Pakistanda dəhşətli bir gün
Pakistanın şimal-qərb bölgəsində baş verən partlayış nəticəsində ölənlərin sayı 25 nəfərə çatıb.
"Ölkə.Az" xəbər verir ki, bu barədə “Geo TV” telekanalı məlumat yayıb. Yayılan məlumata görə, ardıcıl iki partlayış Paraçinar şəhərinin ticarət mərkəzində törədilib. Partlayışlar zamanı yaralıların sayı 100 nəfərə yaxındır.
Hadisələrdən biri də səhər saatlarında Kvetta şəhərində, Bəlucistan əyalətinin polis idarəsinin yaxınlığında qeydə alınıb. Törədilən partlayış nəticəsində 11 nəfər ölüb.
Terror aktlarına görə məsuliyyəti hələ ki, heç bir qruplaşma öz üzərinə götürməyib.
Ziya Səccad
Ölkə.Az
