Pakistanda baş verən terror aktı zamanı ölənlərin sayı artıb

"Ölkə.Az" xəbər verir ki, bu barədə yerli hüquq-mühafizə orqanlarından məlumat verilib. Verilən məlumata görə, Pakistanda törədilən üç terror aktı nəticəsində ölənlərin sayı 85 nəfərə çatıb.

Qeyd edək ki, iyun ayının 23-də Pakistanın şimal-qərb bölgəsində  partlayışlar baş verib. Ardıcıl iki partlayış Paraçinar şəhərinin ticarət mərkəzində törədilib. Törədilən partlayışlar nəticəsində 67 nəfər dünyasını dəyişib. Həmin gün Belucistanın Kvetta şəhərində avtomobilin partladılması nəticəsində 14 nəfər dünyasını dəyişib. Karaçi şəhərində isə silahlı insident nəticəsində 4 asayiş keşikçisi ölüb.

Ziya Səccad
Ölkə.Az