Pakistanda dəhşətli partlayış
Pakistanın Laxor şəhərində partlayış baş verib
"Ölkə.Az" xəbər verir ki, ticarət mərkəzində yerləşən restoranda güclü partlayış olub.
Hadisə səhər saatlarında baş verib. Partlayış nəticəsində 8 nəfər həlak olub, 30 nəfər isə yaralanıb, binaya ciddi ziyan dəyib.
Xəbər verilir ki, partlayışın dalğası yaxınlıqda yerləşən evlərin şüşələrini sındırıb. Eyni zamanda ticarət mərkəzinin yaxınlığında park edilən bir neçə avtomobilə ziyan dəyib.
Pəncab vilayətindən verilən məlumata görə, restoranın generatoru partlayıb. Polis əməkdaşları isə istintaq aparır və partlayışın səbəbini araşdırır. Terror versiyası istisna edilmir.
Qeyd edək ki, polisə edilən anonim zəng hadisənin terror aktı olduğunu bildirir. Xəbər verilib ki, partlayışa səbəb bomba quraşdırılmış avtomobil olub.
Hikmət
Ölkə.Az
