Pakistanda dalbadal terror aktı
Pakistanın Britaniya imperiyasından müstəqilliyinin 70 illiyi qeyd edilir.
"Ölkə.Az" xəbər verir ki, bayram tədbirləri zamanı Bəlucistan vilayətində iki terror aktı törədilib. Terrorçular Pakistanın Bəlucistan və Hayber-Paxtunxve vilayətlərində xidmət çəkən sərhəd qoşunlarına hücum ediblər. Terror aktı nəticəsində 7 nəfər həlak olub.
İlk hücum Kvettadan 150 km şimali-şərqdə, Xost yaşayış məntəqəsində qeydə alınıb. Terrorçular sərhəd keşikçilərinin avtomobilini partladıblar. Bəlucistan hökumətinin nümayəndəsi Ənvər ul-Xak Kakar bəyan edib ki, 6 hərbçi həlak olub, 2 nəfər isə xəsarət alıb.
İkinci insident Pancqur dairəsində baş verib. Naməlum şəxs sərhəd korpusunun patruluna atəş açıb. Bir nəfər həlak olub, bir nəfər də yaralanıb.
Hikmət Həsənov
Ölkə.Az
