiblər sakitləşiblər. Enerji və aktivliyinizdən qarşınızda duran problemlərin həlli üçün yararlansanız, yaxşı nəticələr əldə edəcəksiniz.

İşdə rəhbərlik, özəl fəaliyyətdə isə nüfuzlu şəxslərlə təmaslarda diqqətli və həssas olun. Sərt danışmayın, sözləriniz neqativ reaksiya yaratmasın. Zarafatlarınıza sərhəd qoyun.

Yaxınlarınıza diqqətlə yanaşın, qayğı bəsləyin. Amma hamiliyiniz ifrata varmasın.

Buğa - ağır fiziki işlərə başlamayın. İntellektual fəaliyyətə üstünlük verin. Mühüm məsələlələrin çözülməsində tərəfdaş və şəriklərin mövqelərini nəzərə alın. Aktual saydığınız məqamda istəyinizə çatmaq üçün ifrat dərəcədə aqressiv olmayın.

Günün ikinci yarısında ikinci dərəcəli, mənasız məsələləri çox önəmli saymayın. Sənədləşdirmədə gecikmələrə yol verməyin. Əks halda təxirəslamalar və ləngimələr ciddi problemlər yarada bilər.

Əkizlər - ağır, görüləsi işlərin çox olduğu gündür. İndiyədək rəğbət bəslədiyiniz insanlarla ünsiyyətdən çox tez yorula bilərsiniz.

Maliyyə və əmlakla bağlı xoşagəlməz xəbərlər istisna deyil.

Yaranmış problemləri həll etmək üçün hadisə yerində olmalısınız.

İnsanların gur olduğu yerlərdən kənarda çalışın, tədbirlərə qatılmayın. Belə tədbirdə narahatlıq hissinin yaranması, kiminləsə sərt danışmağınız istisna deyil.

Alış-verişdə bədxərclik etməyin.

Xərçəng - intuisiyanıza həddən artıq güvənməyin. Real biliklər və təcrübəni heç bir halda "altıncı hiss" əvəzləyə bilməz. Tapşırıq, yaxud sifarişi yerinə yetirmək üçün mühüm informasiyanın çatışmazlığını hiss edirsinizsə, həmin məlumatı arayın. Çalışdığınız kollektivdəki situasiyanı izləyin.

Günün ikinci yarısında maliyyə məsələlərində tələsik qərar verməyin. Kredit götürməzdən bütün nüansları araşdırın.

Axşam saatlarında normal istirahət edin.

Şir - günün ikinci yarısında öhdəlikləri asanlıqla yerinə yetirərək məqsədə çata bilərsiniz. İnnovasiyalardan istifadə edin. Önəmli məsələlərin həlli üçün əlverişli zamandır. Faydalı əlaqələri inkişaf etdirin.

Günün ikinci yarısında maddi rifahınızın asılı olduğu insanlarla təmasları aktivləşdirin. İşgüzar təmaslarda passivlik nümayiş etdirməyin. Yazışmalarda diqqətli olun. Tərəfdaşlarla problemləri müzakirə edin. Qarşı tərəfə sayğı nümayiş etdirin.

Qız - mənasız vurnuxma və səbəbsiz tələskənliyə heç bir ehtiyac yoxdur. İşləri ahəstə şəkildə, aramla görün. Diqqətsizlik sonradan önəmli məsələnin sonucuna çox pis təsir edə biləcək absurd, ağır səhvə səbəb ola bilər.

Günün ikinci yarısında olayları diqqətlə izləyin. Dəyər verdiyiniz insanların səhhəti ilə maraqlanın. Dostlarla əlaqə saxlayın.

 

Axşam saatları əyləncəyə yollanmazdan əvvəl gedəcəyiniz yer barədə zəruri məlumatları əldə edin.

Tərəzi - fərdi maraqlarınızı kollektivin mənafeyinə qurban verməyin. Günün ilk yarısından işlərdə aktiv olun. Müəyyən məsələlərdə gecikmələr, təxirəslamalar istisna deyil. İşdə həmkarlarınızla mənasız münaqişələrə yol verməmək üçün tapşırıqları təkbaşına yerinə yetirin.

Günün ikinci yarısında yaxın ətrafınızla təmasları minimuma endirin. Peşəkar fəaliyyət sahəsindəki bilikləri artırın. İmkan yaranarsa, vəziyyətin təfərrüatları barədə bilgilənin. Heç bir rəqib sizi qəflətən haqlamamalıdır.

Əqrəb - günün ilk yarısında ən önəmli məsələlər ailə və evlə bağlıdır. Yaxınlarınızın problemlərinin həllində aktiv iştirak edin. Fərdi məlumatların qorunmasına və konfidensiallığın təminatına xüsusi diqqət yetirin.

Günün ikinci yarısında elektron poçtunuzun parolunu dəyişin. İşdə həmkarlarla, fəaliyyətinizdə önəmli insanlarla təmasların qorunmasına, saxlanmasına xüsusi fikir verin.

Ciddi rəqiblə üzləşmə ehtimalı yaranarsa, zəruri arqumentlərə yiyələnin. Davranış modelində düzəlişlər etmək olar.

Oxatan - uzunmüddətli planın həyata keçirilməsinə başlamaq üçün əlverişli zamandır. Yaxın ətrafınızdakı insanlarla ünsiyyətinizdə diqqətli olun. Dəyər verdiyiniz insanın qəlbinə toxunası hərəkətlər etməyin.

Günün ikinci yarısında yeni tanışlarla bağlı gözləntiləriniz çox olmamalıdır. Yalnız özünüzə, biliyinizə, təcrübənizə güvənin. Faydalı təmasların sayını artırın. Nüfuzlu insanın himayəsinə və dəstəyinə zərurət yarana bilər.

Oğlaq - yeni və genişmiqyaslı işlərə başlamayın. Hazırda məşğul olduğunuz işləri yarımçıq qoymayın, onları tamamlayın. Alış-verişdə çox pul xərcləməyin. Böyük məsrəfləri ertələyin.

Günün ikinci yarısında önəmli danışıqları yad gözlərdən və bədxahların qulaqlarından uzaq ortamda aparın. Tələskənliyə qapılmayın. Həmsöhbətinizlə sayğılı davranın. Danışmaqla yanaşı, sizə deyilənlərə diqqətlə qulaq asın.

Dolça - aşkar həll variantları və asan yollardan imtina etməyin. Bu gün məqsədə məhz onların vasitəsilə çata bilərsiniz. Ənənəvi metodlardan yararlanmaqla, təbii ki, novator olmayacaqsınız, amma can atdığınıza çatacaqsınız. Ətrafınızdakı mühit gərginləşsə də, soyuqqanlı və təmkinli olun.

Məkrli bədxahların təxribatlarına uymayın.

İşlə bağlı məsələləri telefon danışıqları və ya yazışma ilə yox, bilavasitə görüşdə müzakirə edin.

Günün ikinci yarısı faydalı məlumatlar vəd edir.

Balıqlar - günün ilk yarısında həddən artıq aktiv olmayın. Bir qədər aramla çalışın. Cari işlərin müəyyən qismini ertələmək gərəkdir. Diqqəti əsas məqsədə yönəldin. Dostlar və tərəfdaşlarla birgə fəaliyyətdə xeyir var.

Eqoist olmayın.

Günün ikinci yarısında yaxın perspektivlə bağlı planlarda bəlli dəyişikliklər etmək gərəkdir. Yaxın ətrafınızdakı insanlarla təmaslarda quru rəsmiyyət və ciddiyyətin səviyyəsini artırmayın. Səmimi, qayğıkeş insan olun.

Yeni dostlarla tanış ola bilərsiniz.

Ölkə.Az

ŞƏRH YAZ
0

WhatsApp-dan növbəti YENİLİK

WhatsApp-dan növbəti YENİLİK
23:34
22.06.2018
2526
Maraqlı
A
WhatsApp istifadəçilərinin çoxdan gözlədiyi yenilik artıq hər kəs üçün əlçatan olub.

"Ölkə.Az" xəbər verir ki, WhatsApp-ın tətbiq etdiyi yenilik nəticəsində istifadəçilər 4 nəfərlə eyni vaxtda danışa biləcək.

Əvvəl bəzi istifadəçilər yararlana bildiyi bu imkandan yaxın zamanda hər kəs istifadə edəcək. Fərqli ölkə və qitələrdən WhatsApp istifadəçilərin yeni özəllikdən istifadə edə bildiklərini artıq Tvitterdə paylaşıb.

iOS, Android və Windows kimi telefon istifadəçiləri WhatsApp-ın yeni imkanından yararlanmaq üçün əvvəlcə proqramı yeniləməlidir. Bir nəfərlə görüntülü danışarkən sağ tərəfdə küncdəki "Əlavə et" düyməsinə toxunmaqla istədikləri istifadəçini seçib qrup söhbətə əlavə edə bilərlər.

Hələ ki, qrup söhbətində ancaq 4 nəfərlə danışmaq mümkündür. Çağırdığınız bütün istifadəçilər təklifi qəbul edəndən sonra ekran 4 yerə bölünəcək və hər bir istifadəçini ayrı-ayrılıqda görə biləcəksiniz.

Ölkə.Az

ŞƏRH YAZ
0
BAĞLA