Parisdə polislərə atəş açan İŞİD terrorçuları olub

"Ölkə.Az" xəbər verir ki, hücuma görə məsuliyyəti İŞİD terror qruplaşması öz üzərinə götürüb.

Terrorçuların internet səhifələrinin monitorinqi ilə məşğul olan "SİTE İntelligence Group" bu barədə məlumat verib. Məlumata əsasən, İŞİD terror qruplaşması "Amaq" nəşri vasitəsilə Parisin mərkəzində polis əməkdaşlarına edilən hücuma görə məsuliyyəti öz boynuna götürüb. Bildirilir ki, terror aktı Əbu Yusif əl-Beyciki tərəfindən törədilib.

Fransa xarici işlər nazirliyinin nümayəndəsi bildirib ki, polisə hücum edən cavab atəşi ilə qətlə yetirilib, onun yanındakı terrorçu isə qaçıb. Hazırda axtarış elan edilib. Artıq terrorçunun Parisə Belçikadan qatarla gəldiyi məlumdur. Bildirilir ki, polis əməkdaşlarından başqa hadisə vaxtı ərazidən keçən bir qadın da yaralanıb. Bu qadın Parisi gəzməyə gələn turistdir.

Hikmət
Ölkə.Az