Paralel dünyalara necə keçmək olar? — ARAŞDIRMA

Paralel dünyalara necə keçmək olar?
16:41
13.06.2018
6365
Maraqlı
A
Paralel dünyaların mövcudluğu qədim dövrlərdən insanların maraq dairəsində olub. İnsanlar zaman-zaman paralel dünyalara keçmək üçün cəhd ediblər.

“Ölkə.Az” bu gün oxucularına paralel dünyalar və onlara keçid barədə kiçik araşdırma yazını təqdim edir.

Fizika qanunlarına əsasən, paralel dünyalar kvant keçid tunelləri ola bilər. Bu isə o deməkdir ki, bu dünyadan başqasına keçid etmək mümkündür və bu zaman enerji saxlama qanunu pozulmur. Amma keçid üçün o qədər böyük enerji lazımdır ki, bu enerji bizim Qalaktikamızda da toplana bilməz.

Amma başqa variant da var. Bir versiyaya əsasən, paralel dünyalara keçid qara dəliklərdədir. Qara dəliklər isə alimlərin fikrinə görə əslində bir dünyadan başqasına keçid üçün dəlik ola bilər.

Şternberq astronomik institutunun alimi Vladimir Surdin bildirir ki, təbiətdə bir dünyanı başqa dünya ilə əlaqələndirən dəliklər mövcud ola bilər. Prinsip olaraq bu riyazi cəhətdən mümkündür. Belə dəliklərin mövcudluğunu fizika-riyaziiyat elmləri üzrə doktor Dmitri Qaltsov da təsdiqləyir. O, iddia edir ki, bu variantlardan biri bir nöqtədən digərinə sonsuz sürətlə keçid deməkdir. Amma bu günə qədər bu dəlikləri görən olmayıb.

Bu hipotezi yeni ulduzların yaranma sirrinin faş olması da təsdiq edə bilərdi. Astronomlar uzun müddətdir ki, bəzi səma cisimlərinin yaranması üzərində baş sındırırlar. Digər tərəfdən isə səma cisminin heç nədən yarandığı təsəvvürü yaranır. Bəlkə də paralel dünyalardan kainata atılan materiya nəticəsində yaranır.

Britaniyalı medium Dama Forsbayt 10 il əvvəl bəyan etdi ki, paralel dünyalara keçidi kəşf edib. O, bildirir ki, bu dünya bizim dünyamızın eynisidir. Sadəcə burada problemlər və xəstəliklər, aqressiya yoxdur. Forsaytın kəşfi Kent şəhərindəki bir yarmarkanın gülüş otağında yeniyetmələrin yoxa çıxması ilə əlaqəli idi. 1998-ci ildə 4 yeniyetmə o otaqdan çıxmayıb. 3 il sonra daha iki yeniyetmə yoxa çıxdı. Sonra yen itkin düşənlər oldu. Polis itkin düşənlərlə bağlı heç bir izə rast gəlmədi. Bu məsələdə müəmma çox idi. Kent şəhərinin detektivi Şon Mervi deyir ki, itkin düşənlərin hamısı bir-biri ilə tanış idi. İtkin düşmə faktı isə ayın son cümə axşamı baş verib. Bəlkə də bu ərazidə manyak peyda olub. Merfinin fikrinə görə manyak gizli yolla evə daxil olur. Amma polis araşdırması belə gizli yolun olmadığını üzə çıxardı. Bəs itkin düşən yeniyetmələr havadamı əridi? Sirli bina bağlandıqdan sonra itkin düşmə faktları dayandı.

Forsayt iddia edir ki, paralel dünyaya keçid əyri güzgülərdən birində olub. Çox güman ki, onu qarşı tərəfdən açıblar. Kimsə onu ilk itkin düşən yeniyetmə güzgünün yanında olanda açıb. Sonra isə o, öz dostlarını da ora cəlb edib.

Tibetdə tədqiqat aparan professor Ernst Muldaşev də əyri güzgüləri müşahidə edib. Onun fikrinə görə, piramidalardakı nəhəng güzgülərin strukturu mürəkkəbdir. Onların təsir dairəsində Muldaşev və ekspedisiya qrupu özünü pis hiss edib. Bəziləri uşaqlığını görüb, bəziləri də naməlum yerlərə gedib. Alimin fikrinə görə, bu güzgülərin vasitəsilə Tibet piramidalarında zaman və məkan anlayışını dəyişmək mümkündür.

Qədim əlyazmalara əsasən, bu komplekslər paralel dünyalara keçid üçün istifadə edilib. Muldaşevin fikrinə görə isə bunu fantaziya hesab etmək olmaz.
Avstraliyalı parapsixoloq Jan Qrimbriar bildirir ki, dünyadakı çoxsaylı anomal zonalar arasında 40 tunel mövcuddur ki, bunlar digər dünyalara aparır. Bu tunellərdən dördü Avstraliyada, 7-i isə Amerikadadır.

Onlardan ən məşhuru Kaliforniya milli parkındakı mağaradır. Bu mağaraya girmək mümkün olsa da, çıxmaq mümkün deyil. İtkin düşənlərin izi-tozu da qalmır.

Belə tunellərdən Rusiyada da var. Məsələn, şayələrə görə, Gelencik altında sirli şaxta var. Bu şaxta XVIII əsrdən mövcuddur. Guya bu şaxtaya girənlər heç vaxt geri qayıtmayıb. Bir dəfə şaxtaya düşən gənc 1 həftə sonra qocalmış formada geri qayıdıb.

Yunanıstanın Tilos adasının sakini 32 yaşlı İoannos Kolofidis də bir quyuya düşüb. 30 dəqiqə sonra o, qocalıb. Qədimdən bu quyu sahibsiz olub. Hətta isti havalarda da quyunun suyu buzlu olub. Onu təmizləmək üçün İoannosu çağırıblar. Hidro kostyum geyinən Kolofidis quyuya düşüb. Yarım saatlıq işdən sonra o, çöldə onu gözləyənlərdən çıxarmalarını xahiş edib. Onu çölə çıxaranda gözlərinə inanmayıblar. İoannosun əvəzinə yaşlı bir qoca var idi. Saçları ağarmış, saqqalı dizindən idi. Quyuda baş verənlər sirr olaraq qaldı. Çünki İoannos bir neçə saat sonra keçindi. Ekspertiza onun qocalıqdan öldüyünü sübut etdi.

Şotlandiyada yerləşən qədim qəsr macəra həvəskarlarının itkin düşdüyü yerə çevrilib. Qəsrin sahibi Robert bildirir ki, qəsri internetdən ucuz qiymətə alıb. O, qəsrin zirzəmisində qara caduya aid kitab tapıb. Otağa daxil olanda isə 3 metrlik rəsmdən onun üzünə işıq düşüb. Şəkildə insan təsvir olunub. Onun əynindəki paltar isə XV-XX əsrlərə aid deyil. Şəkilə yaxınlaşanda portret divardan qoparaq Robertin üstünə düşüb. Ser Robert sağ qalıb. Amma hadisə sürətlə yayılıb və bir çox turist qəsrə baş çəkib. Bir dəfə iki yaşlı qadın portretin arxasındakı dəliyə yaxınlaşıblar və yoxa çıxıblar. Xilasedicilər evi və divarları ələk-vələk eləsələr də, heç kəsi tapa bilməyiblər. Ekstrasenslər isə bildiriblər ki, qəsrdə paralel dünyalara qapı açılıb və qocalar o qapıdan başqa dünyaya keçiblər...

Hikmət Həsənov
Ölkə.Az

ŞƏRH YAZ
0

Bu içki insanı cavanlaşdırır — Alimlərdən açıqlama

Bu içki insanı cavanlaşdırır
01:08
Bu gün
510
Maraqlı
A
Sən demə qəhvə insanı cavanlaşdırır.

“Ölkə.Az” xəbər verir ki, araşdırma zamanı, qəhvənin tərkibindəki yüksək miqdarda olan antioksidantların orqanizmdəki yaşlanma prosesini zəiflətdiyi bəlli olub.

Alimlərin fikrincə, içki bədəndə oksidləşdirici prosesə səbəb olan sərbəst radikalları zərərsizləşdirir. Hansı ki, bu sərbəst radikallar ilk növbədə xroniki xəstəliklərin və yaşlanmanın inkişafına səbəb olur.

Alimlər qəhvə dənəsində təxminən min antioksidantın olduğunu və qovrulması zamanı isə yüzlərlə yenisinin yaranmasını təyin ediblər. Antioksidantlar artrit, ateroskleroz və bədxassəli şişlər də daxil olmaqla müxtəlif xroniki xəstəliklərin əsas səbəbi olan iltihaba qarşı mübarizə aparır.

Alimlərin fikrincə, ciddi xəstəliklərin inkişafının qarşısını almaq üçün  gündəlik 3-4 fincan qəhvə içməniz yetərlidir.

Ayrıca qəhvə xərçəng, ürək-damar, qaraciyər və diabet xəstəliklərinin yaranma riskinin azalmasınada kömək edir.  Eyni zamanda, qəhvəyə əlavə etdiklərinizə də  diqqət etməlisiniz:

Mütləq şəkər, krem ​​və ya südün miqdarına ciddi nəzarət edilməlidir.

Ölkə.Az

ŞƏRH YAZ
0

Şakira ağır xəstəliyindən danışdı — Bəzən yataqdan qalxmağa belə gücüm olmurdu

Şakira ağır xəstəliyindən danışdı
00:50
Bu gün
438
Maraqlı
A
Məşhur müğənni Şakira tutulduğu ciddi xəstəlikdən danışıb.

“Ölkə.Az” xəbər verir ki, ulduzun səs tellərində qan sızma vardı.  2017-ci ildə baş qaldıran bu xəstəlikdən diva uzun müddət əziyyət çəkib. Bu dövrdə o, nəinki mahnı ifa etmək, hətta danışa bilmirdi. Şakira xəstəliyi zamanı yaxınları ilə qeydlərdən istifadə edərək ünsiyyət qururdu.

Həkimlər Şakiraya təcili əməliyyat olmasını bildirəndə o, bundan imtina edib. Əməliyyatın yerinə müğənni meditasiya və hipnozu üstün tutub. Həkimlərin qorxusuna baxmayaraq, ifaçı tez bir zamanda ayağa qalxaraq səhnəyə qayıdıb.

"Mənə əməliyyat ya da Allahın köməyi lazım idi. Bu belə davam edə bilməzdi. Allah mənə tezliklə möcüzə göstərdi, şəfa tapdım. İndi səhnəyə hər çıxışımı taleyin əsl hədiyyəsi hesab edirəm ",- deyə Şakira “The Guardian”a müsahibəsində bildirib.

İndi pop diva xəstəliyin qayıdacağından qorxur. Xəstəliyin təkrarlanmaması üçün daim mənəvi müəllimi ilə məsləhətləşir və müayinələrdən keçir.

Eyni zamanda, o, "Barselona"nın müdafiəçisi, həyat yoldaşı Jerard Pikenin çətin anlarında hər zaman yanında olduğunu da bildirib.

“Bəzən yataqdan qalxmağa belə gücüm olmurdu. Səsim həyatımın hər zaman vacib bir hissəsi olub. Jerard bütün kaprizlərimə dözüb, mənə kömək edirdi”.

Ölkə.Az

ŞƏRH YAZ
0
BAĞLA