Parisdə aksiyalar zamanı 23 nəfər saxlanılıb
Fransa Daxili İşlər Nazirliyi “sarı jiletlər”in şənbə günü keçirdiyi aksiyalarda 41 min 500 nümayişçinin iştirak etdiyini bildirib.
“Ölkə.Az” xarici KİV-ə istinadən xəbər verir ki, Parisdə etriazçıların sayı 5 minə çatıb. Paytaxtda aksiyalar zamanı 23 nümayişçi saxlanılıb.
“İnvalid” meydanında nümayişçilər dağılaraq şəhərin küçələrinə səpələniblər. Ruan şəhərində avtomobilin nümayişçilərin üzərinə sürülməsi nəticəsində üç nəfər yaralanıb.
“Sarı jiletlər” hərəkatı başlayandan ilk dəfə olaraq nümayişlərin iki gün davam edəcəyi və aksiyaçıların fevralın 17-də yenidən küçələrə axışacaqları bildirilib.
Qeyd edək ki, üç aydır davam edən nümayişlərdən yorulmalarına baxmayaraq, “sarı jiletlər” etiraz aksiyalarını davam etdirməkdə israrlı olduqlarını vurğulayıblar.
Ölkə.Az
