“Ölkə.Az”ın xəbərinə görə, hakim İradə Həsənzadənin sədrliyi ilə keçirilən prosesdə dövlət ittihamçısı ittiham aktı elan edib.

İttiham aktına əsasən, F.Davudov həyat yoldaşı 1953-cü il təvəllüdlü Fəridə Davudovanın tanışı, 1994-cü il təvəllüdlü Kamran Məmmədovla sevgili olmasından şübhələnib. O, Bülbülə qəsəbəsində yerləşən Cümə məscidinin həyətində K.Məmmədovu kürəyindən bıçaqlayıb.

Ekspertin rəyinə görə F.Davudov hadisəni törədən zaman anlaqsız vəziyyətdə olub.

Elan olunmuş ittiham üzrə F.Davudov özünü təqsirli bildiyini deyib: 
"Kamranı vurmuşam, cinayətlə məşğul idi. Papaq söhbətidir, namus məsələsidir".

Daha sonra onun həyat yoldaşı F.Davudova ifadəsində qeyd edib ki, K.Məmmədovla arasında hər hansı münasibət olmayıb.

K.Məmmədov dindirilən zaman söyləyib ki, internatda böyüyüb və hadisə baş verən məsciddə xidmətçi işləyib: "Faiqi oğlu Salehə görə bağışlayıram. O, mənə çörək verib."

F.Davudovun oğlu, məscidin axundu Saleh Davudov ifadəsində bildirib ki, hadisəni görməsə də, sonradan kameradan video-görüntülərə baxıb.
Hakim bildirib ki, F.Davudov axırıncı dəfə 10 il əvvəl xəstəxana şəraitində müalicə olunub. Həmin zaman ekspert onun cəmiyyət üçün təhlükəli olması barədə rəy verib.

Şahidlər ifadə verdikdən sonra istintaq tamamlanıb.

Məhkəmə kollegiyasının hökmü ilə F.Davudovun psixoloji müalicə alması üçün 1 saylı Respublika Psixiatriya Xəstəxanasına yerləşdirilməsi barədə qərar verilib.

"Ölkə.Az" APA-ya istinadən xəbər verir ki, hadisə rayonun Düyərli kəndi ərazisində qeydə alınıb.

Rayon mərkəzində keçirilən toy mərasiminə gedən Sabirkənd kənd sakinlərinin olduğu “VAZ-2106” markalı avtomobil yoldan çıxaraq maneəyə çırpılıb.

İlkin məlumata görə, qəza nəticəsində Şəmkir sakini - 1990-cı il təvəllüdlü Ayaz Allahverdiyev, avromobilin sürücüsü, 1987-ci il təvəllüdlü Emin Məmmədov ölüb, 1998-ci il təvəllüdlü Elami Əmiraslanov, onun əmisi oğlu, 1996-cı il təvəllüdlü Xəyyam Əmiraslanov isə xəsarət alıb.

Faktla bağlı araşdırma aparılır.

Ölkə.Az

“Ölkə.Az”ın xəbərinə görə, Dövlət Avtomobil Nəqliyyat Xidmətinin 2 əməkdaşı “Daewoo Damas” markalı yük avtomobilinin sürücüsü Faliyya Şaydulinanı döyüblər.

Sürücü qadın ərazi üzrə 17-ci polis bölməsinə şikayət edib. İlkin araşdırmalar zamanı məlum olub ki, qadın qanunsuz yükdaşıma ilə məşğul olub. Ancaq nəqliyyat xidmətinin əməkdaşları qadına zor tətbiq edibərək avtomobili əlindən almaq istəyiblər, bu zaman tərəflər arasında mübahisə düşüb və F. Şaydulinaya müxtəlif bədən xəsarətləri yetiriblər. 

Faktla bağlı polis bölməsində təhqiqat arşdırmalarına başlanılıb. Hadisəni törədən şəxslərdə artıq müəyyənləşdirilib.

Məsələ ilə bağlı Dövlət Avtomobil Nəqliyyat Xidməti saytımıza müraciət edərək mövqeyini bildirib. Xidmətin mövqeyini və video çarxı təqdim edirik.
“Yazıda adı keçən sürücü qanunsuz yük daşıma ilə məşğul olduğu üçün Dövlət Avtomobil Nəqliyyat Xidmətinin əməkdaşları tərəfindən xəbərdarlıq edilib və hadisə əməliyyat çəkilişi kimi qeydə alınıb. Həmin videonu məlumat və hadisəyə real qiymət verə bilməniz üçün konfidensiallıq qorunmaq şərti ilə təqdim edirik”, - deyə məlumatda bildirilir.

Qeyd edək ki, Dövlət Avtomobil Nəqliyyatı Xidməti Nəqliyyat, Rabitə və Yüksək Texnologiyalar Nazirliyinə tabedir.